Read sebat bet gurage ዘካ 4 Bible Online

ዘካ 4 - sebat bet gurage bible

ዘካ 4

¹ያዝራ የረፐረ መሌክ ኻበም ቸነም ቶሬተታ ይረሼ ሰብ ኸማ ነሴም፤

²«ዝኽ ታዥን ምቃሩ?» ባረም ተሳሬም። እያም ዝካ ትምብር ዠፐርለም፥ «ሰባት ራዝ ያነቦ አት ዮርቅ መቅረዝ አዥ፤ በርመታ የዘይት ወሸር ነረ፤ ሰባትም ራዝኽኖ ቶሸርት የትጣበጠ ውተያ ይዀረ ድድ ነረኖ።

³ቦርቅ እንጣርምታ መዬ ዄት የዌራ ኧጨ ቦሸርታ ራ ተከነ ይትረቦ፤»

⁴እያም ያዝራ የረፐረ መሌክ «ዝኸኽኖ የንቃር ወማካሎ?» ባም ተሳርንም።

⁵ትም «ዛና ምር የኸሮ ኸማ አትርዌ?» ባሬም። እያም «አንር» ባንም[2]።

⁶የዘሩባቤል አትኔ መሌክታ ዮዴ ይእግዘር ቃር ዝኸታው፤ «ትም ያነ በመንፈሰናው ባንኸሬ ባኸ ጦናም ደረግም አንኸረ።

⁷ቈቶኸማ ቢፍታኼ የቈመ ያክታትፍቃር እንም ይፈካቴ፤ ይእግዘርም ቤተመቅደስ ዘፒትኸ ታረሽቴ፤ የቀጥወ እምር በመደረታ ዘፒትኸ ባወናዀን ግዝየ ሰብ ‹መምር ይሽር! ይሽርቃሩ!› ቤተቦ የብንት ቃር ያትሴሞቴ።»

⁸ኻበም እግዘር ዝካ ባሬም፥

⁹«ዘሩባቤል ይእግዘር ቤተመቅደስ የጠበብ እምር ያወናኸማ እንም ሜናታ ቲቈርሺ ቅሪ ቃር መሰረም ቦቴየታ ሰብ አንሳረኖ፤ የኽርምታነ ዘሩባቤል ይእግዘር ቤተመቅደስ ታርሶት ያንንየ ኤያር ኸማ ቲያዞ ንቃር ይሳኖሸ።» መሌክምታ «ሰባት ራዝ ያለም ዙርያ ያዞ ሰባት ይእግዘር ኤንሎ» ባሬም።

¹¹እያም ዝካ በበሮት ዠፐርም ተሳርንም፥ «ዝኽኽ ቦርቅ መቅረዝታ ራ ተከነ የቈሞ የዌራ ኧጨ የምቃር ወማካሎ?

¹²የዌራ ኧጨ ዘይት ቲትዀቦ ተዄት ዮርቅ ድድ መዬ ያነቦኽ ዄት የዌራ ኧጨ አቴበ የምቃር ወማካሎ?»

¹³ትም «ዛና ምር የኸሮ ኸማ አትርዌ?» ባሬም፤ እያም «ታኖ! አንር» ባንም።

¹⁴ትም «ዛና እግዘር የሸፐተኖ ያለም እንም ታ የኸረ ቈሞም ያሮ ዄት ሰብሎ» ባሬም።