Read sango Abia (Psaumes) 62 Bible Online

Abia (Psaumes) 62 - sango bible

Abia (Psaumes) 62

¹Bia so ayeke ndali ti makonzi-bia; a leke ni na kode ti Yedutun. Bia ti David.

²Biani, be ti mbi aduti kpoo gi tongana mbi yeke nduru na Nzapa, lo laa lo yeke soo mbi na kuâ.

³Biani, lo oko laa lo yeke kota têne so mbi luti na ndö ni ti bata tere ti mbi, lo yeke wasongo mbi na kuâ; lo yeke ngangu gbagba na tere ti mbi; mbeni ye ti yingi mbi ayeke daa oko pepe.

⁴Fade ala kue ayeke bongbi tere ti ti na ndö ti mbeni zo ti fâ lo ngbii asi lawa? Ala ye ti fâ lo tongana dere ti da so aba bango wala tongana gbagba so aye ti ti?

⁵Biani, ala yeke leke tënë na be ti ala ti zi zo ni na kota ndo ti lo; ti ala, gi tenengo mvene laa anzere na ala. Na yanga ti ala, ala yeke sara tufa na ndö ti azo, me na ya ti be ti ala kâ, ala yeke deba azo. Luti kete

⁶Biani, be ti mbi aduti kpoo tongana mbi yeke nduru gi na Nzapa; ye so mbi zia be ti mbi ti ku alondo na lo.

⁷Biani, lo yeke kota têne so mbi luti na ndö ni ti bata tere ti mbi, lo yeke wasongo mbi na kuâ; lo yeke ngangu gbagba na tere ti mbi; mbeni ye ti yingi mbi ayeke daa pepe.

⁸Nzapa ayeke wasongo mbi na kuâ; na lege ti lo laa mbi yeke wara gonda. Lo yeke kota ngangu têne so mbi luti na ndö ni ti bata tere ti mbi; lo yeke ndo so mbi kpe daa ti bata tere ti mbi.

⁹Ala azo, ala zia be ti ala lakue na ndö ti lo, ala fa tënë ti be ti ala na lo. Nzapa ayeke ndo so e yeke kpe daa ti bata tere ti e. Luti kete

¹⁰Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

¹¹Ala zia be ti ala na ndö ti sarango ngangu na azo pepe, ala zia be ti ala na ndö ti aye so ala gbu na ngangu pepe. Tongana ala wara mosoro mingi, ala zia be ti ala na ndö ni pepe.

¹²Fani mingi mbi ma Nzapa atene: “Ngangu ayeke ti mbi Nzapa.”

¹³*KOTA GBIA, nzoni be ayeke nga ti mo, ngbanga ti so mo yeke futa zo oko oko alingbi na sarango ye ti lo.