Read sebat bet gurage ኢዮብ 10 Bible Online

ኢዮብ 10 - sebat bet gurage bible

ኢዮብ 10

¹«ንበሮት ቀጭ ባሬም፤ የኽየኸሬ ያኼንየ አትንውን ንቅ ኦያተና ስማ።

²ታኖ! ኸዳሽ አትፍርድቢ፤ ብያ ር ያትነብዀን ስስ ምር የኸረኸማ ኦዴ።

³ዛኽርቃር ተትባብዬ አንቁዌ? አኸ ገግማኸ የፈጠርዀን ሰብ ቅርጦት ነረብኸዌ? የጥጥ ሰብ አድማ ይሽርኸዌ?

⁴ያኸ ኤን የሰብ ኤንኸማቃሩዌ? ኧዞታኸ የሰብኸማውዌ?

⁵ያኸ ኧድሜ የሰብም ኧድሜ ኸማ አጭሩዌ?

⁶ኧጋ ይያ ባጢር ትትታተርም በደልመና ምረመርኸም ትሜዝርቢ የንቃሩ?

⁷ባጢረተነ አንኽሮትመናም ተአኸም ኧጅ ሟኒም ሰብ ኤያተርፌኸማ አኸም ትር።

⁸«ሽካከተቦም መርክም አቦምታነ የቾተቦን ኧጃኸሎ፤ ኧጋ ኧዃ ኽኽ ኧጃኸኽ ዠፐረቦምታነ ያጠፎንቴዌ?

⁹የሸኽራ ግብርኸማ ታፈር የቾትኼኸማ ኻር፤ ኧጋ ኧዃኽ ዠፐርከምታነ የጐትኸማ ታሜዬዌ?

¹⁰እኻኸማ ተዀምታነ በአዶተና ደን ሰብ ኧኸርኸማም ያመነኼ አኸ አንኸርከዌ?

¹¹ገጀና ተአጥምም ቶተርም ደመድኸም ቶትዀንም አጥምመናም በበሰርም በገጀ ሽፋነርዀንም።

¹²ነብስ አብኼምታነ በዘላለም ንማጀ ነመድኼም፤ ኸደምኸምታነ ቅየኸም አረፐርኼም።

¹³የኽርምታነ በኽ ግዝየ ይያ ትጐዴዬ በደንደን ታስብ የረፐረኸማ ኧዃ ኻርም።

¹⁴በኽ አን አ አትብርኸማ አሰብኸምታነ ባጢር ኧቾትኸማ ትቅዬ ባነ፤

¹⁵ባጢር ብንቾት የገገና ግርደና፤ ወኼ ቃር ብናሜም አትም ምስጋና አነኽብወ፤ ይመንር የመከራ ጥዋ ኧሰኽር ስን ታሰጬ፤ ንቃር ኧቅመጭኸማ ታሜዬ።

¹⁶ትቢት ቢትሰሜ ዠፕኸማ አሳደድኸም ትጠብጤ፤ ይያ ትጐዴዬ ብዘ ወግ የኸረ ዘንጋ ታሜ።

¹⁷ብያ ይምሰክሮፒ ሰብ እንም ግዝየ ትረኽብ፤ ቢያ ር ታትየሽን ማት ቲበዛ ያር፤ ይያ ታጠቄዬ እንም ግዝየ ገደር ገደር ዘንጋ ዮታደርኸማ በማራ ታቈምቢ።

¹⁸«ታኖ! የንቃር ኧትጨንኸማ አመነኼም? አትም ሰብ ቴያዤ ብሞት ወኼቃር ባነ።

¹⁹ንበሮተና ተዴፈተ ታዶተና ደን ትንትጨን የገሜ ቶር ይፍዞዜ ባነ።

²⁰ኧረብርወ ዘበር ያርቅወ ግዝየ ተራነበም አንኸረዌ? በተነፌ ዘበር ስን ነና ይሽንኸማ ኸዳሽ ቴዬ።

²¹ዱየ ጠነማ ያነወ ያትሽንፍ መደር አርወ ግዝየ ሰናም፤ ተዘፔትም አንቸን።

²²አርወ መደር ንቅ ጠነማም ጫም ኤነወገነው። በኽም ያነ ጬት የጠነማኸማው።»