Read sebat bet gurage 2ነ ቆሮ. 10 Bible Online

2ነ ቆሮ. 10 - sebat bet gurage bible

2ነ ቆሮ. 10

¹እያ ጳውሎስ ባኹ ይፍቴ ታነ ይቅመጭ ቧንም፤ ታኹ ትንትቤተር ጭን ኤነጠረቅ ቧንም፤ እያም በክርስቶስ ፋራነትም ርነት ኧጨስኹ።

²ኧጨስኹም ያኽዌንየ ትንቸን ደፈርም ኧዝረኸማ ባታመሮኔው፤ የዝ አለም ሰብ አሳብኸማ ንረብነቃር ኤፐቦም ቢያዞንደ ባታት ሰብ ይፍቴ ጭን ደፈርም ኧዝረ ይኸኒ።

³ይናም በዝ አለም ብነብነም ንትዋካነ የዝ አለም ሰብ ኸማ አንኸረ።

⁴ይና ንትዋካኔም ግብረንዳ የዝ አለም ግብር ኸማ አንኸረ፤ ይና ግብረንዳ የሼጣን ወረ ባነሮም ይወጎዌ ይኸሎ ይእግዘር ደረግ ያነቦ ቃርሎ።

⁵እግዘር ባኻሮት ር ቈፋ ኸሮም ይትረሶ ሸርም ትቢትም ናጠፋነቴ፤ በሰብ ቀልብ ያነ አሳብ እንም ማነኽነም የክርስቶስ ይታዘዝ ኸማ ናሜነቴ።

⁶አኹ በውረም ትታዘዞ ኸማ በኻነ ጋ ሟኒም ኤታዘዝታ ንቀጣኔዬ ተረሳነም።

⁷አኹ ታዞ ቦጤ ቢትየ ዘንጋው፤ ሟኒም ሰብ «እያ የክርስቶስን» ባረም ቢያስብ ይናም የትም ኸማ የክርስቶስ ወኽረንዳ የኻር።

⁸ታ ኢየሱስ ባበንደ ዳነት ንቃር ብንትሸመርወም ኤያቅመጬ፤ ዝኽ ዳነት ያውንደ ያኹ ናትቋምኔኩዌው ባንኸሬ ንብራጭኔኩዌ አንኸረ።

⁹ጣፍም በራኽንኩ ደብዳቤ አሽራንፍኹ ቃር ኤምሰርኹ።

¹⁰አታተና «ጳውሎስ ጣፈም ይረኽኖ ቃር ይረዞም ትወ ዘንጋሎ፤ ቲና ጋ ቲኸር ጭን ጨነው፤ ቲዝረም ይቈርጪ» ይብሮ ይኽርሸ።

¹¹ይና በረቌ ኸነም በጣፍኔም ታኹ ጋ በርብ ኸነም ትንቾትኔ ቃር እማትም ችርነት ኤነን ኸማ ኽኖ የኻሮ።

¹²ቢኸርም ገገና ቲያዞ አታት ሰብ ጋ ገገንዳ ናዝኔ ዌም ገገንዳ ናትዋናኔ አንደፍነ፤ ኽኖ ጭን ገግ ተገገና ጦም ኽኖም ተኽኖም አትዋኖም ይፈርዶ የኸሬ ይቤስሮ ሰብ አንኸሮ።

¹³ይና ጭን ያኹዌ ዳር ቸነነም ኑድኔኩዌ እግዘር ጣም ባበንደ ሜናንዳ ንትሸመነ ባንኸሬ ታቅም በር አንትሸመነ።

¹⁴አኹም ያነኹ በሜናንዳ ደን የኸሬ የክርስቶስ ቃር ዩድ ወኼ ወሬ ኑድኔ ያኹዌ በቸነኔ ተኽ ውጤ አምጣነ።

¹⁵ዝም የኸሬ እግዘር ይና ጣም ታበንደ መደር ወጣነም ብንጐድ ሰብ ሜና አንትሸመነ፤ ይርቅመታ አኹም ባመርኹ ትትረቆዌ ይናም ሜናንዳ እግዘር ጣም ባበንደ መደር ባኹ ግብት ይርቅ ይትረቄ ተስፋ ናሜነ።

¹⁶ኼታ ብንጐድ ሰብ የሜና መደር ገፓነም አወተርም በቾቺ ሜና ታንትሸመነ ታኹ ገን በኸች ወነም የክርስቶስ ቃር ዩድ ወኼ ወሬ ኑድኔ ይኸርንደ።

¹⁷ቢኸርም «ይትሸመር ሰብ ብእግዘር የትሸመር።»

¹⁸ሰብ ያዥዬ ይሰራ እግዘር ቲያዝኑ ባንኸሬ ገግ በገገታ ቲያዝ አንኸረ።