Read sebat bet gurage ኢሳ 3 Bible Online

ኢሳ 3 - sebat bet gurage bible

ኢሳ 3

¹እንም ይዀለ እግዘር፥ ሰበታ ይረብሮ ሸረትም እኻም፥ እንጐድም ዘንጋ እንም ተየሩሳሌምም ተይኹዳም ገነ ያፈካቴ።

²ኰረምቶወና፥ ጋዘነና፥ ዳነናም ነቢየናም፥ ሸጐረመና ባሪቅመና፥

³የጋዝ ዳነናም አራባሪኽኖም፥ ኤወጫትመና «በሸጐነት እንም ዘንጋ ንነ» ይብሮ ኽኖ ያጠፋቴ።

⁴ገና ይትረቆ ደን ዳነ አሚተ በሰበታ ይረሳቴ።

⁵ሰብመታ ገግ በገገታ አተታ ያተታ ይጨኔ አበጐዳ ባበጐዳታ ር ይትርሳሳ፤ ዘርማ የባሪቅ ኤያኸብድ፤ ቈንጪም ይረብር የረፐረ ሰብ ቢያኸውጂ ሰብ ይትዝቴ።

⁶ያት ቤት አበሩስ ታባና ቤት አት ጐፔየና ሸፐቶም «አኸ እንጐደታ ቢትደፋም ትትኸተርቃር ነረናኸ፤ በዝም የቸነ ኸዳሽ በዝ የጅጓረ ዘበር ዳነንዳ ኽር፤ የጠፋምቃር እንም ባኸ ኧጅ የኽር» ይብሮ ዘበር ይቸንቴ።

⁷ትም ቃረታ ከፍ አሚተ «እያም ብንኸር በቤተና ይወጣን ሸረትም ጅርም ኤኔ የኸሬ ያኹ ዳነ ኸርም አትየትርኹዬ ኤኸኒ፤ በዝም የቸነ ዳነ አታምሮን» ይብኖቴ።

⁸የሩሳሌም ተክታተፈም ዳብዳብ በበሮት ደኑ፤ ይኹዳም ይወጥቅቴ፤ ይዝረከበዊም ኸረ ይቾተዊ እንም እግዘር ቦትፍታተር የኸሬ ንቅነተታ አትየነሶም።

⁹ኦሽነተና በኽኖ ምስክር ይኸርቦቴ፤ የሰዶም ሰብኸማ በገገና ያትፌንድቦ ባጢር በሰቻ ይቾቶ የኸሬ ግርደና!

¹⁰ወኼ ወኼ ሰብ፥ እንም ዘንጋ ይትሳካሎ የኸሬ ይሽኖ፤ ዮኼም ሜናና አጅግ ኤበኽሮ።

¹¹ደባ ይቾቶ ሰብ ጭን ብንጐድ ሰብ በቾተዊ ደባ ወትቀጣና ኤቄ የኸሬ ግርደና!

¹²ቀርሺ ሰጨት ይቦ ሰብ ሰበና ጨቈኖም፥ ያታልሎዮ። ሰበኖ! ዳናኹ ያሳስቶኩ፤ ታሮም ኤማ ያሳስቶ።

¹³እግዘር በፍርድ ዙፋን ር ቾናም፤ በሰብመታ ፍርድ ይቤ ተሽካከተም፤

¹⁴በዝም የቸነ የሰብኽኖ ዳነም ባሪቅም የፍርዴ ያትንብም ዝካ ይብኖቴ፥ «የዌን አትክልት መደር አጠፋኹም፤ ተዜጋ ተራቸም ቦሰጂ ዱንያ ቤታኹ ሜናኹም፤

¹⁵ሰበና ታጠፎሜ ዜጋም ሼኸማ ትጐዶዬ መብት ኤነናኹ፤ ዝኽ የዝረ እንም ይኸኒ ንቅ እግዘርን።»

¹⁶እግዘር ዝካ ይብር፥ «የፅዮን እሽታ ተዥነት አበሰማም፤ አንገተኽነማ ነሰማም ቤነኽነማ ይጠቅሰማ፤ ኺንጃኽነማ ሸከረማም የግረኽነማ አልቦ ቲያትቋሰማ ተነኽነማ ያረማ።

¹⁷እያ በኽነማ ነር መዛ አቸንቴ፤ የደንሜ ሰብነተኽነማ ይትየቴ።»

¹⁸እግዘር የፅዮን እሽታ ይትዘማ የክብር ጌጥ እንም ያፈካወ ግዝየ ይቸንቴ፤ ዝመታ የግረኽነማ አልቦ፥ የነረኽነማ ጌጥ፥ ያንገተኽነማ ጌጥ፥

¹⁹የጀኽነማ አምባር፥ ይንዝረኸነማ ጂቻ፥ ይፍተኽነማ ይሸፍረማት፥

²⁰በነረኽነማ ይደፈሜ ጌጥ፥ ባጋተኽነማ ይኸረሜ ጌጥ፥ በራባኽነማ ያማንደሜ ጌጥ፥ የሽቶ ጠርዘኽነማም እርዘኽነማ፥

²¹ያቴበመኽነማም ያምናኽነማም ሻሸራ፥

²²የባር ከረ ይኸር የክት ጅር፥ ነጠላኽነማ ካባኽነማ፥ በጀኽነማ ይጠብጠሜ ቦርሳ፥

²³መስታወተኽነማ፥ ተተልባ ጋባ ያረሰዊ ጅረኽነማ በነረኽነማ ያግደሜም ይፍተኽነማ ይሸፍረማ ጌጥ እንም ያፈካቴ።

²⁴ዝም የኸሬ በሽቶ ሟሬ ጪነት፥ ቢያሟንጅ ጌጥ ሟሬ ወደረ፥ በጐፈሬ ሟሬ ባውራ፥ ቦኼ ጅር ሟሬ ያዘን ጅር፥ በመርክ ሟሬ አንዝ ወኽር ይቸንበማቴ።

²⁵ዘርማ የኸሮ ደንኸ በሴፍ ይትወኮቴ፤ ጦናማ ሰብማኸ ባርብ መደር ይወጥቆቴ።

²⁶የከተማቴ ቢገወ ወፈንቻ ያዘንም ዮያትም ቃር ይትሰማቴ፤ ከተማምት ገገታ፥ ጅረታ ንጭያም እንጭመታ የቾናች ብወነ ምሽትኸማ ይኸርቴ።