Read sango Abia (Psaumes) 53 Bible Online

Abia (Psaumes) 53 - sango bible

Abia (Psaumes) 53

¹Bia so ayeke ndali ti makonzi-bia; a he ni na *ngoli. Bia ti fango ye na zo; bia ti David.

²Azo so li ti ala ayeke daa pepe ayeke tene na be ti ala, atene: “Nzapa ayeke daa lawa!” Azo so fini ti ala akpa pepe, ala sara sioni ye ahon ndoni; zo oko ti sara nzoni ayeke daa pepe.

³Kâ na yayu, Nzapa aba tere ti lo na mbage ti azo ti sese; ti baa ndo, ti gi zo so li ti lo ayeke daa, zo so ayeke gi Nzapa.

⁴Ala kue azia nzoni lege awe; ala kue aga sioni legeoko; zo oko ti sara nzoni ayeke daa pepe, ataa oko ayeke daa pepe.

⁵Nzapa atene: “Azo ti sarango sioni so, ala hinga ye oko pepe! Ala yeke te azo ti mbi na mbana tongana ti so ala yeke te kobe ti ala; ala ke ti hunda ye na mbi.”

⁶Fade ala yeke do na kota mbeto, ataa so mbeni ye ti zia mbeto na be ti ala ayeke daa pepe. Azo so aga ti tiri bira na mo, fade Nzapa ayeke kangbi abio ti ala kirikiri. Fade mo yeke zia kamene na le ti ala, ngbanga ti so Nzapa ake ala awe.

⁷Tongana songo benda ti azo ti Israel alondo fade na hoto ti *Sion si aga, ka ayeke nzoni mingi! Na ngoi so Nzapa ayeke zi azo ti lo ti kiri na ala, azo ti lo so a gbu ala a gue na kodro wande so, fade *ahale ti Jacob ayeke dodo na ngia si azo ti Israel ayeke duti na ngia.