Read sango Wungo ti azo 26 Bible Online

Wungo ti azo 26 - sango bible

Wungo ti azo 26

¹*KOTA GBIA atene na Moïse nga na wayango-sandaga Elazar, molenge ti Aaron, atene:

²“Ala diko wungo ti bongbi ti azo ti Israel kue, akoli so ngu ti ala alingbi baleuse wala ahon baleuse; so ti tene ala so alingbi ti sara kua ti turugu. Ala diko azo ni na lege ti sewa ti ala oko oko.”

³Tongaso Moïse na wayango-sandaga Elazar atene tënë na azo ti Israel na ya ti lando ti Moab, na tere ti ngu ti Jourdain, na ndo so abaa le na gbata ti Jéricho. Ala tene:

⁴“Fade ala yeke diko wungo ti akoli so kue ngu ti ala alingbi baleuse wala ahon baleuse alingbi na yanga so KOTA GBIA amu na Moïse.” Amara ti azo ti Israel so alondo lani na Ezipte asigigi ayeke so:

⁵Kozo ni ayeke mara ti Ruben. Ruben ayeke kozo molenge ti Jacob. Amolenge ti Ruben ti koli ayeke: Hanok, kotara ti azo ti kete mara ti Hanok; Palu, kotara ti azo ti kete mara ti Palu;

⁶Hesron, kotara ti azo ti kete mara ti Hesron; Karmi, kotara ti azo ti kete mara ti Karmi.

⁷So ayeke azo ti kete mara ti Ruben laa; wungo ti akoli kue ayeke 43 730.

⁸Eliab ayeke mbeni molenge-koli ti Palu.

⁹Amolenge ti Eliab ti koli ayeke: Nemuel, Datan na Abiram. Datan na Abiram so laa bongbi ti azo ti Israel asoro ala ti ga amakonzi. Ala laa atomboka lani na tere ti Moïse na Aaron na ndembe so bongbi ti azo ti Kore atomboka na tere ti KOTA GBIA.

¹⁰Sese azi yanga ti lo si amene ala, ala na Kore kue. Na lango ni so laa bongbi ti azo ti Kore akui si wâ agbi akoli ngbangbo use na baleoku. Ye ni so asi ti ga tapande ndali ti tanga ti azo ni.

¹¹Me ti amolenge ti Kore, ala kui ti ala na lango ni so pepe.

¹²Amolenge ti Siméon na lege ti akete mara ti ala ayeke so: Nemuel, kotara ti azo ti kete mara ti Nemuel; Yamin, kotara ti azo ti kete mara ti Yamin; Yakin, kotara ti azo ti kete mara ti Yakin;

¹³Zera, kotara ti azo ti kete mara ti Zera; Shaul, kotara ti azo ti kete mara ti Shaul.

¹⁴So ayeke azo ti kete mara ti Siméon laa; wungo ti akoli kue ayeke 22 200.

¹⁵Amolenge ti Gad na lege ti akete mara ti ala ayeke so: Sefon, kotara ti azo ti kete mara ti Sefon; Hagi, kotara ti azo ti kete mara ti Hagi; Shuni, kotara ti azo ti kete mara ti Shuni;

¹⁶Ozni, kotara ti azo ti kete mara ti Ozni; Eri, kotara ti azo ti kete mara ti Eri;

¹⁷Arod, kotara ti azo ti kete mara ti Arod; Areli, kotara ti azo ti kete mara ti Areli.

¹⁸So ayeke azo ti kete mara ti Gad laa; wungo ti akoli kue ayeke 40 500.

¹⁹Amolenge ti Juda ayeke so: Er na Onan; me ala kui lani na sese ti Kanaan.

²⁰Tongaso amolenge ti Juda na lege ti akete mara ti ala ayeke so: Shela, kotara ti azo ti kete mara ti Shela; Peres, kotara ti azo ti kete mara ti Peres.

²¹Amolenge ti Peres ayeke so: Hesron, kotara ti azo ti kete mara ti Hesron; Hamul, kotara ti azo ti kete mara ti Hamul.

²²So ayeke azo ti kete mara ti Juda laa; wungo ti akoli kue ayeke 76 500.

²³Amolenge ti Isakar na lege ti akete mara ti ala ayeke so: Tola, kotara ti azo ti kete mara ti Tola; Puva, kotara ti azo ti kete mara ti Puva;

²⁴Yashub, kotara ti azo ti kete mara ti Yashub; Shimron, kotara ti azo ti kete mara ti Shimron.

²⁵So ayeke azo ti kete mara ti Isakar laa; wungo ti akoli kue ayeke 64 300.

²⁶Amolenge ti Zabulon na lege ti akete mara ti ala ayeke so: Sered, kotara ti azo ti kete mara ti Sered; Elon, kotara ti azo ti kete mara ti Elon; Yaleel, kotara ti azo ti kete mara ti Yaleel.

²⁷So ayeke azo ti kete mara ti Zabulon laa; wungo ti akoli kue ayeke 60 500.

²⁸Amolenge ti Joseph na lege ti akete mara ti ala ayeke so: Manase na Efraim.

²⁹Amolenge ti Manase ayeke so: Makir, kotara ti azo ti kete mara ti Makir. Makir adu Galaad; Galaad ayeke kotara ti azo ti kete mara ti Galaad.

³⁰Amolenge ti Galaad ayeke so: Yezer, kotara ti azo ti kete mara ti Yezer; Helek, kotara ti azo ti kete mara ti Helek;

³¹Asriel, kotara ti azo ti kete mara ti Asriel; Shekem, kotara ti azo ti kete mara ti Shekem;

³²Shemida, kotara ti azo ti kete mara ti Shemida; Hefer, kotara ti azo ti kete mara ti Hefer.

³³Selofad, molenge ti Hefer adu amolenge-koli pepe, me gi amolenge-wali. Iri ti ala ayeke Mala, Noa, Hogla, Milka na Tirsa.

³⁴So ayeke azo ti kete mara ti Manase laa; wungo ti akoli kue ayeke 52 700.

³⁵Amolenge ti Efraim na lege ti akete mara ti ala ayeke so: Shutela, kotara ti azo ti kete mara ti Shutela; Beker, kotara ti azo ti kete mara ti Beker; Tahan, kotara ti azo ti kete mara ti Tahan.

³⁶Amolenge ti Shutela ayeke so: Eran, kotara ti azo ti kete mara ti Eran.

³⁷So ayeke azo ti kete mara ti Efraim laa; wungo ti akoli kue ayeke 32 500. Amara use so ayeke *ahale ti Joseph na lege ti akete mara ti ala.

³⁸Amolenge ti Benjamin na lege ti akete mara ti ala ayeke so: Bela, kotara ti azo ti kete mara ti Bela; Ashebel, kotara ti azo ti kete mara ti Ashebel; Ahiram, kotara ti azo ti kete mara ti Ahiram;

³⁹Shufam, kotara ti azo ti kete mara ti Shufam; Hufam, kotara ti azo ti kete mara ti Hufam.

⁴⁰Amolenge ti Bela ayeke so: Arde na Naaman. Arde ayeke kotara ti azo ti kete mara ti Arde; Naaman ayeke kotara ti azo ti kete mara ti Naaman.

⁴¹So ayeke azo ti kete mara ti Benjamin laa; wungo ti akoli kue ayeke 45 600.

⁴²Amolenge ti Dan na lege ti kete mara ti ala ayeke so: Shuham, kotara ti azo ti kete mara ti Shuham. So ayeke azo ti mara ti Dan na lege ti kete mara ti ala laa.

⁴³Wungo ti akoli ti mara ti Shuham kue ayeke 64 400.

⁴⁴Amolenge ti Aser na lege ti akete mara ti ala ayeke so: Imna, kotara ti azo ti kete mara ti Imna; Ishevi, kotara ti azo ti kete mara ti Ishevi; Beria, kotara ti azo ti kete mara ti Beria.

⁴⁵Amolenge ti Beria ayeke so: Heber, kotara ti azo ti kete mara ti Heber; Malkiel, kotara ti azo ti kete mara ti Malkiel.

⁴⁶Aser adu lani mbeni molenge-wali, iri ti lo ayeke Sera.

⁴⁷So ayeke azo ti kete mara ti Aser laa; wungo ti akoli kue ayeke 53 400.

⁴⁸Amolenge ti Neftali na lege ti akete mara ti ala ayeke so: Yasiel, kotara ti azo ti kete mara ti Yasiel; Guni, kotara ti azo ti kete mara ti Guni;

⁴⁹Yeser, kotara ti azo ti kete mara ti Yeser; Shilem, kotara ti azo ti kete mara ti Shilem.

⁵⁰So ayeke azo ti kete mara ti Neftali laa; wungo ti akoli kue ayeke 45 400.

⁵¹Azo ti Israel so kue adiko wungo ti ala ayeke 601 730.

⁵²*KOTA GBIA atene na Moïse:

⁵³“Fadeso, mo kangbi sese ni na popo ti amara so; mo kangbi ni alingbi na wungo ti azo ti mara oko oko si aga ye ti ala wani.

⁵⁴Mara so azo ni awu mingi, mo yeke mu sese ni akono; mara so azo ni awu mingi pepe, mo yeke mu sese ni kete. Mara oko oko ayeke wara sese titene aga ti lo alingbi na wungo ti azo ti lo.

⁵⁵Me fade a yeke bi mbeni ye ti baa si a yeke kangbi na sese ni. Mara oko oko ayeke wara sese titene aga ti lo alingbi na wungo ti azo ti lo.

⁵⁶Gi na lege ti bingo mbeni ye si ala yeke hinga ande sese wa laa a yeke mu na mara so azo ni awu mingi, wala sese wa laa a yeke mu na mara so azo ni awu pepe.”

⁵⁷Wungo ti azo ti mara ti Lévi so a diko ala na lege ti akete mara ti ala ayeke so: Gershon, kotara ti azo ti kete mara ti Gershon; Kehat, kotara ti azo ti kete mara ti Kehat; Merari, kotara ti azo ti kete mara ti Merari.

⁵⁸Na ya ti akete mara ti Lévi, ambeni kete kete mara ayeke so: kete mara ti Libni, ti Hebron, ti Mali, ti Mushi nga na ti Kore. Kehat adu Amram.

⁵⁹Amram amu mbeni wali so iri ti lo Yokebed, molenge ti Lévi; a du Yokebed na Ezipte. Yokebed adu amolenge ota na Amram: Aaron, Moïse na ita ti ala ti wali Miriam.

⁶⁰Aaron adu amolenge-koli osio: Nadab, Abihu, Elazar na Itamar.

⁶¹Me Nadab na Abihu akui, ngbanga ti so ala mu mbeni wâ nde si ala zö na dukani na KOTA GBIA.

⁶²Wungo ti akoli kue na amolenge-koli so kue ngu ti ala ato ndani na nze oko ti gue na ni ayeke 23 000. A diko azo ti mara ti Lévi na popo ti azo ti Israel pepe, ngbanga ti so a mu na ala sese pepe.

⁶³So ayeke peko ti dikongo wungo ti azo ti Israel so Moïse na wayango-sandaga Elazar adiko laa. Ala diko azo ni na ya ti lando ti Moab, na tere ti ngu ti Jourdain, na ndo so abaa le na gbata ti Jéricho.

⁶⁴Azo so Moïse na Aaron adiko ala na ndembe so ala diko azo ti Israel ando na ya ti benyama ti Sinai, mbeni zo oko na popo ti ala angba fadeso pepe.

⁶⁵Mbeni zo oko angba pepe, ngbanga ti so KOTA GBIA atene lani na ala, atene: “Fade ala kue ayeke kui na ya ti benyama.” Nilaa mbeni zo oko angba pepe, gi Kaleb, molenge ti Yefune, na Josué, molenge ti Nune.