Read sango Abia (Psaumes) 4 Bible Online

Abia (Psaumes) 4 - sango bible

Abia (Psaumes) 4

¹Bia ti David; bia so ayeke ndali ti makonzi-bia. A he ni na kundi.

²Nzapa ti mbi, mo laa mo yeke fâ ngbanga ti mbi na legeni; kiri tënë na mbi tongana mbi iri mo. So mbi yeke ando na ya ti ye ti ngangu, mo laa mo zi mbi na ya ni. Baa mawa ti mbi, ma sambela ti mbi!

³Ala azo, ala yeke ngba ti buba iri ti mbi ngbii asi lawa? Ala yeke ye gi asenge senge ye ngbii asi lawa? Ala yeke zia lege ti kpengo na peko ti aye ti mvene ngbii asi lawa? Luti kete

⁴Ayeke nzoni ala hinga atene, *KOTA GBIA azia zo ti lo nde; zo ti lo so abata be ti lo na Nzapa. KOTA GBIA ayeke ma mbi tongana mbi iri lo.

⁵Tongana ala sara ngonzo, ala sara hange si ala sara siokpari pepe. Na bi, ala gbu li ti ala, me ala zi yanga oko pepe. Luti kete

⁶Ala mu asandaga so alingbi na tënë ti ndia, ala zia be ti ala kue na ndö ti KOTA GBIA.

⁷Ala yeke mingi, ala so ayeke toto tere ti ala, atene: “Zo wa laa ayeke sara si e duti nzoni? KOTA GBIA, baa e na nzoni le maa!”

⁸Na ngoi ti fango ale ti kobe, azo ayeke na ngia, ngbanga ti so kobe na vin asi singo. Me ngia so mo zia na be ti mbi ahon ti ala kue.

⁹Gi so mbi lango na ndö ti gbogbo, mbi lango na siriri, ngbanga ti so gi mo KOTA GBIA oko laa mo yeke bata mbi na siriri.