Read sango Abia (Psaumes) 56 Bible Online

Abia (Psaumes) 56 - sango bible

Abia (Psaumes) 56

¹Bia so ayeke ndali ti makonzi-bia. A he ni na go ti bia so iri ni: “Mbipa so akai kpoo yongoro kâ so.” Sambela ti ya ti be ti David. Lo he ni na ndembe so azo ti Filistii agbu lo na gbata ti Gat.

²Nzapa, baa mawa ti mbi! Azo ayeke tumba peko ti mbi; lakue, ala yeke sara ngangu na mbi, ala yeke tiri na mbi.

³Lakue, awato ti mbi ayeke tumba peko ti mbi; me na nduzu kâ, ala so ayeke tiri ndali ti mbi ayeke gbani gbani.

⁴Na lango so mbeto asara mbi, mbi yeke zia be ti mbi na ndö ti mo.

⁵Mbi yeke gonda Nzapa ndali ti tënë ti lo, mbi zia be ti mbi na ndö ti Nzapa, mbeto ayeke sara mbi oko pepe. Nyen laa zo alingbi ti sara na mbi, nyen?

⁶Lakue, ala yeke tene atënë ti songo be na mbi, ala yeke gbu li ti ala gi ti sara sioni na mbi.

⁷Ala honde tere ti ala, ala yeke *bembe ndo ti baa ndo so mbi yeke gue daa si ala gi lege ti fâ mbi.

⁸Ndali ti sioni sarango ye tongaso, fade ala yeke sigigi na ya ni senge senge? Nzapa, na lege ti ngonzo ti mo, mo bi azo so na sese maa!

⁹So mbi kpe fani mingi ti hon so, mo diko wungo ni kue awe; mo bongbi ngu ti le ti mbi na ya ti ngbenda ti mo. A su aye so kue na ya ti mbeti ti mo pepe?

¹⁰Na lango so mbi yeke iri mo, fade awato ti mbi ayeke kiri na peko. Mbi hinga, mbi tene, Nzapa ayeke na mbi.

¹¹Mbi yeke gonda Nzapa ndali ti tënë ti lo; mbi yeke gonda KOTA GBIA ndali ti tënë ti lo;

¹²mbi zia be ti mbi na ndö ti Nzapa, mbeto ayeke sara mbi oko pepe. Nyen laa azo alingbi ti sara na mbi, nyen?

¹³Nzapa, zendo so mbi mu na mo so, mbi ye ti sara ye alingbi na ni; mbi yeke ya na mo *sandaga ti mungo singila.

¹⁴Biani, mo zi mbi na ya ti kuâ awe; mo bata gere ti mbi si mbi ti pepe. Tongaso mbi tambula na dawa ti Nzapa, na ya ti lumiere, na popo ti azo so angba na fini.