Read sango Abia (Psaumes) 63 Bible Online

Abia (Psaumes) 63 - sango bible

Abia (Psaumes) 63

¹Bia ti David. Lo he ni na ndembe so lo yeke na benyama ti Juda.

²Nzapa, mo laa mo yeke Nzapa ti mbi; mbi yeke gi mo; be ti mbi asara nzara ti mo tongana ti so nzara ti ngu asara zo, tere ti mbi kue ayeke na nzara ti mo mingi tongana kuru sese so aye ngu, tongana sese so ahole si ngu ayeke daa pepe.

³Na ya ti kota da ti mo so ayeke nde si ayeke nzoni kue, mbi gi ti baa mo na le ti mbi si mbi baa ngangu ti mo nga na gonda ti mo.

⁴Biani, nzoni be ti mo ayeke nzoni ahon fini ti zo; fade mbi yeke he bia ti sepela mo.

⁵Na lango ti fini ti mbi kue, fade mbi yeke mu singila na mo, mbi yeke yoro maboko na nduzu ti gonda iri ti mo.

⁶Fade tere ti mbi anzere tongana ti zo so ate anzoni kobe ti mafuta si ya ti lo asi; ngia na yanga, mbi yeke he bia ti gonda na mo.

⁷Tongana mbi yeke na ndö ti gbogbo ti mbi, mbi yeke dabe ti mbi na mo, mbi yeke gbu li ti mbi na ndö ti mo na bi kue.

⁸Biani, mo laa mo mu na mbi maboko; na gbe ti *kpangi ti mo, mbi dekongo na ngia.

⁹Mbi ngba na tere ti mo na be ti mbi kue; maboko ti mo ti koli ayeke gbu mbi.

¹⁰Ti azo so aye kuâ ti mbi so, ayeke nzoni ala gue na ndo ti akuâ!

¹¹Ayeke nzoni a fâ go ti ala na yongoro zeme si kuâ ti ala aga kobe ti anyama ti gbungo kondo.

¹²Fade gbia ayeke duti na ngia ndali ti ye so Nzapa asara. Zo so adeba yanga ti lo na iri ti Nzapa, fade zo ni ayeke gonda tere ti lo, me yanga ti azo ti mvene ayeke kanga.