Read sango Abia (Psaumes) 140 Bible Online

Abia (Psaumes) 140 - sango bible

Abia (Psaumes) 140

¹Bia so ayeke ndali ti makonzi-bia. Bia ti David.

²*KOTA GBIA, zi mbi na maboko ti zo ti sarango sioni; bata mbi si zo ti sarango ngangu na azo asara ngangu na mbi pepe.

³Ala yeke leke na be ti ala gi ye ti sioni, lakue, ala yeke gi lege ti sara bira.

⁴Ala leke menga ti ala titene aza tongana ti ngbo; tënë ti yanga ti ala ayeke sara sioni tongana ngu ti yanga ti ngbo. Luti kete

⁵KOTA GBIA, bata mbi si mbi ti na maboko ti azo ti sioni pepe; bata mbi si zo ti sarango ngangu na azo asara ngangu na mbi pepe, azo so ayeke leke na be ti ala ti sara si mbi ti so.

⁶Azo ti baba azia kuku na hondengo ni na dawa ti mbi, ala leke akamba na gbanda na tere ti lege, ala leke kuku ti gbu na mbi. Luti kete

⁷Mbi tene na KOTA GBIA, mbi tene: “Mo yeke Nzapa ti mbi. KOTA GBIA, dingi mê ti mo, mo ma toto ti mbi.

⁸NZAPA, Kota Gbia, mo yeke ngangu so ayeke soo mbi; mo laa mo bata li ti mbi na lango ti bira.

⁹KOTA GBIA, ye so azo ti sioni asara nzara ni, mo mu ni na ala pepe; ye so ala leke na be ti ala ti sarango ni, mo sara si ali ngu, ngbanga ti so, fade ala yeke gonda tere ti ala.” Luti kete

¹⁰Sioni tënë so azo so ayeke bi na li ti mbi, ayeke nzoni tënë ni akiri gi na li ti ala wani.

¹¹Ayeke nzoni ale ti wâ atuku na ndö ti ala! Ayeke nzoni a bi ala na ya ti wâ, na ya ti kota du so ala lingbi ti londo daa ti sigigi pepe!

¹²Alingbi azo ti sioni yanga angba na sese so pepe; fade sioni ayeke tumba hio hio peko ti zo ti sarango ngangu na azo!

¹³Mbi hinga so KOTA GBIA ayeke fâ ngbanga ti zo ti mawa mbirimbiri, lo yeke fâ ngbanga ti azo so ye atia ala na legeni.

¹⁴Biani, fade azo ti mbirimbiri ayeke mu singila na mo, azo so ayeke sara ye na legeni ayeke duti na gbe ti le ti mo.