Read sebat bet gurage ኤር 1 Bible Online

ኤር 1 - sebat bet gurage bible

ኤር 1

¹የብንያም ጥብ ቢረብርወ ገነ አናቶት ቢውሪ ቀያ ቲረብሮ ስ አተታ የኽልቅያ ኧርች ኤርምያስ የዝረን ቃር ዝኸታው፤

²ዝም ይእግዘር ቃር የኤርምያሴንየ የቸነ የአሞን ኧርች ኢዮስያስ በይኹዳ በትረገሰ በአስረሶስተነ ዘበር ባነ።

³የኢዮስያስ ኧርች ኢዮአቄም በትረገሰወ ዘበር እግዘር በኤርምያስ ወኸት ዝረም፤ ተኽም አን የኢዮስያስ ኧርች ሴዴቅያስ ተረገሰምታነ አስራት ዘበር ቲዀን ስን እግዘር ቃረታ የኤርምያስ ብዘ ግዝየ ኦደንም፤ በኽም ዘበር ባምስተነ በነ የየሩሳሌም ሰብ ማነም ወሰጅዮም።

⁴ይእግዘር ቃር ይያኼንየ ቸነም፤ ትም ዝካ ይብርቃር ባነ፤

⁵«ባዶታኸ ደን ትትፈጠርኸማ ታምሮተና ይፍቴ ሸፐትከም፤ ተትጠኖትማኸ ይፍቴ አኸ በሰፕቶት የሰብ እንም ነቢ ኤፐም ሾምከም።»

⁶እያም «እንም ይኸንኸ እግዘሮ! ትከ የኸርዄ ዘንጎት ኤኸኒ» ባንም።

⁷እግዘር ጭን ዝካ ባሬም፥ «ትከን አትበር፤ ታር ያነ እያ ኧረኽኸ ሰቤንየው፤ ትዝረንም እያ ኡድኸ ቃሩ፤

⁸እያም ታኸ ጋ ኺት አተርፍኸ የኸሬ የኽኖ ስርም እንሰነፍኸኖ፤ ዝኸታ የዝረ እያ እግዘርን።»

⁹ተኽ አን እግዘር ኧጀታ ዝራካም ከንፈረና ሻሸም፤ ዝክም ባሬም፥ «ትዝረን ቃር አብከም፤

¹⁰ብትኾትም ባሮትም፥ አጥፎትም ገልብጦትም፥ ቶቶትም አትቋምሮትም ይኸንኸኸማ በሰብም በመንግስትም እንም ዳነት አብከም።»

¹¹እግዘርም «ኤርምያስ! ታዥንታ ምቃሩ?» ባሬም። እያም «የለውዝ እንጣር አዥ» ባንም።

¹²እግዘርም «ጥየቃር አሸኸም፤ እያም የኽክም ቃረና መምር ይኸርኸማ ተጬፐም አዥ» [1] ባሬም።

¹³ኻበም እግዘር «እንጐድኽ ታዥንታ ምቃሩ?» ቲብር ተሳሬም። እያም «በከነ ወኸት አት ወሸር ቲይንስረስር አዥ፤ ዝሜንየ ይትደፌ እንክረተተም» ባንም።

¹⁴እግዘርም ዝካ ባሬም፥ «በከነ ወኸት ጥፋት ተፌናም በዝ ገነ ቢረብሮ ሰብ እንም ይትዀቦቴ፤

¹⁵በከነ ወኸት ይረብሮ ሰብ ዝኼንየ ይቸኖኸማ ጠናም፤ ንስመና በየሩሳሌም ወፈንቻም ኧጭርም ዙርያ፥ የኽክም ብንጐድ የይኹዳ ከተማ ዙርያ ዙፋነና ይዝራኮቴ፤

¹⁶ሰበና ባጢር የቾቶዬ ኧቀጣኖቴ፤ ኽኖ እያ ታቦም ይንጐድ ቅሪነ ኽትም ያትንቦ፤ ምስልም ሸከቶም ይሰግዶሎ።

¹⁷ዝም የኸሬ ኤርምያስ! እያ ኡድኸ እንም ቱድኖዬ፥ የኽኖዬ ታሬ ተሽካከት፤ የኽኖም አትስረፍ! ኻምባኸረ በኽኖ ይፍቴ ያረድ ስኔፈ አቸንብኸቴ።

¹⁸ኤርምያስ ስሜ፤ በዝ ገነ ይረብሮ እንም፥ የይኹዳ ንስ ዳነ፥ ስም ሰብም ቴተርፎ ባኸ ጠላት ኸሮም ይትረሶብከቴ፤ የኽር ባንኸሬ ኽኖ ትዠፕርዌ ይኸንኸ ጦናም ደረግም ኢብኸቴ፤ አጠርም ያገ ከተማ ኸማ፥ የብረት ኧችባም ተናስም ያረሰዊ ግምብ ኸማ ትወ አሜኸቴ፤ እያ ታኸ ጋ ኸርም ኧቅየኸ የኸሬ፥ ኽኖ ስርም ኤሞከ፤ ዝኸታ የዝረ እያ እግዘርን።»