Read sebat bet gurage ራዕይ 21 Bible Online

ራዕይ 21 - sebat bet gurage bible

ራዕይ 21

¹ተኽም አን ገደር ሰሜም ገደር አፈርም አሸም፤ ይፍትወረር ሰሜም ይፍትወረር አፈርም ፈኮም ባነ፤ ተኽም አን ባኽር አነፐረ፤

²ቅዱስ ከተማ፥ ገደር ኢየሩሳሌም ምሰታ ትትፐሬ ተሽካከተችም ትቅየ ምሽራ ኸማ ተሰሜ ትእግዘሬ ቲወርድ አሸም፤

³ንቅ ያኸራ ቃር ተዙፋንት ቲወጣ ሰማም፥ «እግዘር ቤተታ ተሰብ ጋው፤ ተኽኖም ጋ ይረብርቴ፤ ኽኖም የት ሰብ ይኸሮቴ፤ እግዘር ገገታ ተኽኖ ጋ ይኸርቴ፤ ታመና ይኸርቴ፤

⁴እምባ እንም ቴነና ይሟሽቴ፤ ይፍቴ ዘንጋ እንም የፈኮዬ ሞት ዌም አዘን ዌም ብ ዌም ግርድ ተዝ አን ኤረብር፤» ባረም።

⁵በዙፋነታ የቾናታ «እንም ዘንጋ ገደር አሜቴ» ባረም፤ ዠፐረም «ዝኸታ ጣፍ፤ ዝኽ ቃር የታመረም ውረም ቃሩ» ባሬም።

⁶ተኽም አን ዝካ ባሬም፤ «አነቀም፤ አልፋም ኦሜጋም፥ ይፍትወረርም የቀጥወታ እያትን፤ የጠሟን ዘላለም ኧያም ቲያሜ ሚንጭ ዋጋ ኤባር ይሰጬ ኤውንቴ።

⁷ባመረወ የቈመ ዝኸታ ይወርስቴ፤ እያ እግዘረታ ኧኸርቴ፤ ትም ትከና ይኸርቴ፤

⁸ቢኸርም ሳሬፍ፥ ብእግዘር ኤታመሮ፥ የሰነኾ፥ ደመነ፥ የረከቦኸማ ጅር ይደምዶ፥ ግነ ይቾቶ፥ የቅሪነ ይሰግዶ፥ ኦጃማ እንም አጅገና ዲን ቢረድድወ ብሳት ባኽር ደን ወንደድ ይኸርቴ፤ ዝም የዄተነ ሞቱ» ባረም።

⁹ሰባት ይእግዘር የቀጥወ ቅስፈት የሜናቦ ሰባት ጥዋ ተጠበጦ ተሰባት መሌካ አተታ ይያኼ ቸነምታነ፥ «ኔኸ የጤታ ምሽት የኸረች ምሽራታ አትየሽኸቴ» ባሬም።

¹⁰በመንፈስ አት ንቅ ከፍተነ ቈቶዌ ወሰዴምታነ ቅዱስ ከተማ ኢየሩሳሌም ትእግዘሬ ተሰሜ ቲወርድ አትየሼም፤

¹¹ትም ብእግዘር ክብር ያትየ ባነ፤ አተሮትመታ ንቃር ኑንድ የኸረ እምርም፥ ጥርር መስቴወት ኸማ ወለል የባረ የእያስጲድ እንቁ ኸማ ባነ።

¹²አስረዄት ወፈንቻ ያነን ንቅየም ጌፍ የግምብ ኧጭር ቧነን፤ አስረዄት መሌካም ባስረዄችም ወፈንቻ ቈሞም ይቅረቦ ባነ፤ በአስረዄችም ወፈንቻ የአስረዄት የእስራኤል ጥብ ሽም ጣም ባነ።

¹³ተረን ሶስት ወፈንቻ፥ ተተት ሶስት ወፈንቻ፥ ተከነ ሶስት ወፈንቻ፥ ተራ ሶስት ወፈንቻ ባነቦ፤

¹⁴የከተማምታ የግምብ ኧጭር ባስረዄት ንቅ እምር ር ተረሸም ባነ፤ አስረዄት የጤታ ናቸረነ ሽም ባታት እምር ተጣፎም ባነ።

¹⁵ትያም የዝረ መሌክ ከተማምታ፥ ወፈንቻታም የግምብም ኧጭር ይሰፍርወ የወርቅ ዥር ቧነን፤

¹⁶ከተማምታ ጌፍነተታም መየመታ አርበታ ወኸተታ ጥየ ባነ፤ መሌክም ከተማታ በዥረታ ሰፈረም፤ ጌፍነተታ ዄት ም አርበት በቅር ኪሎ ሜትር ኸረም፤ መየታም መታም ኽም አኽር ኸረም፤

¹⁷መሌክምታ የግምብ ኧጭር ጀንጅርነት ሰፈረም፤ ሰብ በርወሸን ኤነት ቢሰፍር ሰባም ዄት ሜትር ኸረም።

¹⁸ግምብምት የትረሸ ኢያስጴድ ቲውሪ እምር ባነ፤ ከተማምታ መስቴወት ኸማ ወለል በባረ ጥርር ወርቅ የትረሸ ባነ።

¹⁹የከተማታ ግምብ በብዘ ኤነት ኑንድ እምር አጌጠም ባነ፤ አተነ እምር ኢያስጴድ ባነ፤ ዄተነም ሰንፔር፥ ሶስተነ ኬልቄዶን፥ አርበተነ መረግድ፥

²⁰አምስተነ ሰርዶንክስ፥ ስድስተነ ሰርድዮን፥ ሰባተነ ክርስቲሎቤ፥ ስተነ ቢረሌ፥ ዠጠነ ወራውሬ፥ አስረነ ክርስጵራስስ፥ አስራተነም ያክንት፥ አስረዄተነ አሜቴስት ባነ።

²¹አስረዄት ወፈንቻም አስረዄት እንቁ ባነቦ፤ ወፈንቻኽኖ እንም የትረሰቦ ትማት እንቁ ባነ። የከተማምት ኤማ የሸኰቺ መስቴወት ኸማ ወለል በባረ በጥርር ወርቅ ባነ።

²²እንም ይዀለ እግዘር እግዘርም ጤታ የዝ ከተማ መቅደስ ኽኖ የኸሮዌ በዝ ከተማ እንጐድ መቅደስ አናሸ፤

²³ኤያት ዌም በነ በከተማ ያትዬ ኤያትሽ፤ ይእግዘር ክብር ኤያት ኸረም ያትየ፤ ጤታም ጬተታው፤

²⁴ሰብም በጬተታ ይረብሮቴ፤ ያፈር ንስም ክብረና የትኼ ያቸኖቴ፤

²⁵በኽሜ ምሳረ ኤነ የኸሬ ወፈንቻታም ሟኒም ከረ ኤያጭዮ፤

²⁶የመንግስት እንም ግርማም ክብረና የኽ ከተሜ ይገቦቴ።

²⁷ኤሽር ቃር ስርም የኽ ከተሜ ኤገባ፤ ጥጥ ይቾትም ፍጥር ይዝረታ ስርም በኽ ከተማ ኤገባ፤ የዘላለም ኧያም ኸሮም ይረብሮቴ ቢብር በጤታ መጣፍ የትጣፎ እማት ኽኖ ይገቦቴ።