Read sebat bet gurage ኢዮብ 33 Bible Online

ኢዮብ 33 - sebat bet gurage bible

ኢዮብ 33

¹«ኧዃም ኢዮቦ ኡድኸ ቃር ስሜ፤ ኧዝረኸ ቃር እንም ገክርም ስሜ፤

²በነና ያነ ቃር እንም ኦድኼ ተሽካከትም፤

³ኧዝረኖ ዘንጋ የነና ርነት ዩዶ ቃሎ፤ ኧዝረን ያነ ኧንቃሩ።

⁴የፈጠሬ ይእግዘር መንፈሱ፤ ኧያም ኧኸርኸማ ያመኔ እንም ይዀለ ታ አንፏቱ።

⁵«ይኸንኸ በኸረ ዘፕኒ ጥ በርም ሽር ንዘነ።

⁶እያም አኸም ቢእግዘር ይፍቴ ጥየንደ፤ ዄችመንዳ የትፈጠነ ተጭቃራው።

⁷የኽየኸሬ ይያ ትሰርፍወ ቃር ኤነ፤ እያ ያኸ አትም አናሜኸ።

⁸«የዝረን ቃር እንም ትንሰማኸ ኧከስም፤ ታነበታኸ ዮጦ ዘንጋ ሰማም፤

⁹አኸ ትትዝረ ዝካ ባኸም፥ ‹እያ አትም ኤነቢ ጥርር ሰብን፤ ስርም ባጢር አንቾት ሰብን፤

¹⁰የኽርምታነ እግዘር ይያ ይቀጤዬ ዘንጋ ይሸቢ ጠላትኸማም ይሜዝሬ።

¹¹ኧግረና ኧግር ቢያጅ ብረት አገደም ይጠብጤ፤ ነሳም አድግኖ ኧግረና ስን አት ዄት ባረም ይሜዝኖ›

¹²«ኢዮብ! ዝኽ ዘንጋኸ አንኸረቃር ወኽረታ ኖድኸ፤ እግዘር ተሰብ እንም ይርቅ።

¹³ኧጋ ‹እግዘር የሰብ አንቅ ኤሰማ› በበሮት የምር ቢእግዘር ትትማጠጥ?

¹⁴ሰብ ኤቤስር ባንኸሬ እግዘር በብዘቃር ኧዃም ኧዃም ይዝረ።

¹⁵በምሳረ ሰብ በትገተሬ በሼ ወሬት ደን ታነ እግዘር በበርዛዝም በራእይም ይዝረ።

¹⁶በኽ ግዝየ ሰብ ቃረታ ይሰሞኸማ ያሜ፤ ቢያትጬፕኖ ዘንጋ ያጠርቅኖ፤

¹⁷በዝ ኤነት ሰብ ባጢር ተቶቶት ይትዠፐሮኸማ ያሜኖ፤ ትቢተናም ያፈካ።

¹⁸ሰብ ተጥፋት ያተርፍኖ፤ ተሞት ቅስፈትም ይቅየኖ፤

¹⁹እግዘር ጥጥ ባሸ በሰብ ር ባተኖት ሰብ ተጥጥ ኤማታ ይትዠፐርኸማ ያሜ።

²⁰በዝ ኤነት የን ሰብ ሸረት ብሮት ያትጬናን፤ ይተም ሸረት ስን ይረፏን

²¹ገጀታ ጠምታነ ሼጐነ ይኸር፤ ፍቃና ይዀዳንምታነ አጥመታ ይትየ።

²²ሉኸታ ወጣምታነ በጐጀ ይገቤ ተራነበም።

²³«የሰብ ውረም የኸረ ኤማ ቲያትየሰቦ በም ቲትሜዘሮ ይእግዘር መሌካ አተታ የቴንየ ይተንም ይንዳንሸ ይኽርሸ፤

²⁴መሌካምታ የት ሜራ በኽሮት ‹ኤሞትኸማ አትርን፤ ይትዌጣለ ቃር ነከብለም› ይብር።

²⁵የኽየኸሬ ገገታ ኻበም ጦናማ ይኸር። የዘርማ ደረገታ ዠፐረም ይረኽብ።

²⁶በኽግዝ ዝኽ ምስ ይእግዘሬንየ ጠሎት ያሜ፤ እግዘርም የጨቈሰን እንም ይሰሟን፤ ትም ሳረንምታነ ይእግዘር ሽር ይብር። ይእግዘርም ሳረንምታነ ጥርር ሰብ ኤፐም ይዝን። እግዘርም ዠፐረምታነ እንምቃር ያትሳኳለ።

²⁷ትም በሰብ ይፍቴ ዝካ ባረም ያዘምርቴ፥ ‹እያ ባጢር ቾትም፤ የትረ ቃር አጀነም እግዘር ጭን ባጢረና አሜዘረቢ።

²⁸ተሞት አተነፌም፤ ኧዃም ኧያም ኸርም ጬት አዥ።›

²⁹«እግዘር ዝኽ እንም ዘንጋ የሰብ ዥባፐርም ዥባፐረም ያሜ።

³⁰በዝኽ ኤነት ሰብ ተሞት ያተርፍ፤ በጬትም በብንትም ይረብርኸማ ያሜ።

³¹«ኢዮብ! ኧዝረኸ ዘንጋ አጠማም ስማ፤ እንዴ አኸ ስ በርምታነ እያ ንዝን።

³²ትዝረ ትሸ ቃር በረፐረ ዘን፤ እያም ኧስማኸሸ፤ ይያ ተመኛት አኸ ትጠርርኸማው።

³³ኻምባኸረ ስበርም እያ ኧዝረን ቃር ስማ፤ እያም ኻሪነት አትመርኸሸ።»