Read sango Wungo ti azo 7 Bible Online

Wungo ti azo 7 - sango bible

Wungo ti azo 7

¹Na lango so Moïse ahunzi ti sara da so a zia nde ndali ti *KOTA GBIA awe, lo tuku mafuta na ndö ti da ni ti zia ni nde ndali ti KOTA GBIA. Lo zia aye ti ya ti da ni kue nde ndali ti KOTA GBIA. Lo tuku mafuta na ndö ti gbalaka nga na ndö ti aye kue ti sarango na kua ti gbalaka ni ti zia ni nde ndali ti KOTA GBIA.

²Tongaso, amakonzi ti azo ti Israel na lege ti asewa ti ala oko oko aga na *sandaga ti ala; so ti tene amakonzi ti amara, ala so lani ayeke baa ndo na ndö ti dikongo wungo ti azo so.

³Ala ga na sandaga ti ala ti mu na KOTA GBIA. Aye ni ayeke apusu omene so a kanga ndö ni kangango nga na abagara baleoko na use. Pusu oko ndali ti amakonzi use, bagara oko ndali ti makonzi oko. Ala ga na aye ni kue na yanga ti da ti KOTA GBIA.

⁴KOTA GBIA atene na Moïse:

⁵“Mu asandaga so ala ga na ni so. Fade a yeke mu ni ti sara na kua ti da ti bongo so KOTA GBIA na azo ti lo ayeke wara tere daa. Mo kangbi aye ni na azo ti mara ti Lévi alingbi na kua so a zia na maboko ti ala oko oko kue.”

⁶Moïse amu apusu ni nga na abagara ni si lo kangbi na azo ti mara ti Lévi:

⁷lo mu apusu use nga na abagara osio na amolenge ti Gershon alingbi na kua ti ala.

⁸Tanga ti apusu osio nga na abagara miombe so angba so, Moïse amu ni na amolenge ti Merari alingbi na kua ti ala. Ala yeke sara kua na gbe ti Itamar, molenge ti wayango-sandaga Aaron.

⁹Me Moïse amu ye oko na amolenge ti Kehat pepe, ngbanga ti so kua ti ala ayeke ti yo na ndö ti go ti ala aye so a zia nde ndali ti Nzapa.

¹⁰Na lango so a tuku mafuta na ndö ti gbalaka ni ti zia ni nde ndali ti Nzapa, amakonzi aga na amatabisi ndali ti matanga ti gbalaka ni. Ala ga na amatabisi ni na dawa ti gbalaka ni.

¹¹Tongaso *KOTA GBIA atene na Moïse: “Ayeke nzoni amakonzi aga na amatabisi ti ala ndali ti matanga ti gbalaka ni; so ti tene, lango oko, makonzi oko aga, lango oko, makonzi oko aga.”

¹²Na kozo lango ni, zo so aga na amatabisi ti lo ayeke Nashon, molenge ti Aminadab, zo ti mara ti Juda.

¹³Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti *sandaga ti ale ti kobe.

¹⁴Lo mu kopo ti lôro oko so nengo ni ayeke grame 100, dukani asi ya ti kopo ni.

¹⁵Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

¹⁶Lo mu koli-ngasa oko ndali ti sandaga ti zingo siokpari na li ti zo.

¹⁷Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Nashon, molenge ti Aminadab aga na ni laa.

¹⁸Na use lango ni, Netaneel, molenge ti Suar, makonzi ti azo ti mara ti Isakar aga na ti lo amatabisi ni.

¹⁹Amatabisi so lo mu ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

²⁰Lo mu kopo ti lôro oko so nengo ni ayeke grame 100, dukani asi ya ti kopo ni.

²¹Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

²²Lo mu koli-ngasa oko ndali ti sandaga ti zingo siokpari na li ti zo.

²³Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Netaneel, molenge ti Suar aga na ni laa.

²⁴Na ota lango ni, Eliab, molenge ti Helon, makonzi ti azo ti mara ti Zabulon aga na ti lo amatabisi ni.

²⁵Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

²⁶Lo mu kopo ti lôro oko so nengo ni ayeke grame 100, dukani asi ya ti kopo ni.

²⁷Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

²⁸Lo mu koli-ngasa oko ndali ti sandaga ti zingo siokpari na li ti zo.

²⁹Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Eliab, molenge ti Helon aga na ni laa.

³⁰Na osio lango ni, Elisur, molenge ti Shedeur, makonzi ti azo ti mara ti Ruben aga na ti lo amatabisi ni.

³¹Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

³²Lo mu kopo ti lôro oko so nengo ni ayeke grame 100, dukani asi ya ti kopo ni.

³³Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

³⁴Lo mu koli-ngasa oko ndali ti sandaga ti zingo siokpari na li ti zo.

³⁵Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Elisur, molenge ti Shedeur aga na ni laa.

³⁶Na oku lango ni, Shelumiel, molenge ti Surishadai, makonzi ti azo ti mara ti Siméon aga na ti lo amatabisi ni.

³⁷Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

³⁸Lo mu kopo ti lôro oko so nengo ni ayeke grame 100, dukani asi ya ti kopo ni.

³⁹Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

⁴⁰Lo mu koli-ngasa oko ndali ti sandaga ti zingo siokpari na li ti zo.

⁴¹Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Shelumiel, molenge ti Surishadai aga na ni laa.

⁴²Na omene lango ni, Eliasaf, molenge ti Deuel, makonzi ti azo ti mara ti Gad aga na ti lo amatabisi ni.

⁴³Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

⁴⁴Lo mu kopo ti lôro oko so nengo ni ayeke grame 100, dukani asi ya ti kopo ni.

⁴⁵Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

⁴⁶Lo mu koli-ngasa oko ndali ti sandaga ti zingo siokpari na li ti zo.

⁴⁷Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Eliasaf, molenge ti Deuel aga na ni laa.

⁴⁸Na mbarambara lango ni, Elishama, molenge ti Amihud, makonzi ti azo ti mara ti Efraim aga na ti lo amatabisi ni.

⁴⁹Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

⁵⁰Lo mu kopo ti lôro oko so nengo ni ayeke grame 100, dukani asi ya ti kopo ni.

⁵¹Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

⁵²Lo mu koli-ngasa oko ndali ti sandaga ti zingo siokpari na li ti zo.

⁵³Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Elishama, molenge ti Amihud aga na ni laa.

⁵⁴Na miombe lango ni, Gamliel, molenge ti Pedasur, makonzi ti azo ti mara ti Manase aga na ti lo amatabisi ni.

⁵⁵Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

⁵⁶Lo mu kopo ti lôro oko so nengo ni ayeke grame 100, dukani asi ya ti kopo ni.

⁵⁷Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

⁵⁸Lo mu koli-ngasa oko ndali ti sandaga ti zingo siokpari na li ti zo.

⁵⁹Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Gamliel, molenge ti Pedasur aga na ni laa.

⁶⁰Na gumbaya lango ni, Abidan, molenge ti Gidoni, makonzi ti azo ti mara ti Benjamin aga na ti lo amatabisi ni.

⁶¹Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

⁶²Lo mu kopo ti lôro oko so nengo ni ayeke grame 100, dukani asi ya ti kopo ni.

⁶³Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

⁶⁴Lo mu koli-ngasa oko ndali ti sandaga ti zingo siokpari na li ti zo.

⁶⁵Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Abidan, molenge ti Gidoni aga na ni laa.

⁶⁶Na baleoko lango ni, Ahiezer, molenge ti Amishadai, makonzi ti azo ti mara ti Dan aga na ti lo amatabisi ni.

⁶⁷Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

⁶⁸Lo mu kopo ti lôro oko so nengo ni ayeke grame 100, dukani asi ya ti kopo ni.

⁶⁹Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

⁷⁰Lo mu koli-ngasa oko ndali ti sandaga ti zingo siokpari na li ti zo.

⁷¹Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Ahiezer, molenge ti Amishadai aga na ni laa.

⁷²Na baleoko na oko lango ni, Pagiel, molenge ti Okran, makonzi ti azo ti mara ti Aser aga na ti lo amatabisi ni.

⁷³Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

⁷⁴Lo mu kopo ti lôro oko so nengo ni ayeke grame 100, dukani asi ya ti kopo ni.

⁷⁵Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

⁷⁶Lo mu koli-ngasa oko ndali ti sandaga ti zingo siokpari na li ti zo.

⁷⁷Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Pagiel, molenge ti Okran aga na ni laa.

⁷⁸Na baleoko na use lango ni, Ahira, molenge ti Enan, makonzi ti azo ti mara ti Neftali aga na ti lo amatabisi ni.

⁷⁹Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

⁸⁰Lo mu kopo ti lôro oko so nengo ni ayeke grame 100, dukani asi ya ti kopo ni.

⁸¹Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

⁸²Lo mu koli-ngasa oko ndali ti sandaga ti zingo siokpari na li ti zo.

⁸³Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Ahira, molenge ti Enan aga na ni laa.

⁸⁴Wungo ti amatabisi so kue amakonzi ti amara ti Israel amu na lango so a tuku mafuta na ndö ti gbalaka ni ti zia ni nde ndali ti Nzapa ayeke so: Akpangbara sembe ti wen ti nginza baleoko na use, adu ti sembe ti wen ti nginza baleoko na use, akopo ti lôro baleoko na use.

⁸⁵Nengo ti kpangbara sembe oko ayeke grame 1 300, nengo ti du ti sembe oko ayeke grame 700, nengo ti wen ti nginza so kue ala sara na asembe ni so ayeke kilo 24 alingbi na kilo so a yeke haka ka na ye na ndo so a zia nde ndali ti Nzapa.

⁸⁶Nengo ti kopo ti lôro oko ayeke grame 100, nengo ti akopo baleoko na use so kue ayeke grame 1 200, dukani asi ya ni kue. A haka nengo ni na kilo so a yeke haka ka na ye na ndo so a zia nde ndali ti Nzapa.

⁸⁷Wungo ti anyama so kue a mu ndali ti sandaga so a yeke gbi ni kue na wâ ayeke so: akoli-bagara baleoko na use, akoli-taba baleoko na use, akete taba ti ngu oko baleoko na use na asandaga ti ale ti kobe na tere ni oko oko nga na akoli-ngasa baleoko na use ndali ti sandaga ti zingo siokpari na li ti zo.

⁸⁸Wungo ti anyama so kue a mu ndali ti sandaga ti beoko ayeke so: akoli-bagara baleuse na osio, akoli-taba baleomene, akoli-ngasa baleomene, akete taba ti ngu oko baleomene. So ayeke wungo ti amatabisi so azo amu ndali ti matanga ti gbalaka na ndembe so wayango-sandaga atuku mafuta na ndö ni ti zia ni nde ndali ti Nzapa laa.

⁸⁹Na ndembe so Moïse ali na ya ti da ti bongo so KOTA GBIA na azo ti lo ayeke wara tere daa, ti tene tënë na KOTA GBIA, Moïse ama mbeni go so ayeke tene tënë na lo. Go ni alondo na nduzu, na popo ti *asheruben use, na ndö ti *ye ti kangango na yanga ti sanduku ti mbuki. Asheruben ni ayeke na ndö ti sanduku so a zia na ya ni atêne so a su atënë ti mbuki na le ni. Tongaso lo yeke tene tënë na lo.