Read sebat bet gurage ኽዝ 43 Bible Online

ኽዝ 43 - sebat bet gurage bible

ኽዝ 43

¹ምስታ በረንየ ወኸት ያነ የኧጭር ወፈንቼ ወሰዴም፤

²በኽሜ የእስራኤል ታ ክብር ያትየሽ ንቅ ጬት ተረንየ ቲገድድ አሸም፤ ይእግዘር ቃርም የኧርቅ እኻኸማ ባነ፤ ቲያብራጣ ጬት የቸነ አፈር እንም ጬት ኸረም።

³ዝም ራእይ ተዝ ይፍቴ እግዘር ኢየሩሳሌም ያጠሬ በቸነ ግዝየ ያሸንታ ይመስር ባነ፤ በከባር እኻ መዬ ታሸን ራእይ ጋ ይትምሳሰር ባነ፤ በኽ ግዝየ በፊንጨና ተደፋምታነ ባፈር ወጠቅም፤

⁴ይእግዘርም ክብር ያትየሽ ጬት በረንየ የኧጭር ወፈንቼ ወኸት አለፈምታነ የቤተመቅደስቴ ገፓም።

⁵ይእግዘርም መንፈስ ንየ ነሴም፤ ወሰደምታነ የደኔ አድባቤዬ አገፔም፤ ቤተመቅደስምታ ቢእግዘር ክብር ተሜናምታነ አሸም፤

⁶በኽም ምስታ በመየኔ ቈመም ባነ፤ እግዘር ተቤተመቅደስታ ደኔ ዝካ ባረም ቲዝረ ሰማም፤

⁷«የሰብትኮ! ዝኽ ይያ ዙፋኑ፤ በዝም በእስራኤል ገነ ሰብ ግብት የዘላለም ኧረብርቴ፤ ተዝሽ አን የእስራኤል ሰብምኸረም የኽኖ ንስ የቅሪነ በስግዶት ዌም በዝኽ መደር የኽኖ ንሰና በቅብሮት ቅዱስ ሸመና ኤያሰርኾ።

⁸ንሰኽኖ የቤተመንግስተና ደረጃም ወፈንቻም አጠጎምታነ ያረሰቦዌ እያም ኽኖም ይቤትርንደ እማት ግንብ ኸረም፤ በቾተበዊ ጥጥ ሜና እንም ቅዱስ ሽመና አሰነኾም፤ በዝኽ የቸነ በማተና አጠፋኽኖም።

⁹በዝሸ አን ጭን የቅሪነ ወስግድ አሞትም የንሰኽኖ ኔሳ ተዝኼ አፍኮት ነረቦ፤ ዝካ ቢያመሮ እያ በኽኖ ግብት የዘላለም ኧረብርቴ።»

¹⁰ዠፐረም እግዘር ዝካ ባሬም «የሰብ ትኮ! የእስራኤል ገነ ሰብ የቤተመቅደስታ እርሸ ኦድኖ፤ መምር ያረሺኸማም ኦድኖ፤ በባጢር የትሜና ሜናና በዝግዶት ይቅመጦኸማ አሚኖ።

¹¹የቾተበዊ በደል እንም ይቅመጠቦ በኸረ የቤተመቅደስታ የእርሽታ ኤነት ኦድኖ፤ ትም ምር ይመስርኸማ ይገወ ወፈንቻታም ይወጨ ወፈንቻመታም ኤነትመታም እንም ብንም እርሸታም ጫመታም የሟኒም ዘንጋ እንም ኦድኖ፤ ኽኖም በምር ኤነት እርሸ ያረሺኸማ ኧዥተቦም ጫታ እንም ያመሮዌ ተሽካከቶም ይቅረቦዌ ዝኽ እንም ጣፍሎ።

¹²የቤተመቅደስታ ጫ ዝኸታው፤ በቈቶታ ዊት ር በቤተመቅስታ ዙርያ ያነ መደር እንም የትቤተርምታነ ቅዱስ ይኸርቴ።»

¹³ቤተመቅደስታ በሰር ኤነት ኽትም ያርታ ልክ ዝካው፤ ኽትም ያርታ ይቾናወ ዙርያ መት የሜትር ግብት በትትነተታም የሜትር ግብት የኸረ ክፈፍ ቧነን፤ የክፈፍታ ዮጤ ረታ ያም አምስት ሳንቲ ሜትር ባነን፤

¹⁴ተቾናወታ ረ ቈነሽም ተቾናወታ ቦስጥ ስን አት ሜትር ንየ ባነ፤ ተትም አንቌ ያነ ግብቻነ መደር ተረታ ዙርያ የሜትር ግብት ያንቄንየ አረቀምታነ የቾቺ ቃር ቲኸር፥ መተታ ዄት ሜትር ባነ፤ ተትም አንቌ ያነ መደር በረታ ዙርያ ያንቌንየ የሜትር ግብት አረምታነ ያረሰዊ ቃር ባነ።

¹⁵ኽትምታ ይረድድወ የቀጥወ መደሬ መተታ ዄት ሜትር ቧነን፤ ኽትምቢያርታ በአርበችም መደረታ ያነቦ ቃባ ኽትም ቲያርታ ሬ ታነ ክፈፍ በር ከፍ የባሮ ባነቦ።

¹⁶ኽትም ያርታ ዌት አርበችም ረታ ጥየ የኸሮ ቃር ቲኸር፥ የአተታ ረታ ጌፍነት ስድስት ሜትር ባነ።

¹⁷ግብቻነ መደርታ የኽክም አርበት መየታ ጥየ ባነ፤ ያተታ ማዘን ጌፍነት ሰባት ሜትር ኸረምታነ ቶጤንየ ወኸት ያነ ክፈፍ ያም አምስት ሳንቲ ሜትር ባነ፤ ከፈፍመታ መየታ የሜትር ግብት ባነ፤ ኽትም ያር መደር ያሰሮ ደረጃም በረንየወኸት ይፍት ይፍት ባነቦ።

¹⁸ንቅ የኸረ እግዘር ዝካባሬም፥ «የሰብትኮ! ኦድኸቃር ስማ፤ ኽትምያርታ ቾቺምታነ ቲያርቅ በት በር ኽትም ባትቀንቦት የኽትም ያትነዊ የዋጋታ ደም በዃቦት ቅዱስ ታንቴ፤

¹⁹ቢፍተኔ በሞት ይያ አገክሮት ያነቦ የሌዊ ጥብ ተኸረቦ ተሳዶቅ ዘር የትጨነቦ ስ ወኽር ነረቦ፤ እያ ንቅ እግዘር ዝካ ይኸርኸማ አዘዝም፤ ባጢር ያኰ ኽትም አሚተቦታነ ያትንቦዊ የኽኖ አት ወፌር ታብኖሸ።

²⁰አኸም ተደምታ ትስድምታነ ኽትም ቢያትንውታ ሬ በአርበችም መደሬ ያነቦ ሜንጦ ኽትም ቢያርታ ግብቻነ መደር ያነቦ አርበችም ረኽኖም ኽትም ያርታ ሬ እንም ትቅባኖሸ፤ በዝም ኤነት ኽትም ያርታ ቅዱስ ታንሸ።

²¹ባጢር ያፈኰ ኽትም ኸረምታነ የትነበ ወፌር ውስድምታ የቤተመቅደስ ታጠሪ መደር ውጤ ባት መደር ትንሸ።

²²በመረጋታ አትም አር ኤነወ አት የፌቅ ምቅወነ ውስድምታነ ባጢር ያፈኰ ኽትም አሚምታነ ታትቀንውንሸ፤ ዮፌርታ ደም ያመነዀንኸማ የኽክም የፌቅታም ደም ኽትም ያርታ ቅዱስ ታንሸ።

²³ዝኽ እንም ባመነኸ አን ኻብምታነ አር ኤነቦ አት ወፌርም አት የጤ ምቅወነም ውስድምታነ፥

²⁴ዄችምመና ይዬንየ ታትቀንብኖሸ፤ ስምኽኖ አሶ በብራጦፖ አን ይያ ኽትም አሚተቦ ይመክሮዮሸ።

²⁵ሰባት ከረ እንም በከረ ከረ አት ፌቅ አት ወፌር አት አት የጤ ኦነ የባጢር ያፈኰኽትም አሚትኸ ታትንብቴ፤ ዝኽ እንመና አር ኤነቦቃር ወኽር ነረቦ።

²⁶ስምኽኖ ያር ቃር ይኸሬ ሰባት ከረ እንም ኽትም ያርታ ያምጥሮምታነ ቅዱስ ያምረዊ።

²⁷ሳምተታ ባነቀ አን ስኽኖ በኽትምታ ር ይረድድ ኽትምም የሰብምኽኖ ዮኼነት ይኸር ኽትም አትቀንቦት ይቅርሶሸ፤ ተኽም አን እያ ባኹ ብንማኹ ይሳሬሸ፤ እያ ንቅ የኸር እግዘር ዝኸታ ዝረም።»