Read sebat bet gurage ዝምራ 32 Bible Online

ዝምራ 32 - sebat bet gurage bible

ዝምራ 32

¹ባጢረና አፍ የዋርዮም፥ በደልመና አዘርፖ ሰብ፥ የሳኖ።

²«በደል ነረብኸ» ባረም እግዘር ኤሜዝርወም፥ ተቅማምሮትም ኧረቌ የኸረ ሰብ የሳን።

³ባጢረና ታናወጣ ዋናታ እንም በብኾተና የቸነ፥ ሰብነተና ጠም።

⁴ታኖ! ዋናም ምሳረ ንቃር ቀጣኼም፤ ዚዝነት ያነን ዘንጋ ባባር ቅነት ይጠርቅኸማ፥ ርበተና አነቀም።

⁵በኽ ግዝየ ባጢረና ያኸ ኦድም፤ በደልመና ታኸ አንሼም፤ ባጢርመና እንም ያኸ ኦዴ አንጥኽወም፤ አኸም ባጢረና እንም አፍ ባኼም።

⁶ዝኽ የኸሬ ባኸ ያምሮ እንም፥ ብትረከብወ ግዝየ ያኼንየ ጠሎት ያመሮ፤ ሼ የጅጓረ ግዝየ ቲቸን ኤረግድኖ።

⁷አኸ ጥራረናንኸ፤ ተጅጓረም ታተርፌ፤ ትቅዬም ታተርፌም የኸሬ፥ ቃረና ከፍ ኤፐም ዝምራ አዘምንኸ።

⁸እግዘር ዝካ ይብር፥ «ምኺትም አትሜትም፥ ታርወ ኤማ አተዥኸሸ።

⁹ልባብ ዌም ልጓም ኤባር ኤቈሞ፥ ቀልብ ኤነኖ ፈረዝም ብረምኸማ አትኽሮ።»

¹⁰ጥጥ ሰብ ብዘ ጅጓረ ይሰራቦ፤ ብእግዘር ይታመሮኽኖ ጭን፥ ቤያርቅ ንማጀታ ይትቅረቦ።

¹¹አኹ ወኼ ሰብ፥ ብእግዘር የሳርኹ፤ ተብራረቆም፤ አኹ ራ ኸርኹም ታረዊ ሰብ እንም፥ «እርር» በሮ።