Read sango Abia (Psaumes) 32 Bible Online

Abia (Psaumes) 32 - sango bible

Abia (Psaumes) 32

¹Bia ti David. Bia ti fango ye na zo. Ti lo nzoni, zo so a zi sioni ti lo na li ti lo awe, so a zi siokpari ti lo na li ti lo awe!

²Ti lo nzoni, zo so *KOTA GBIA adiko sioni ti lo na li ti lo pepe, so tënë ti handango zo ayeke na be ti lo pepe!

³Na ngoi so kue mbi kanga yanga ti mbi na ndö ti sioni ti mbi, tere ti mbi awoko lani wokongo, mbi yeke dema lakue.

⁴Bi na lâ, mo yeke pika lani mbi mingi; mbi hole holengo tongana pere so ahole ndali ti lâ ti buru. Luti kete

⁵Me mbi fa na mo siokpari ti mbi, mbi honde sioni ti mbi pepe. Mbi tene: “Fade mbi yeke fa na KOTA GBIA asioni ti mbi.” Ti mo, mo zi na li ti mbi awe ngbanga ti siokpari ti mbi. Luti kete

⁶Nilaa zo so kue ayeke zo ti mo, alingbi lo sambela mo na lango so lo hinga sioni ti lo. Ataa akpale aga tongana ngu so asuku amu ndo kue, fade akpale ni ayeke si na lo pepe.

⁷Mo yeke ndo so mbi yeke honde tere ti mbi daa, mo yeke bata mbi na ya ti ye ti ngangu. Ndali ti so mo zi mbi, mo sara si azo ahe bia angoro na mbi. Luti kete

⁸KOTA GBIA atene na mbi: “Fade mbi yeke fa ye na mo, mbi yeke fa na mo lege ti tambula daa, mbi yeke mu na mo wango si mbi yeke baa ndo na ndö ti mo.

⁹Mbarata na lele ahinga ndo pepe; titene ala luti, a yeke zia wen na kamba na yanga ti ala. Mo sara ye tongana ala pepe si fade sioni ye asi na mo pepe.”

¹⁰Pasi ti sioni zo ayeke mingi, me zo so azia be ti lo na ndö ti KOTA GBIA, nzoni be ti KOTA GBIA ayeke ngoro lo kue.

¹¹Ala azo ti mbirimbiri, ala dodo na ngia ndali ti KOTA GBIA, ala duti na ngia. Ala azo ti vurungo be, ala dekongo na ngia!