Read sango Osée 3 Bible Online

Osée 3 - sango bible

Osée 3

¹*KOTA GBIA atene na mbi: “Kiri mo gue, mo ye wali so mbeni koli aye lo si wali ni ayeke gi akoli ti amba ti lo. Mo ye lo tongana ti so mbi KOTA GBIA, mbi ye azo ti Israel, ataa so ala yeke gue na peko ti anzapa nde si ala ye agatoo so a sara ni na le ti vinye.”

²Tongaso, mbi ka na peko ti wali ti mbi ale ti nginza baleoko na oku nga na kilo ti *orze ngbangbo osio.

³Mbi tene na lo, mbi tene: “Mo ngba na tere ti mbi aninga si; mo sara ye ti ndumba pepe, mo gi mbeni koli nde pepe; mbi nga, mbi yeke sara gi tongaso na mo.”

⁴Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

⁵Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.