Read sango Abia (Psaumes) 15 Bible Online

Abia (Psaumes) 15 - sango bible

Abia (Psaumes) 15

¹Bia ti David. *KOTA GBIA, zo wa laa mo yeke yamba lo na ya ti kota da ti mo, zo wa? Zo wa laa alingbi ti duti na ndö ti hoto ti mo so ayeke nde si ayeke nzoni kue so?

²Zo so tambula ti lo alingbi kue, zo so sarango ye ti lo ayeke mbirimbiri si lo yeke tene taa-tënë alingbi na tënë so ayeke na be ti lo.

³Lo yeke du mvene na li ti zo pepe, lo yeke sara mbana na zo pepe, lo yeke zonga nga mba ti lo pepe.

⁴Zo so Nzapa ake tënë ti lo, na le ti lo, lo baa zo ni tongana mbumbuse zo, me lo yeke ne zo so ayeke kpe mbeto ti KOTA GBIA. Tongana lo mu zendo ti sara mbeni ye, ataa so zendo ni ayeke ga na kpale na tere ti lo, lo yeke sara ni.

⁵Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.