Read songe Mateo 1 Bible Online

Mateo 1 - songe bible

Mateo 1

¹Mukanda wa kifuko kia Yesu Kidisitu, mwan’a Dafidi mwan’a Abalahama.

²Abalahama batandjile Isaka, Isaka namu batandjile Yakoba, Yakoba batandjile Yuda na bakwabo.

³Yuda namu batandjile Mpelese na Sela a Tamala. Mpelese batandjile Eseloma. Eseloma batandjile Lama,

⁴Lama namu batandjile Aminadaba. Aminadaba batandjile Nāsona. Nāsona namu batandjile Salamono.

⁵Salomono batandjile Boasa a Lahaba. Boasa namu batandjile Obedi a Lute. Obedi namu batandjile Yese.

⁶Yese namu batandjile Dafidi nfumu. Dafidi namu nfumu batandjile Solomone, kwi’wa badi mpiana a Ulaya.

⁷Solomone batandjile Leoboama. Leoboama batandjile Abiya. Abiya batandjile Asa.

⁸Asa batandjile Yeosafata. Yeosafata namu batandjile Yolama. Yolama batandjile Usiya.

⁹Usiya namu batandjile Yotama. Yotama batandjile Akasa. Akasa namu batandjile Esekaya.

¹⁰Esekaya batandjile Manase. Manase namu batandjile Amona. Amona batandjile Yosaia.

¹¹Yosaia batandjile Yekoniya na bakwabo, su mpa kia kihindji kiabayile n’abo ku Babelona.

¹²Ku nyima kwa kuatshibwa ku Babelona, Yekoniya batandjile Salatshiele. Salatshiele batandjile namu Selubabele.

¹³Selubabele batandjile Abiuda. Abiuda namu batandjile Elakimi. Elakimi batandjile Asola.

¹⁴Asola batandjile Sadoka. Sadoka namu batandjile Akima. Akima namu batandjile Eleuda.

¹⁵Eleuda batandjile namu Eleasa. Eleasa batandjile Matana. Matana batandjile namu Yakoba.

¹⁶Yakoba batandjile Yosefe mulunda a Madiya, kwadi nyi kubatandjilwe Yesu, winyi batemwinwe bu Kidisitu.

¹⁷Biabia nyi bungi bwa bifuko bioso kw’Abalahama mpaa na kwi Dafidi, bibadi ekumi na binanka. Na kwi Dafidi mpaa na habayile n’abo ku Babelona bibadi bifuko ekumi na binaka; na ku kihindji hatabayile n’abo ku Babelona, mpaa na kwi Kidisitu, bibadi bifuko ekumi na binanka.

¹⁸Kwinyi kutandjibwa kwa Yesu Kidisitu kubadi anka bino. Habadi nyin’e Madiya muladikwe kwi Yosefe, kwibedi tababandjile kufumankana n’e hamune, biabia basanenwe mwimite eimi kwi Kikudi-E-Selelee.

¹⁹Henyihaha Yosefe, mulunda e, biabadi mwikale muntu mululame, tabakyebele kumukwatshisha būfu ku mpala kwa bantu, badi afunu ku bukunkula’shi: Nankamuhele ku bufyefye.

²⁰Anka habadi anangushena yaya myanda, talai, mwikeilu a Yehowa bamwekyele kwadi mu kilotwa, bamwambile’shi: A Yosefe mwan’a Dafidi, totshinanga kuata mpian’obe Madiya, mwanda kiadi mwimite mwifu die nkia Kikudi-E-Selelee.

²¹Akatande mwana mulume, okamūdika bu Yesu, mwanda e akahasha bantu be ku milwisho yabo.

²²Yino myanda yoso yibakitshinwe mu kukumbasha eyi dia Yehowa dibatemukile kwi mutemuki’shi:

²³Talai, mukashi ki kamame akayimite efu, akatande mwana mulume, abakamūdike eshina dia bu Emanyuele, nyi nkuhatula’shi: Efile Mukulu E n’etu.

²⁴Biabia Yosefe hababukile mu tulo, ībakitshine bibamulungwile mwikeilu a Yehowa, bātshile mpian’e.

²⁵E tafikile hehi kwiukene, bu mukashi na bu mulume, mpaa na habatandjile mwana mulume. Bamūdikile n’eshina die bu Yesu.