Read songe Luka 21 Bible Online

Luka 21 - songe bible

Luka 21

¹Binyibiabia babandulukile, bamwene bampeta abēle milambu yabo mu kilambwilo.

²Bamwene’nyi mukashi-amufwe mulanda badi ēle mwanka makuta abidi.

³N’e bakwile’shi: Binyibinyi nenulungula’shi: uno mukashi-amufwe mulanda bēle bikile boso.

⁴Mwanda bana boso abēle mu kilambwilo ki ’Efile Mukulu bia ku bintu biabo bikile bungi: anka e bēle bintu bioso biadi nabio bia bulanda bwe.

⁵Kubadi bangi abakwile mwanda wa ntempelo bu bia yibadi yilengibwe na mabwe ebuwa na bia buntu, bakwile’ shi:

⁶Ha mwanda wa bino bintu bianubandjila, talai, mafuku akafiki ashyakashala ebwe ditentame ha dingi ebwe dishyadikalamwinwa hashi.

⁷Abamwihwishe’shi: A Mulambukishi, anka bino bintu abikafiki kihindji kinyi? A nkinyi ankitundwilo kinyi akikekala kwanka ahakafiki yino myanda?

⁸E bālulwile’shi: Dimukai tanubembulwanga: mwanda bebungi abakafiki mwishina diande’shi: N’ami Kidisitu; na kihindji takidi hehi; biabia tanwibalondanga.

⁹Anka hanukahusha mwanda wa ngoshi na biakutēkana, tanutshinanga moo! Mwanda yino myanda ayikafiki kwibedi, anka kunfudilo takwi hehi.

¹⁰Henyihaha bebalungwile’shi: Mwīlo aukabuku ngoshi na ungi mwilo, na bufumu abukebwela na bungi bufumu:

¹¹Nsenga ayikatenkakana bikata mu bihindji na bihindji, akukekala bihuha bia nsala, na bia masungu, na bia ku sushisha moo, na bitundwilo bikata bia kwiilu.

¹²Anka kwibedi kwa yino myanda abakenukwata, abakenubinga, na kwinufisha ku bitumbwilo, na mu mashibo a nkano, anukafishwa ku mpala kwa banfumu, na kwi ba bimankinda ha mwanda w’eshina diande.

¹³Abikenualulukila kwikala bu tumonyi.

¹⁴Binyibiabia nyishai mashimb’enu, tanunangushenanga kwibedi mwa kwalulwila.

¹⁵Mwanda nankenuha mu kanwa na binangu, kabashyabeuku kwituhishena n’enu sunga kwela mpaka.

¹⁶Anukehulukwa kwi benutande, na kwi bakwenu, na kwi bifuko bienu, na bakūku benu; abakehaisha (bangi) b’enu.

¹⁷N’anwe anukashikibwa kwi bantu boso ha mwanda w’eshina diande.

¹⁸Anka takukashimina sunga ndunyene lwa ku mutwe wenu.

¹⁹Mu lwishinko lwa mashimb’enu nyi mwa nukamwena bikudi bienu.

²⁰Binyibiabia hanukamono Yelusalema kwifunyishibwa na basha ngoshi, henyihaha nwiukye’shi, kusadika takwi hehi.

²¹Henyihaha abo be mu Yudea basukile ku mangulu: N’abo be munkatshi wa ’kio bakatukye, be mu yingi nsenga tabatwelanga mwanka.

²²Mwanda ā mafuku nga nkōbola’shi myanda yoso yifundjibwe yikumbashwe.

²³Anka mpombo kwi bēmite mafu, na kwi abomesha bana mu aa mafuku! Mwanda akukekala malwa akata ha nsenga, na bukyelo ha bano bantu.

²⁴Abakahono ku bwashi bwa luhete lwa ngoshi, abakaishwa bu buhika ku mīlo yoso: na Yelusalema akāshinwa kwi Badjentaila, mpaa na kukumbasha bihindji bia Badjentaila.

²⁵Henyihaha bitundwilo abikekala mu nguba na mu mweshi, na mu nyenyenyi, na ha nsenga akukekala bishiotshi bia mīlo na mashimba e katshima munda, na kitumo kikata kia mbundambunda ya kalunga ka mema.

²⁶Mashimb’a bantu akahungila na moo, ha mwanda wa kutala ku yaya myanda ayifiki hanohansenga: mwanda bia bukome bia mwiilu abikatenkakana.

²⁷Henyihaha abakamono Mwan’a Muntu afiki mwikumbi na bukome na ntumbo yikata.

²⁸Anka ahakabanga yino myanda kukitshibwa, henyihaha nubandulusha meso, nubandule mitwe yenu: mwanda kikudilo kienu takidi hehi.

²⁹Belele lukindji’shi: Talai mutshi wa kikuku na mitshi yoso,

³⁰Hayishihuka anumono’nwe bana bene, na kwiuka’shi, mpeshi tadi hehi.

³¹Anka hamune anwe namu hanukamono yino myanda tayifiki, nwiukye’shi, hufumu bw’Efile Mukulu tabudi hehi.

³²Binyibinyi nenulungula’shi: Kino kihungilo takikakidi mpaa na hakukumbashwa bioso.

³³Eilu na nsenga abikashimina, anka bishima biande tabikashimina ooo.

³⁴Nudimukei anwe bana bene kutshina’shi: tala mashimb’enu akanemenwa na bidiafi na kukolwakolwa, kukalakashwa kwa uno muwa, biabia adi’efuku adikenuhulumukila.

³⁵Mwanda adikafiki bu muteo ha boso bashale hanohansenga hoso.

³⁶Binyibiabia nutengyele na kuteka mafuku oso, bianudia kulombana kuhashibwa ku yaya myanda yoso ayikafiki, na kwimana ku mpala kwa Mwan’a muntu.

³⁷Biabia mafuku oso badi alambukisha mu ntempelo kutoka, na bufuku batukile’enda mu kulala ku ngulu, ayitemunwe bu Olefeta.

³⁸Na bantu boso abafikile na mashik’ēse kwadi mu ntempelo mu kumuhusha.