Read sebat bet gurage ኾሴ 12 Bible Online

ኾሴ 12 - sebat bet gurage bible

ኾሴ 12

¹«የእስራኤል ሰብ ራ ዋና ይቾተዊ ሜና ንፋስ ኸማ ኤትጠበጥም ኤያርም ተረንየ ይቸን እምርቢት ኸማ ያጠፋቃሩ፤ ሸርም አልም ሜና በግብተና በሳም፤ ተዝመታ እንጐድ ተአሶር ሰብ ጋ ርዳ ይገቦ፤ ዘይትመና ግብፅንየ ይረኾ።»

²እግዘር በይኹዳ ሰብ ያትንውን እና ነረን፤ የያእቆብም ሰብ የሜናና ኸማ ይቀጣኖቴ፤ በቾተዊም ጥጥ ሜና አጅገና ይከስኖቴ።

³የድረ አባና ያእቆብ ባዶተታ ደን ታነ ተት ጋ ለምቻ የረፐረ ጐፔየታ ኧግር ጠበጠም አጅጋጀገም፤ በትራቀም አን ትእግዘር ጋ የጦር ተጣበጠም፤

⁴ተመሌክምታ ጋ ተጣበጠም መም፤ በምታነ ይደን ኸማ ጨቈሰም፤ እንጐድም ግዝየ እግዘር በቤትኤል ነከወንምታነ በት ወኸት ቲና ጋ ተዝራም።

⁵ዝም ተያእቆብ ጋ የትዝራ የኸልቅ ታ የኸረ ሽመታ እግዘሩ።

⁶በዝም የቸነ አኹ የያእቆብ ዘር በታኹ በረካ ተመመሮ፤ የትሜ ተዘፐሮ፤ ንማጀም ጥየ ፍርድም አጥብቆም ጥብጦ፤ እንም ከረ ብእግዘር ተመመሮ።

⁷እግዘር ዝካ ይብር፥ «የእስራኤል ሰብ የከናን ሰብ ኸማ ን ኤያወረፖ ሰብ ኸሮም፤ ባንኸረ ና ሰብ ያታልሎ፤

⁸‹ይና ደንገነ ኸነም፤ ብዘ ዱንያ አወናነም፤ ደንገነ የኸሮ አንኸረኸማ በቶቶቱ ባረም ያማንደ ሰብ ኤነ› ይብሮ።

⁹የኽርምታነ ተግብፅ ገነ ጠበጥም ያወጣኽኖ እያ ታና እግዘርን፤ በዳስ ባር ግዝየ በዱከም ብትረብሮ ኤነት፥ ተዘፔትኹ በዱከም ትረብሮኸማ አሜኹቴ።

¹⁰«አበተርም በራኽኖ በነቢ አን ዝረም፤ ብዘ በርዛዝም አትረዘዝም፤ በራኽኖ ሰብም ወኸት ቦማካ ብዘቃር አትጬፐም፤

¹¹ዝም እንም ኸረም በገላድ የቅሪነ ይሰግዶ፤ የቅሪነ ይሰግዶኽኖ ጭን ይጠፎቴ፤ በጌልጌላ ወፌር የኽትም ያትንቦ፤ የኽርምታነ ኽትም ያትንው መደረና ተስበቤተቦ በቹቻ ግብት ይምር ናራ ኺተቦ ይቀሮቴ።»

¹²የድረ አባንዳ ያእቆብ መስጴጦምያ ይውሪ ገነ ሰም ወረም፤ በኽሜ ምሽት ይረኽቤ ቲብር የጤ ዜማንቸ ኸረም አረም።

¹³እግዘርም በራዀን ነቢ ወኸት የእስራኤል ሰብ ተግብፅ ጠበጠም አወጣኖም፤ በኽም ነቢ ወኸት ተጬፐሎም።

¹⁴ቢኸርም የእስራኤል ሰብ ይእግዘር ንቃር አትማተበዊም፤ በቾተዊም በደል የቸነ በሞት ይቀጣኖቴ፤ ሽምመታ ያትቄነመውዬ ይፈርድቦቴ።