Read songe Mako 1 Bible Online

Mako 1 - songe bible

Mako 1

¹Mbangilo ya mukāndu-wibuwa wa Yesu Kidisitu Mwan’Efile-Mukulu.

²Mwa kibadi kifundjilwe mu mukanda wa batemuki’shi, Tala, natumu mukiendji wande kumpala kobe, nyi au wakalumbulwila kumpala eshinda.

³Eyi dia umune ēle musase mumahia akabāka’shi; Lumbula eshinda dia Yehowa, ludikai mashinda e.

⁴Yoano bafikile babatshishia mu kabāka, na kulungula myanda ya kubatshishia kwa kwīlanga kw’eshimba’shi; Milwisho yabo yishimishibwe.

⁵Kubamutukile kwadi ba mu mahia oso a Yudea, na ba mu Yelusalema hanka; babadi ababatshishwa n’e boso mu lui lwa Yodana, tabasokola milwisho yabo.

⁶Yoano badi mufwale buaa bwa (nyama) shamo, na kikoba kia musokia mu kifuka: kudia, adi anka nshīye na būki bwa mu mahia.

⁷Tēle musase’shi; Akufiki kunyima kwande umune munkidile bukata, mioshi ya bidiato bie ami nkintulombane na kubandamina’bio kwangulay’o.

⁸Binyibinyi ami nenubatshishia mu mema, anka e akenubatshishia mu Kikudi-E-Selelee.

⁹Biakubadi biabia mu ā mafuku Yesu bakatukile ku Nasaleta, kibalo kia Ngadilea, babatshishwe kwi Yoano mu Yodana.

¹⁰Kahindji nāka ha kwabuka’ mema, bamwene eilu tadi tubuka, na Kikudi-E-Selelee kibamutentamine hamune bu nkudimba.

¹¹Biabia mubatukil’eyi mwiīlu’shi, obe e Mwan’ande akukuminwa andji mutokyele’shimba.

¹²Kahindji n’āka Kikudi-E-Selelee kibamubingile mu ikabāka.

¹³Mu mahia a kabāka bēkele mwanka mafuku makumi ananka atompibwa na Satana; badi mwikale na nyama yi bukyelo, na bamwikeilu babamunyishanga.

¹⁴Binyībi Yoano hakwelwa mu lukano, Yesu bayile ku Ngadilea alungulanga mukāndu-wibuwa wa bunfumu bw’Efile-Mukulu’shi.

¹⁵Kihindji kibakumbana na bunfumu bw’Efile-Mukulu namu bubefubwilwa hehi: nwīlangeyi ku mashimba, nukuminei mukāndu wibuwa.

¹⁶Henyihaha hakukila mema a Ngadilea, bamwene Shimona na mukwabo Andeleyo, abate bukondja ’mema, mwanda babadi bampibwe ba mwita wa mema.

¹⁷Yesu bebambile’shi, ndonde’mi, n’ami nkenwalule nwikale bampibwe ba bantu.

¹⁸Henyihaha kahindji n’āka babalekyele makondj’abo, tabamulondo.

¹⁹Bahu kwenda kihindji kihela bamwene Yakoba mwan’a Sebede, na mukwabo Yoano, baba n’amu babadi mu bwato tabatelula makondj’abo.

²⁰Kahindji n’āka bebetanyina, n’abo abalekyele shabo Sebede na bafubi m’bwato, tabamulondo.

²¹N’abo abayile, abatwele mu Kahanauma, n’awa nguba e batwele mu kitumbwilo ha dla Sabado, talambuukisha.

²²N’abo abakanyine lulambukisho lwe, mwanda e badi ebalambukisha hamune mwen’a matalwa, ta mpamune bafundji ba mikanda, ooo.

²³Amwa mu kitumbwilo mubadi umune badi na kikudi ki butete, bēle musase’shi.

²⁴A ee! etulekyela nyaa, akia twikele n’obe nkinyi, obe Yesu a Nasaleta? bofiki kwitulwish’anyi? Nakwiuku n’abiodi’be winyi Muhatulukye-selelee e Elile.

²⁵Yesu bamutoshe’shi, Umina nyaa, mutukile mwanka.

²⁶Binyibiabia kikudi ki butete hakuhwa kumusunyisha, na kudila n’eyi di bukoho, kibamutukile mwanka.

²⁷Na boso abakanyine, na kwīhushena munkatshi mwabō bana bene’shi; A kino namu nkinyi? A luno lulambukisho luhia namu lwi na minyi? mwanda na matalwa asashila bikudi bi butete, abio abimukokyela.

²⁸Kahindji na kano ntumbo ye yibahalakene ku nsenga ya Ngadilea mpaa na ku mpese yoso.

²⁹Ku mongo, hakutuka mu kitumbwilo, babatwele mu nshibo ya Shimona, na Andeleyo; Yakoba na Yoano babadi n’abo.

³⁰Anka nyin’e muko a Shimona badi mulale na busungu bwa mwasakane mu mbidi, biabia kahindji na kano ta bamulungula biadi.

³¹Bafikile kwadi, bamukwete ku mboko amubushe; kahindji na kano busungu bubahwile, tebafubila mufubo.

³²Kiolwa, nguba hakuhona, abamufikishishe boso basha masungu kwadi, na bamunwe na mikishi.

³³Na kibalo kioso kibamwibungile hamune ku kibelo.

³⁴E bahwishishe bebungi babadi abakumbu kubofula kwa mbidi kwa bihaso, babingile namu mikishi yingi, ta mwiyilekyela yisamba, ooo, mwanda’yo ayimwiuku.

³⁵Namashika, bufuku ta bandjile kutoka babukile, bakatukile, tēnde mu kabāka, tatekye mwanka.

³⁶Shimona na babadi n’abo tabamulondo.

³⁷Hakumusangana babamwambile’shi, bosoboso abakukyebe.

³⁸N’e bambile’shi, twende mu bibalo bilondakane na kino, nkalungule’ko myanda, mwanda kinafikile ñanka kino.

³⁹Henyihaha badi ebalungula mikāndu-yibuwa mu kitumbwilo kiabo, na moso mu Ngadilea, na kubinga mikishi mwanka.

⁴⁰Kumongo kubafikile kwadi umune sha kiiwe, tamusendela na kumukunamina hanka, tamwamba’shi; S’ōkumina biabia, ouku kumpwisha.

⁴¹Na Yesu hakukwatwa na lusa, b’olwele mboko, bamukuma, tamwamba’shi: Nankyebe, ohwibwe.

⁴²Hakumwamba biabia, busungu bubamuhwile kahindji na kano.

⁴³Hakumulanga bi bukoho bamutakwile.

⁴⁴Tamwamba’shi; Tala, tokalungulanga muntu; ndokelese obe namwinyi kwi tshiite-Mwakwidi, kamtilubwile bibambile Mosesa, mwanda kwikala bu kitundwilo kwabadi ha kuhwishibwa kobe.

⁴⁵Anka e habakatukile, babangile kwela musase wa kuhalakasha koso uno mwanda; biabia ’Yesu tamumone’nyi mwa kutwela mu kibalo kumonyibwa na bantu, ooo, anka badi mwikale mu tubāka: bantu namu babadi abamufwila ku mpese yoso.