Read sebat bet gurage ዝምራ 52 Bible Online

ዝምራ 52 - sebat bet gurage bible

ዝምራ 52

¹አኸ ጦናማ ሰብ! ብእግዘር ደወ ጥጥ ዘንጋ ባምሮት የምር እንም ከረ ትትዝ? ይእግዘር ንማጀ የዘላለም ወኽረታ ትትርኽ፥

²እንጐደና ታጠፌ የምር ታስብ? አነበታኸ  ምላጭ ኸማው፤ እንም ከረ ጥጥ ዘንጋ ታጫምት።

³ቶኼነት ይርቅ አልነት፥ ተውረም ይርቅ ኤነቃር ትሸፕት።

⁴አኸ ኤነቃር ትዝረ ሰብ! ሰብ ይጐዳ ቃር ዘንጎት ይሽርኸ።

⁵ዝኽ የኸሬ እግዘር የዘላለም ያጠፋኸቴ፤ ተቤታኸ አውጨተ ያሳድድኸቴ። ሰብ ቲረብርወ ነገ ያፈካኸቴ።

⁶ይእግዘር ሰብ ዝኸታ ኧዥተቦ ይሰርፎቴ፤ ባኸም ቲደቆ፥

⁷«ብእግዘር ቦትመመር ጥራር ይረኽቤ አንሸ ሰብ ኽ ኧዞ! ት ይታመር በዱንያታ ብዝነቱ፤ ጥራር ያነን ጥጥ ዘንጋ ቶቶቱ» ይብሮ።

⁸እያ ጭን ብእግዘር ቤት፥ የዝመሰመ የዌራ ኧጨን፤ ቤያርቅ ንማጀመታ፥ የዘላለም ኧታመር።

⁹ቶ! ቤፐዀን ወኼ ዘንጋ እንም የቸነ ሽርት አትንብንኸ፤ ቦኼ ሰብ ይፍቴ ቈምም ያኸ ሜርነት ኧዝረ።