Read sebat bet gurage ኢዮብ 8 Bible Online

ኢዮብ 8 - sebat bet gurage bible

ኢዮብ 8

¹የሹኻ ገነ ቢልዳድ ዝካ ቲብር ዠረለም፦

²«እንርቢትኸማ ይረፍስ ከንቱ የኸረቃር ትዝረ መቸ ስኑ?

³እግዘር ስርም አንቅ ኤያጄ፤ ትም እንምግዝየ ያን ውረም የኸረ ዘንጋው።

⁴ዴንኸ ይእግዘር አትማተቦም ይኽርሸ፤ እካ በኸረ በውረም ቅጣተና ነከቦም በሮቱ።

⁵የኽርምታነ ይእግዘሬንየ ብትዠፐር እንም ይዀለ እግዘር ምረት ያሜንኸኸማ ብትጨስን፥

⁶አትም ኤነብኸ ጥርር ሰብ በኸርኸ እግዘር አፈጠረም ይንዳኸሸ፤ ቤትማኸም ንብረትማኸም በረካ ይራንሸ።

⁷ቅርሶታኸ ብርስየቃር ቢኸርም ጭን ወረወረ ጋ ንብረታኸ ንቃር ይብዛሸ።

⁸«እንዴ የድረ ኻሪነት መርምር፤ የድረ አባንዳ የኻረበዊ ውረም የኸረዘንጋ አጪግ።

⁹ይና እድሜ እርስየቃሩ፤ ንነ ቃር አትምቃር ኤነ፤ እርመንዳ ጥራርወት ኸማ ኽምተኽም ይፈካ።

¹⁰የኽ የኸሬ የድረ ኻሪ ሰብ ያትመሮከ፤ ይብሮከ ቃር ምር የኸረኸማ እንዴስማ።

¹¹«አንጨት እኻ ቤነወ መደር ኤረማ፤ እኻ ባነወ ዘረም መደር ባንኸሬ ብንጐድ መደር ኤረኽዊ፤

¹²በመደረታ ያነ እኻ በጠነቀ ጭን አፈጠረም ይሸትር፤ ያርጭዬ ቴሰራም ኽምተኽም ይጠርቅ።

¹³ይእግዘር ይትረሳኖ ሰብ ያንወረረና የኽክምሎ፤ እግዘር ቲኸዶ ግዝየ ተስፋና ይታንጥ።

¹⁴የሼት ቤትኸማ ቢትባነር ቃር ይታመሮ፤ ተስፋ ያመሮ ዘንጋ ዳር ቢረብር ብርስየ ቃር ይቄ።

¹⁵ኧጋ በእሼት ወደረ ር ቢትሻመኾ ጠበጠኖምታነ ይቈምዌ? ቤትታ ቲጠብጠዊ ያቈምኖቴዌ?

¹⁶«ጥጥ ሰብ አረምኸማ በጬት ይረሞ በዝነ መደር ይረሞ አረምኸማ ይበዞ።

¹⁷ኧስረና ብምር ይጥማጠሞምታነ ይጣበቆ፤

¹⁸የኽርምታነ ቲረርዮ ይፍቴ በኽ ወኽረና ይርሰብ ኤነ።

¹⁹የጥጥ ሰብ ብንት ዛኽር ቃሩ፤ ዝም የኸረወታ እንጐድ ሰብ ኽምተኽም ቸነቦምታነ በኽኖ መደር ይትሸከሮ።

²⁰«እግዘር ወኼ ወኼ ሰብ ኤቃሽኖ፤ የጥጥም ሰብ ኤረዳኖ።

²¹የኽየኸሬ አኸም ሳረናኸም ትደቅኸማም ‹ይር-ር-ር› ትብርኸማ ያሚኸሸ።

²²ቢጠረቦከ ሰብ ር ጭን ውርደት ያቸንቦቴ፤ የጥጥ ሰብም ቤት ይጠፎቴ።»