Read sebat bet gurage ኢዮብ 23 Bible Online

ኢዮብ 23 - sebat bet gurage bible

ኢዮብ 23

¹ኢዮብ ዝካ ቲብር ዝረም፦

²«ኧዃም ምጥጥም ኦያትም በሳቢም እንም ግዝየ ብኖንም ብንስትም ት ቅጣተታ አናትየነሰኒ።

³ያነወ መደር ብንር መምር ወኼቃር ባነ! ይረብርወ መደርም ብንሰራ መምር ይሳሬ ባነ!

⁴ሽረና ቢፍተቴ ኧዘን ባነ፤ ዘንጋመና አትባት ይፍተቴ አትቀንብባነ።

⁵ምር ባረምታነ ይዠፕኒኸማ ኧኻር ባነ።

⁶ኧጋ እግዘር በኧርቅ ደረገታ ይትሟገቴሸ ይኽርሸዌ? ኧጨስን ቃረና ይሰሜዬ ባንኸሬ ዝክሽ ኤያሜ።

⁷ሽር ትንዝረን ግዝየ የነና ሰትትነት ይር የኸሬ እግዘር ስርም አንትምኸማ የዘላለም ነጣ ያወጤቴ።

⁸«ቢኸርም ጭን ምር ይኽርሸ! ኤያት ይወጣወ መደር ብንከራ በኽ ኤነ፤ ኤያት ይገባወ መደር ብንርድም አነከብን።

⁹እግዘር በከነም በራም ሜናታ ይቾት እያ ጭን አነከብን።

¹⁰ት ኤማና እንም ይን። ቢፈትሬም ወርቅኸማ ጥርር ኺት ይንኸቤሸ።

¹¹ት በሳረን ኤማ በርቴነት ኧወርሸ፤ ወብለጥ በበሮት ራም ከነም አምብር።

¹²እንም ግዝየ ይእግዘር ትዛዝ ኧቅየ፤ የገገና ፍቃድ ቴኸርም የት ፍቃድ አሜ።

¹³«እግዘር ኤትሽጋከር፤ የትም ይማችወ ኤነ፤ ት የረደን እንም ያሜ።

¹⁴ይያ ያሰወን ቃር እንም ያሜ፤ የዝካ ኤነት ብዘቃር ነረን።

¹⁵የኽየኸሬ በት ይፍቴ ሞት ንቃር ያትሸንፌ፤ ዝኸታ ትናጫምት ዳር ያረዴ።

¹⁶እግዘር ነና ይጠርንኸማ አመነም፤ እንም ይዀለ ታ አጠነቄም።

¹⁷ሟኒም ቢኸር ዱየ ጠነማ ኤነና ቢያጭራንሜም የጠነማታ አትሽራንት አንዝረኸማ አናመኔ።»