Read sebat bet gurage ኢያሱ 9 Bible Online

ኢያሱ 9 - sebat bet gurage bible

ኢያሱ 9

¹በከነ ወኸት ሊባኖስ ቈቶ ስን በሜድተራን ባኽር ሬም ተዮርዳኖስ ተት ወኸት ባንሳዋም በግብተድርም ያነቦ ንስ እንም የእስራኤል ሰብ የመቦኸማ ሰሞም፤ ኽኖም የኺታ፥ የአሞር፥ የከነአን፥ የፌርዛ፥ የኺዋ፥ የአቡሳ፥ ንስ ባነቦ፤

²ዝመኽኖ እንመና ጦናና ብማት ኤፐቦም በእያሱም በእስራኤልም ሰብ ይዘምቶዬ ቸነቦም።

³የኺዋ ዘር የኸሮ የገባኦን ሰብ ጭን እያሱ በኢያሪኮም በአይም ከተማ ያነን እንም የሰሞ የኸሬ፤

⁴የታ ያታልሎዬ ወሰኖም። ኽኖም ሸረተና አፈጠሮም ርዝ ቀረጢትም ጣፈት አደም የሴፈዊ የወይን ጠጅ ነ ብማር ጫሮም፥

⁵ተትረተረም ያነቀ ርዝ ጅር ተኸተሮም አነቀም የሴፈዊ ጫማ ኸኖም፤ ይበረውዬ የጠበጠዊ እንጄራ የጠነቀም ሸም የባረቃር ባነ።

⁶ዝኽ እንም ባመነቦ አን በጌልጌላ ይረኽዊ ቀያ ወሮም፤ እያሱም የእስራኤል ሰብ «ይና የቸነነ ተረ ገነው፥ የቸነነም ታኹ ጋ በሽናት ንረብነ ኸማ ያሜንደ ርዳ ንገባኔው» ባሮዮም።

⁷የእስራኤል ሰብ ጭን «ታኹ ጋ መምር ርዳ ንገባነቴ? ታንነም አኹ በርቤ ትረብሮ ሰብ በኸርኹኽ» ባሮዮም።

⁸የገባኦንም ሰብ ይእያሱ «ይና ናኔከ ሰብንደ» ባረዊም። እያሱም «አኹ ሟንኹተ? የቸነኹኽ ቴቴንየው?» ቲብር ተሳረኖም።

⁹ኽኖም ዝኽ ዘንጋ ኦደዊም «ይና የቸነነ ንቃር ኧረቌ ተኸረ ገነው፤ የቸነነመታ ታኹ እግዘር አኹ ያግዜ በግብፅ ገነ ሰብ ያመነቦ ቃር እንም ሰማነም።

¹⁰የኽክም በዮርዳኖስ ኻወኸት በረንየ በረፐሮ በዄት የአሞር ንስ ያመነቦ እንም ሰማነም። ትንም ኸማ ዝም ዄት ንስ አስታሮት ቢውሪ ገነ ይረብሮ የረፐረ የኻሴቦን ንስ ሲኾንም የባሳን ንስ ኦግምሎ፥

¹¹ዳነመንዳ በገነመንዳ ይረብሮ ሰብ እንም ዬማኹ ይኸር ሸረት አፍጥሮም ትትራከቦዮዬ ወሮምታነ ይና ያኹ ንታዘዝነ አሽክራኹንደ ኧዃም ቲና ጋ ርዳ ግቦ ባሮንደም፤

¹²የጠበጥኔም ሸረት ኧዞ! ተቤተንዳ ታኹ ጋ ንትራከብኔ ትንትረሳነ ዝኽ እንጄራ ቅ ባነ፥ ኧዃ ጭን የጠነቀም ሸም የባረ ኸማ ኧዞ

¹³ዝም የወይን ነ ትመራኔዮ ገደር ባነቦ፥ ኧዃ የትገደዶ ኸማ ኧዞ! ኤማታ ኧረቌ የኸሬ ጅርመንዳ ጫማመንዳ አነቆም።»

¹⁴የእስራኤልም ሰብ ቴመነኽኖ ሸረት ቀሪ ቃር ወሰዶም፥ በዘንጋመታ ቲእግዘር አንትማከሮ፥

¹⁵በዝም የቸነ እያሱ ተገባኦን ሰብ ጋ አበጐዳ ኸሮም ቦኼነት ይረብሮኸማ አመነሎም። የእስራኤል ሰብም ዳነ ቃረና ይቅረቦሎዬ ርዳ ገፖሎም።

¹⁶በትስማሞ በሶስተነ ከረ ዝኽ ሰብ በርቤ ይረብሮ ሰብ ወኽረና የእስራኤል ሰብ ኻሮም።

¹⁷በዝም የቸነ የእስራኤል ሰብ በትረሶ ተሶስት ከረ አን ዝኽ ሰብ ይረብሮፖ ከተማ ሰኖም። ከተማመና ገባኦን፥ ከፊር፥ በኤሮትም ቂርያትይሪም ቧርም ይጠሬዮ ባነ፤

¹⁸የእስራኤል ዳነ የኸሮ ሰብ በእስራኤል ታ ብእግዘር ተነቦም ርዳ የገፖሎ የኸሬ አንቀጠሮዮ፥ በዝም የቸነ የእስራኤል ሰብ እንም በዳነና እጠጠቦም፥

¹⁹ዳነና ጭን ዝካ ባሮዮም «ውረሙ የእስራኤል ታ በኸረ እግዘር ሽም ርዳ ገፓኔሎም፥ በዝም የቸነ ጥፋት አናሰራኔፖ፥

²⁰በገፓኔሎ ርዳ ኤነት ይረብሮዬ ፈቀድኔሎም፥ ዝካ ባናመነነ እግዘር ገገታ ይቀጣንደ፤

²¹በግብተንዳ የምበሮ ቢኸርም ጭን ኧጨ በፍቆት እኻ በዋቦት ያገክሮንደ» ይውሪ አሳብ አትነቦም።

²²እያሱም የገባኦን ሰብ የቴንየ ጠናኖምታነ ዝካ ቲብር ተሳረኖም «በዝም በርቤ ትረብሮ ሰብ በኸርኹሜ ተረ ገነ የቸነነ ሰብንደ ባኹም የምር አታለልኹንደም?

²³በዝም የቸነ እግዘር ፈንደብኹም፥ ያኹ ሰብ ኧጨ በፍቆት እኻም በዋቦት የታና እግዘር ቤተመቅደስ የዘላለም ያሮ ቃር ይኸሮቴ» ባረኖም።

²⁴ኽኖም ዝካ ቲብሮ ዠፐሮም «በውረም ዝኽ አመነነም፤ ታኹ እግዘር አኹ ይፍቴንየ ትቸኖ በገነታ ይረብሮ ሰብ ቀጠረም ገነታ ያኹ ይብኹኸማ ያን የረፐረ የሙሴ ያዘዘንኸማ ኻነም፥ ዝም ዘንጋ ያመነነ ያኹ የሰነፍነ የኸሬ ነብሰንዳ ናተርፍኔ ሸነምታነው።

²⁵ኧዃም ባኸ ኧጅ ነን ወኼ ቃር መሰረም የትየናኸ ኸማ አሚብንደ።»

²⁶እያሱም የእስራኤል ዘር የኸረ ሟኒም ሰብ ኤቀጥኖኸማ አመነም።

²⁷የኽርምታነ በዝም ግዝየ ኧጨ በፍቆት እኻ በዋቦት የእስራኤል ሰብም ይእግዘርም ኽትም ያትንው መደር ያሮኸማ አመነም። ኽኖም ኧዃም ስን እግዘር ይሰጅሌ በሸተን መደር በዝመታ ቲያሮ ነረቦ።