Read sango Wungo ti azo 33 Bible Online

Wungo ti azo 33 - sango bible

Wungo ti azo 33

¹So ayeke akapa ti tambula ti azo ti Israel, ngbene ye so ala londo na Ezipte na lege ti amolongo ti ala, na gbe ti komandema ti Moïse na Aaron.

²Moïse asu na mbeti iri ti ando nde nde so ala luti daa, kapa na kapa, tongana ti so *KOTA GBIA amu yanga na ala ti sara. Baa, akapa ni ayeke tongaso:

³Azo ti Israel alondo na Ramses na lango baleoko na oku ti kozo nze ni; na ndade ni, so ala sara *matanga ti Pake awe, ala londo yamba na le ti azo ti Ezipte kue si ala hon.

⁴Andaa na ndembe ni so, azo ti Ezipte ayeke lu akuâ ti akozo molenge ti ala ti koli so KOTA GBIA afâ ala. Lo sara tongaso ti fâ ngbanga na li ti anzapa ti azo ti Ezipte ni.

⁵Azo ti Israel alondo na Ramses, ala gue, asara bâbâ ti ala na Sukot.

⁶Ala londo na Sukot, ala gue, asara bâbâ ti ala na Etam, na yanga ti benyama.

⁷Ala londo na Etam, ala kiri na Pi-Hahirot, ndo so abaa le na Baal-Sefon si ala sara bâbâ ti ala na gbe ti Migdol.

⁸Ala londo na Pi-Hahirot, ala fâ kota ngu-ingo ti Asosongo si ala gue na benyama. Ala tambula lango ota na ya ti benyama ti Etam, ala gue, asara bâbâ ti ala na Mara.

⁹Ala londo na Mara, ala si na Elim. Na Elim, ala wara ali ti ngu baleoko na use na akeke ti mburu balembarambara. Ala sara bâbâ ti ala kâ.

¹⁰Ala londo na Elim, ala gue, asara bâbâ ti ala nduru na kota ngu-ingo ti Asosongo.

¹¹Ala londo na kota ngu-ingo ti Asosongo, ala gue, asara bâbâ ti ala na benyama ti Sin.

¹²Ala londo na benyama ti Sin, ala gue, asara bâbâ ti ala na Dofka.

¹³Ala londo na Dofka, ala gue, asara bâbâ ti ala na Alush.

¹⁴Ala londo na Alush, ala gue, asara bâbâ ti ala na Refidim. Na ndo so ala wara ngu ti nyongo ni pepe.

¹⁵Ala londo na Refidim, ala gue, asara bâbâ ti ala na benyama ti Sinai.

¹⁶Ala londo na benyama ti Sinai, ala gue, asara bâbâ ti ala na Kibrot-Taava.

¹⁷Ala londo na Kibrot-Taava, ala gue, asara bâbâ ti ala na Haserot.

¹⁸Ala londo na Haserot, ala gue, asara bâbâ ti ala na Ritma.

¹⁹Ala londo na Ritma, ala gue, asara bâbâ ti ala na Rimon-Peres.

²⁰Ala londo na Rimon-Peres, ala gue, asara bâbâ ti ala na Libna.

²¹Ala londo na Libna, ala gue, asara bâbâ ti ala na Risa.

²²Ala londo na Risa, ala gue, asara bâbâ ti ala na Kehelata.

²³Ala londo na Kehelata, ala gue, asara bâbâ ti ala na hoto ti Shefer.

²⁴Ala londo na hoto ti Shefer, ala gue, asara bâbâ ti ala na Harada.

²⁵Ala londo na Harada, ala gue, asara bâbâ ti ala na Makelot.

²⁶Ala londo na Makelot, ala gue, asara bâbâ ti ala na Tahat.

²⁷Ala londo na Tahat, ala gue, asara bâbâ ti ala na Tera.

²⁸Ala londo na Tera, ala gue, asara bâbâ ti ala na Mitka.

²⁹Ala londo na Mitka, ala gue, asara bâbâ ti ala na Hashemona.

³⁰Ala londo na Hashemona, ala gue, asara bâbâ ti ala na Moserot.

³¹Ala londo na Moserot, ala gue, asara bâbâ ti ala na Bene-Yakan.

³²Ala londo na Bene-Yakan, ala gue, asara bâbâ ti ala na Hor-Gidgad.

³³Ala londo na Hor-Gidgad, ala gue, asara bâbâ ti ala na Yotbata.

³⁴Ala londo na Yotbata, ala gue, asara bâbâ ti ala na Abrona.

³⁵Ala londo na Abrona, ala gue, asara bâbâ ti ala na Esion-Geber.

³⁶Ala londo na Esion-Geber, ala gue, asara bâbâ ti ala na benyama ti Zin so ayeke na Kades.

³⁷Ala londo na Kades, ala gue, asara bâbâ ti ala na hoto ti Hor, na katikati ti sese ti Edom.

³⁸KOTA GBIA amu yanga na wayango-sandaga Aaron ti ma na li ti hoto ti Hor. Kâ laa Aaron akui, na kozo lango ti oku nze ni ti ngu baleosio ni na peko ti so azo ti Israel asigigi na Ezipte.

³⁹Aaron ayeke na ngu ngbangbo oko na baleuse na ota si lo kui.

⁴⁰Na ngoi ni so, gbia Arad, zo ti Kanaan so ayeke lango na sese ti Negev, ama tënë ti singo ti azo ti Israel.

⁴¹Azo ti Israel alondo na hoto ti Hor, ala gue, asara bâbâ ti ala na Salmona.

⁴²Ala londo na Salmona, ala gue, asara bâbâ ti ala na Punon.

⁴³Ala londo na Punon, ala gue, asara bâbâ ti ala na Obot.

⁴⁴Ala londo na Obot, ala gue, asara bâbâ ti ala na Ye-Abarim, na katikati ti sese ti Moab.

⁴⁵Ala londo na Ye-Abarim, ala gue, asara bâbâ ti ala na Dibon-Gad.

⁴⁶Ala londo na Dibon-Gad, ala gue, asara bâbâ ti ala na Almon-Diblataim.

⁴⁷Ala londo na Almon-Diblataim, ala gue, asara bâbâ ti ala na hoto ti Abarim so abaa le na hoto ti Nebo.

⁴⁸Ala londo na hoto ti Abarim, ala si na lando ti Moab, nduru na ngu ti Jourdain so abaa le na Jéricho.

⁴⁹Ala sara bâbâ ti ala na lando ti Moab, na yanga ti ngu ti Jourdain, na popo ti Bet-Yeshimot na Abel-Shitim.

⁵⁰Na lando ti Moab, nduru na ngu ti Jourdain so abaa le na Jéricho, *KOTA GBIA atene na Moïse

⁵¹ti tene na azo ti Israel, atene: “Tongana ala fâ ngu ti Jourdain awe si ala ye ti li na Kanaan,

⁵²fade ala yeke tumba azo ti kodro ni kue, ala yeke buba ayanda ti azo ni so ala sara na têne nga na wen, ala yeke kungbi ayanda ti ala kue na sese. Ala yeke buba ando so azo aleke na ndö ti ahoto ti voro anzapa nde daa.

⁵³Ala yeke mu sese ni, ala yeke lango daa, ngbanga ti so mbi mu ni na ala titene aga ti ala.

⁵⁴Ala yeke bi mbeni ye ti baa lege so ala yeke kangbi sese ni na amara ti ala oko oko nga na akete mara ti ala oko oko. Kete mara so azo ni ayeke mingi, fade a yeke mu na ala sese so akono; kete mara so azo ni ayeke mingi pepe, a yeke mu na ala sese so ayeke kete. Mara oko oko ayeke wara sese alingbi gi na ye so a bi si afa.

⁵⁵Me tongana ala, azo ti Israel, ala tumba pepe azo so alango na sese ni na dawa ti ala, ambeni zo so ayeke ngba na popo ti ala ayeke ga tongana aki na ya ti le ti ala, azo ti Israel, wala tongana akeke ti ki ti kpo peko ti ala. Azo ni ayeke ga awato ti ala na ya ti kodro so ala yeke duti daa.

⁵⁶Ye so mbi leke na be ti mbi ti sara na azo ni, nilaa mbi yeke sara ande na ala, azo ti Israel.”