Read sango Abia (Psaumes) 20 Bible Online

Abia (Psaumes) 20 - sango bible

Abia (Psaumes) 20

¹Bia ti David; bia so ayeke ndali ti makonzi-bia.

²Ayeke nzoni *KOTA GBIA akiri tënë na mo na ngoi so mo yeke na ya ti ye ti ngangu. Ayeke nzoni Nzapa ti Jacob lo wani, lo bata mo!

³So lo yeke na ya ti kota da ti lo, ayeke nzoni lo mu na mo maboko. So lo yeke na gbata ti *Sion, ayeke nzoni lo mu na mo ngangu.

⁴Ayeke nzoni lo dabe ti lo na asandaga so kue mo mu na lo; ayeke nzoni lo yeda na asandaga ti mo so a gbi ni kue na wâ. Luti kete

⁵Ayeke nzoni lo mu na mo ye so be ti mo aye; lo sara si aye so kue mo leke na be ti mo ti sara aga nzoni.

⁶Tongaso fade e yeke dekongo na ngia, ngbanga ti so mo zi azo na ya ti ye ti ngangu. E yeke yo abendere ti e na nduzu ti gonda na iri ti Nzapa ti e. Ayeke nzoni KOTA GBIA amu na mo aye so kue mo hunda.

⁷Fadeso mbi hinga awe: KOTA GBIA ayeke mu ngangu na zo so lo tuku mafuta na li ti lo ti zia lo gbia. Kâ na yayu, nzoni ndo ti lo, lo kiri tënë na gbia; na lege ti ngangu ti lo, lo sara akota ye ti soo lo.

⁸Ambeni zo azia be ti ala na ndö ti apusu ti mbarata, ambeni azia be ti ala na ndö ti ambarata. Ti e, e zia be ti e na ndö ti iri ti KOTA GBIA, Nzapa ti e, lo laa e yeke voro lo.

⁹Azo ni so awoko si ala ti na sese; ti e, e ngba na nduzu, e luti nganganga.

¹⁰KOTA GBIA, sara si gbia aso benda! Sara si na ngoi so e yeke iri lo, lo ga lo mu maboko na e.