Read sebat bet gurage ኽዝ 28 Bible Online

ኽዝ 28 - sebat bet gurage bible

ኽዝ 28

¹እግዘር ዝካ ቲብር ዝረም፥

²የሰብትኮ! እያ እግዘር ኧውን ያነ የጢሮስ ንስ ዝካ በርም ኦድን፥ «ናኸ በትቢት የፈቀረ የኸሬ ገጋኸ ይእግዘር ኸማ አመነኸም፤ ይእግዘርኸማ በባር በትኸበበ ዙፋን ር ቾናም ባኸም፤ እግዘርንኹ ባኸም ብትብርም ሰብንኸ ባንኸሬ ሰርም እግዘር አንኸርኸ፤

³ተዳንኤል ይርቅ ኻሪ የኸርኸ ቃር ይመስርኸ፤ ስርም የጠቈሪቃር ኤትሼምብኸ ቃር ይመስርኸ፤

⁴በውረም ኻሪነትማኸም አዮነትማኸም ብዘ ወርቅም ብርም በንኸቦታኸ ደንገነ አመነናኸም።

⁵በቄጥማኸ ባትየሸዀን በኧርቅ ኻሪነታኸ ብዘ ትርፍ ነከብኸም፤ ተዱንያማኸ ወብዛ የቸነ ተዥ ኸርኸም።»

⁶«በዝሽ አን እያ እግዘር ኧውን ያነ ዝኸታው፤ ‹ይእግዘርኸማ ኻሪን ባኸም በስቦታኸ፥

⁷ባኸ ር አደጋ ይቃሶ ጨኬ ጠላት አቸንብኸቴ፤ ኽኖ በኻሪነትማኸም ባዮነትማኸም የረከብዀንም ጥጥ ያመነንም ወኼ ዘንጋ እንም ያጠፎብከቴ።

⁸ያኸም ቀጠሮከምታነ በባር ደኔ ባነ ገማ ይቃሶከቴ፤

⁹ኧጋ ይቀጥሮኬ ቢቸነቦ ግዝየ ኧዃም ገጋኸ ይእግዘርኸማ ታን ይኽርሸዌ? ቢቀጥሮከ ሰብ ኧጅ ብትወጥቅ ግዝየ ትሞት ሰብ ባንኸሬ እግዘር አንኸርኸኸማ ይትርሸ።

¹⁰እግዘር ቤሮ ገበር ሰብ ኧጅ የውርደት ሞት ትሞቴ፤ እያ እግዘር ዝኽታ ዝረም።› »

¹¹እግዘር ዝካ ቲብር ኻበም ዝረም፥

¹²«የሰብ ትኮ! የጢሮስ ንስ ይሰራወ ጥጥ ዘንጋ ለ፤ እያ ንቅ የኸር እግዘር ኧወንቃር ዝካ በርም ኦድን፥ ‹ኻሪነት የሜናብኸም ንቃር መርካማ በኽሮታኸ አር ኤነብኸቃር ባነኸ።

¹³ይእግዘር የአትክልት መደር በኸረ በኤደን ትረብር ባነ፤ ሰርድዮን፥ አልማዝ ቢረሌ፥ መረግድ፥ ኢያሳጲድ፥ ሰንፔርም በሉር ይውርዮ በኑንድ እምር ያጌጦ ዮርቅ ጅር ትትኸተር ባነ፤ ተትጨነኸወ ከረ ቈነሽም ዝኽ እንም ባነናኸ።

¹⁴አኸ የቀራተነ ኪሩብ ኸማ [6] አመነም በሹሞት አወናከም፤ ቅዱስ በኸረ ቈቶወኔ ትረብር ባነ፤ ርር ይብር እሳት ቢመስሮ እምር ግብት ትትዥባፐር ባነ።

¹⁵አመርማኸ ተትፈጠርኸወ ከረ ቈነሸም ጥጥ ቃር አምሮት ተቀነስኸወ ከረ ቈነሽም አር ኤነብኸ ቃር ባነኸ፤

¹⁶በሰረቦትም ባስራቦትም ቄጥ ትድራከት ባነ፤ ዝኽ እንም የግፍሜ የባጢርሜ ወሰደናኸማ፤ በዝኽ የቸነ የትቀደሰ ቈቶወና ገፈርኸም ትወጣኸማ አመነከም፤ ቀራተነ ኪሩቤልኸማ ብንሾምኸም ርር ይብሮ እሳት ቢመስሮ እምር ግብት አሳደድም አወጣከም፤

¹⁷ንቃር መርካማ የረፐርኼ ናኸ ባፍቅሮት ተዝኸም ባነ፤ ክብር በሳቦታኸ ኻሪነት ጋውነት አመነዀንም፤ በዝኽ የቸነ ድረከርም ያፈሬንየ ቃሸከም፤ እንጐድ ንስም ያሶብከኸማ አመነከም፤

¹⁸በሰሮትም ባሰሮትም ተቾትዀን ጥጥ ዘንጋ የቸነ ትሰግድቦ መደር እንም ሰነኾም፤ የኽየኸሬ በከተማታ ንቅ እሳት ይትረሳኸማ ባምሮት መርንም፤ ኧዃ ያኼንየ ያዞ እንም እማት አመድ ወኽራኸ ያዞ፤

¹⁹ዝሙ ጠፋኸም! የዘላለም አትረከብ፤ ይሮከ የረፐረ ገነ እንም ጠነቀኖም፤› »

²⁰እግዘር ዝካ ባሬም፥

²¹«የሰብ ትኮ! በሲዶና ር ትንቢት ዘን፤

²²በኽ ይረብሮ ሰብ እያ ንቅ የኸር እግዘር የኽኖ ኧዝረን ቃር ኦድኖ፤ ሲዶና! እያ ባኸ ር በማት ተረሳም፤ ባኸ ር ብናቸንን ዘንጋ ሰብ እንም ያከብሬቴ፤ ባኸ ይረብሮ ሰብ በቅጦተና የቸነ ምራኽር ቅዱስ የኸርኸማ ብናትየሽወ ግዝየ እያ እግዘር ወኽረና ይኻሮሸ።

²³ቅስፈት አቸንብኸቴ፤ ኤማኸ በደም ይትሜናቴ፤ ትንም መደሬ አደጋ ይቋሽብከቴ፤ ሰባኸ እንም ይቈጥሪቴ፤ በኽ ግዝየ እያ እግዘር ወኽረና ትኻርሸ።»

²⁴እግዘር ዝካ ይብር፥ «የእስራኤል በቅርጥና ኤን ያዞኽኖም እሶኽምወትራም ኸሮምታነ ያትጨንቆ በዙርያታ ያነቦ ገነ እንም በዝሽ አንቆ ኤረብሮ፤ እያም ንቅ እግዘር ወኽረና ይኻሮሸ።»

²⁵ንቅ እግዘር ዝካ ባረም፥ «የእስራኤል ገነ ሰብ ተብራጨኽኖ መደር እንም ዘፒት አቸኖቴ፤ አናመሮ ሰብ እንም እያ ቅዱስ ወኽረና ይኻሮሸ፤ የእስራኤል ገነ ሰብ ያገልጌየና የያቆብ ባብን በገዛ ገነና ይረብሮቴ፤

²⁶በኽ በሽናት ይረብሮቴ፤ ቤት ያረሶቴ፤ የዌን ኧጨም ይቀብሮቴ፤ በቅርጥና ያዞቦዮ የረፐሮ ወነዀና እንም ኧቀጣቴ፤ የእስራኤል ገነ ሰብ ጭን ጥንት ኤባር በትመመሮት ይረብሮቴ። በኽ ግዝየ እያ ታ እግዘረና ወኽረና ይሮቴ።»