Read songe Yoano 17 Bible Online

Yoano 17 - songe bible

Yoano 17

¹Habakwile Yesu yino myanda babandulwile meso E mwiilu, eshi: A! Yaiya, kihindji kibafiki, tumbisha Mwan’obe’shi Mwan’obe namu akakutumbisha.

²Anka bu mu bomuhele matalwa ha bantu boso’shi, akahe boso babomuhele muwa wa-ikala-ika.

³Na uno nyi muwa-wa-ikala-ika, abo kukuuk’obe Efile Mukulu, ’mune’nka a binyibinyi; na Yesu Kidisitu a botumine.

⁴Nahu kukutumbisha hano-hansenga: nahu kuobesha mufubo ubompele kukita.

⁵Binobino, Obe Yaiya ontumbishe’mi, hamune n’obe na mwinyi na ntumbo yatubadi nayo n’obe kwibedi kwa nsenga tayayikele hanka:

⁶Namwekeshe’shina diobe kwi’ba bantu baha-nsenga babompele; babadi bobe, n’obe bwebampele n’abo abalamine mwanda wobe n’abo abalamine mwanda wobe.

⁷Binobino babahu kwiuka’shi bintu bioso bibompele bibatukile kodi.

⁸Mwanda, nebahele myanda yibompele, n’abo abeyitambwile, abahu kushingula binyibinyi’ shi, natukile kodi, babakuminyine namu’shi, Obe bontumine.

⁹Ami nebatekela: nki mutekele be-hano-ha-nsenga, anka baba babompele; mwanda baba mbobe.

¹⁰Na bande boso mbobe, na bobe mbande namu; nyi mutumbishibwe mwabadi.

¹¹Binobino tanyikala dimo hano-ha-nsenga, anka bano bakī ha nsenga, ami nfikye kodi. Yaiya E Selelee a Kishila, Ebalame mwishina diobe baba babompele’shi, bekale buumune, mwatudi bekele’twe.

¹²Ha nadi n’abo hano ha-nsenga, nebalamine mwishina diobe; abo babompele nebalamine, takwi sungangumune mushimine, anka yawa mwana wa kilwididilo, eshi bifundwe bibakumbashwe.

¹³Biabia binobino, nami yawa afu kodi, na yino myanda nakula hano-ha-nsenga, mwanda kwambashi, muloo wande ukumbashwe munda wabo.

¹⁴Nabahele mwanda wobe, bahano-ha-nsenga abebashikwa, ha mwanda’bo tambahanoha-nsenga, bu biandjimi nki a hano-ha-nsenga.

¹⁵Nkimukuteke amishi, Webakashe hano-ha-nsenga, anka’shi, Webakashe ku bubi.

¹⁶Abo tamba hano-ha-nsenga, ooo, anka bu biandjimi nki a hano-ha-nsenga.

¹⁷E balamune ku bia bubi na bia binyibinyi biobe, mwanda wobe nyi ngwa binyibinyi.

¹⁸Anka mu bontumine hano-ha-nsenga, biabia nami namu nebatumine hano-ha-nsenga.

¹⁹Biabia, ha mwanda wabo, ne-lamuna (ku bia bubi) ami na mwinyi’shi, abo belamune ku bia bubi ha mwanda wa biabinyibinyi.

²⁰Tantekyela’nka’bo buhenka, nantekyela namu mpā na bankakumina ku mwanda wabo.

²¹Eshi, boso bwabo abakekala būmune, anka modi mwikele Obe Yaiya mwandji, n’ami namu modi, eshi bekale namu mwatudi’twe, eshi, ba ha nsenga bakumine’shi obe bontumine.

²²Ntumbo yibompele, nebaha’yo, eshi, bekale buumune, bu twi n’obe twi umune.

²³Ami nyikale munda mwabo, n’obe namu mwande eshi bekale balombane bu umune, eshi bahanohansenga beukye’shi obe bontumine, n’obe bohu kwikala n’abo kifulo, bu modi nami kifulo.

²⁴Obe Yaiya nakyebe’shi baba namu babompele, bekale kwandji mwikale, yabadia kumona ntumbo yande yibompele, mwanda bodi nami kifulo, kwibedi kwa kibangilo kia nsenga.

²⁵A! Yaiya Mululame ba hano ha nsenga tababadi bakwiukye, anka’mi bakuukyile, n’abo namu babeuku’shi, Obe bontumine.

²⁶Ami nebaukisha eshina diobe, nankediukisha dimonyi’shi, kifulo kio bomfule nakio kikekale munda mwabo, n’ami namu munda mwabo.