Read sebat bet gurage 2ነ ተሰ 3 Bible Online

2ነ ተሰ 3 - sebat bet gurage bible

2ነ ተሰ 3

¹ጐፔቸም ኧተቾ የቀጥወ ይእግዘር ቃር ባኹሜ የኸረም ኸማ ብንጐድሜ ይቤትቴም ይከብሬ ይናም ጠሎት አምሮንደ።

²የኽክም ቃረታ ሰሞም ያምሮ እንመና አንኸሮ የኸሬ ተጥጥም ተሼ ሰብ አደጋ ንተርፍኔ ይእግዘር ጠሶንደ።

³ቢኸርም እግዘር የታመረው፤ ት ያትቋምርኹሸ፤ ተሲጣርም ይቀየኹሸ።

⁴ናዝዝኔኩም እንም ኧዃም ቢኸር የዝ አን ትቾተዊ ኸማ በታ ኸነም ንትመመኔኩ።

⁵ታ ናኹ ይእግዘር ንማጄም የክርስቶስም ፍና ያስራኹ።

⁶ጐፔቸም ኧተቾ በክርስቶስ ቢያምሮም ሜና ቴቾቶ ሰብ፥ ቲናም በትፐርኹዊ ትምርት ኤነት ቴረብሮ ክርስቲያን እንም ትትቤተሮዌ በታንዳ በኢየሱስ ክርስቶስ ሽም ናዝዝኔኩ።

⁷ይና መሰርኹም ንበሮት ያነብኹ ኸማ አኹም ገጋኹ ትሮ፤ ይና ታኹ በረፐኔ ሜና ኤባር አንቾናነ።

⁸የሟኒም ሰብ ሸረት እክም አንበናነ፤ ባኹ ባትማኹ አንትጨርኔብኩዌ ዋናም ምሳረ ጥነም ጃድ ባነም ንቾትነ ባነ።

⁹ዝም የቾትነ ይና ያኹ መሰሮ ንኽነሸ በበሮተንዳው ባንኸሬ አኹ የጭነረንዳ ዋጋ ቲቦንዴ መብት አነፐረንዴ አንኸረ።

¹⁰ታኹ በረፐኔ «ሜና ቶቶት ኤሽንታ ኤብራ» ይብር ትዛዝ አዘዝኔኩም ባነ።

¹¹ዝም የባኔ አታት ሜና ኤቾቶ ሰብ በግብታኹ ያነቦ ኸማ ሰማነምታነው፤ ኽኖም ቤያገባኖ ዘንጋ ገፖም ይንጐድ ሰብ አደግሮት ባንኸሬ አት ዘንጋ ቴቾቶ ይረብሮ ሰብሎ።

¹²የዝካ ኤነት ሰብ በጨር ይረብሮዌ ቾቶም ይበሮዌ በታ በኢየሱስ ክርስቶስ ሽም ናዝዝነም ናጬፕኔዮ።

¹³ጐፔቸም ኧተቾ አኹም ጥነም ቤትኹ ወኼ ዘንጋ ተቶቶት አታክቦ።

¹⁴በዝ ናቸር የራኽኔንኩ ወባጀ ኤትፐር ሰብ ቢረብር መርኬ በረዊ፤ ይቅመጭምኸማ ተት አትኽሮ።

¹⁵ቢኸርም የጐፔ ኸማ ምኽረዊ ባንኸሬ ጠላት ኸማ አትዘዊ።

¹⁶ሽናት ይብ ታ ገገታ እንም ጋ ብንም ዘንጋ ሽናት ያብኹ፤ ታ ትንማኹ ጋ የኽር።

¹⁷ዝኽ ወጌምት በገገና ኧጅ የጣፍንኩ እያ ጳውሎስን፤ ብያ ናቸር እንም ይረኽዊ መርኸት ዝኸታው። እያ ኧጠፍ ዝካው።

¹⁸የታንዳ የኢየሱስ ክርስቶስ ፀጋ ትንማኹ ጋ የኽር።