Read songe Yoano 8 Bible Online

Yoano 8 - songe bible

Yoano 8

²Biabia nakashik’ese E bafikile dimonyi mu ntempelo, na bantu boso abafikile kwadi; n’E bashalele, bebalambukisha.

³Bīabia, bafundjiba-mikanda na Bafadiseo, babafikile kwadi na mwana mukashi mukwatwe na masandji; hababamwimikile munkatshi,

⁴babalungwile Yesu’shi: A Mulambukishi, uno mwana mukashi mukwatwe akitshi lusandji, nyi winyi mwanda u na bene.

⁵Biabia, mu mukanda-wa-milangilo wa Mosesa betulaile’shi: muase bantu abakitshi biabia mabwe: ank’obe omba na minyi?

⁶Uno abakwidile kumutompa’shi: Tumone hakumutewila. Anka Yesu babandamine, afūnda hashi na munwe we.

⁷Anka habadi abanyisha kumwihusha, babandulukile bebalungwile’shi: Yawa munkatshi mwenu te na mulwisho, abange kumwasa ebwe.

⁸Babandamine dimonyi, afunda hashi.

⁹N’abo habahushishe: biabia, mashimba a munda mwabo abebahoneshe, abakatukile ku umo, umo kababangile kwi bakulu babo, mpa na kwi a kunfudilo; biabia Yesu bashele buhenka na winyi mwana mukashi badi mwimane munkatshi.

¹⁰Hababandulukile Yesu, tamumone mungi muntu, anka mwinyi mwana mukashi: bamwihwishe’shi; A! mwana mukashi, abakukwatshile bekwi kunyi? takwi muntu akukuhoneshe su?

¹¹Ebalulwile’shi: Sunga ngumune, Mwanana. Biabia Yesu bakwile’shi; Nami namu, tankuhonesha; nda, tokolwanga kulwisha dimonyi.

¹²Binyibiabia, Yesu bebalungwile dimonyi’shi: Ami nyi etata dia hano-ha-nsenga; awa andondo takatambuka ’mufito, anka akekala n’etata dia muwa.

¹³Biabia Bafadiseo babambile’shi: Weihatulwila obe na mwinyi; kuhatula kwobe tankwa binyibinyi.

¹⁴Yesu bebalulwile’shi: Sunga neihatulwila, kuhatula kwande nkwa binyibinyi; mwanda mwandji mwiukye kunafikile, na kwa nyende; anka’ nwe tanwiuku kuhatula kunafikile, na kwa nyende.

¹⁵Anwe anulā muntu nsambu mwiyile mbidi; ami ta ndā nsambu ku muntu, sunga ngumune.

¹⁶Anka sunga nalā muntu nsambu, kutshiba kwande nkwa binyibinyi: mwanda’mi nki buhenka, anka nyi na Yaiya bantumine.

¹⁷Ubafundjibwe namu mu mukanda-wa-milangilo wenu’shi: ’Kuliatula kwa bantu babidi nkwa binyibinyi.

¹⁸Ami na mwinyi ne akwila; Yaiya bantumine anakwila.

¹⁹Biabia babamwihwishe’shi: Shobe E kwi kunyi? Yesu bebalulwile’shi: Tanwibanukye, sunga Shami; su nubadi a kunuka, nubadi a kwiuka Yaiya namu.

²⁰Yino misambo yibakwile Yesu mu kilambwilo, habadi alambukisha mu nshibo y’Efile Mukulu: takubadi muntu bamukwete masa, mwanda kihindji kie takiabandjile kufika.

²¹Binyibiabia Yesu bebambile dimo’shi: Ami tanyende, n’anwe anukankimbi, anukafwila mbubi bwenu: kwa nyende, anwe tanwiuku kufika kwanka.

²²Biabia Bena Yudea’shi: Akyebe kwiiha su? mwanda ’ambashi tanwiuku kufika kwa nyende.

²³Binyibiabia, E bebalungwile’shi: Anwe nwi bamūshi; ami nyi a mwiilu: anwe nwi ba-hano-ha-nsenga; ami nki a hanoha-nsenga.

²⁴Henyihaha, nyi ha uno mwanda wa nyi nwambila’shi anukafwila mbubi bwenu: mwanda su tanwibankumine ny’anka E, anukafwila mbubi bwenu.

²⁵Biabia babamwihwishe’shi: Obe wenyi? Yesu bebalulwile’shi: Ny’anka winyi anenulungwile kumbangilo mpa na binobino.

²⁶Nyi na myanda yi bungi kwakula, na kwinutshibila, anka E bantumine nga binyibinyi: biabia nalungula kwi be-ha-nsenga binahushishe kwadi E.

²⁷Abo tambashingule’shi, akwila mwanda wa Yaiya.

²⁸Biabia Yesu bebalungwile’shi: Hanuhu kwimika Mwan’a muntu, nyi hanukauku’shi: nyi anka E. Ami mkimwikitshine mwanda ami na mwinyi: sunga nkahela, anka bu Yaiya bandambukishe, nyi bia nyisamba.

²⁹Bantumine winyi E n’ami: Shami tamundekyele buhenka bwande, mwanda mafuku oso nakitā abio bioso abimusangulusha.

³⁰Henyihaha habakwile yino misambo, be bungi abamukuminyine.

³¹Biabia Yesu bambile ba-Yudea babamukuminyine’shi: Su anushimata mu mwanda wande, nwi bana-bande-ba-bukishi binyibinyi.

³²Anukauku namu bia binyibinyi, na bia binyibinyi abikenukulu bu baluñantu.

³³Abamwalulwile’shi: Atwe twi twikulu twa Abalama, tatwibamunwe na muntu, sunga ngumune, mpa na binobino. A nkinyi kiwakula’shi: Anukakulwa bu baluñantu?

³⁴Yesu bebalulwile’shi: Binyibinyi, binyibinyi, ihenulungula’mi’shi: Muntu ese akitshi bubi, e mpika a bubi.

³⁵Mpika tēkala mu nshibo kwikala-ika; anka Mwana ny’ekala mwanka ikala-ika.

³⁶Binyibiabia, su winyi Mwana benukulu bu baluñantu, anwikekala balufiantu binyibinyi.

³⁷Neuku’shi: nwi bekulu b’Abalama; anka anukimbi mwa kuñihaila, mwanda tanwi na mbalo munda mwenu ya mwanda wande.

³⁸Ami nakula binamwene na Shami, anwe namu anukita bianubamwene na shyenu.

³⁹Abo babamwalulwile’shi: Abalama nyi shyetu. Yesu bebalungwile’shi: Su nubadi bana b’Abalama, nubadi a kukita bikitshino bi’Abalama.

⁴⁰Anka binobino anukimbi mwa kuñihaila, ami muntu enulungula bia binyibinyi, binahushishe kw’Efile Mukulu; Abalama tamukite bino.

⁴¹Anwe anukita bikitshino bia shyenu. Henyihaha, babamulungwile’shi: Tatwibatandjibwe mu lusandji; twi na Shyetu’mune, nyi Efile Mukulu, (na mwinyi)

⁴²Yesu bebalungwile’shi: Su Efile Mukulu nyi Shyenu, nubadi akwikala nami kifulo: mwanda nafikile kw’Efile Mukulu, nyi kwanka; nkimwifikile, anka E bantumine.

⁴³A nkinyi kianushibeukye mwanakwila? mwanda tanwibeukye mwa kuhushisha mwanda wande.

⁴⁴Anwe nwi ba diobola shyenu, na bia meso-atone a shyenu bwibatē mashimba enu kukita. Kumbangilo e badi mutahanyi, tamwikele mu biabinyibinyi, mwanda te na binyibinyi munda mwe. Hakula mwanda wa madimi, ākula mwanda wena mwinyi: mwandae mwina madimi, n’enshyao.

⁴⁵Ha mwanda nenulungula biabinyibinyi, tanunkumina.

⁴⁶A nanyi enu euku kumpatula mwanda ubi unakitshine? Su nakula biabinyibinyi, a nkinyi tanunkumina?

⁴⁷Awa’Efile Mukulu ahushā misambo y’Efile Mukulu; biabia’nwe tanuhusha, mwanda tanwi b’Efile Mukulu.

⁴⁸Binyibiabia, Bena Yudea babamwalulwile’shi: Tatwakula binyibinyi’shi, Obe we mwina Samadia, we na mukishi munda?

⁴⁹Yesu; balulwile’shi: Nki na mukishi munda; anka na nemeka Yaiya, anwe anumpelesha.

⁵⁰Ami nki mukimbe ntumbo yande: kwi umune ayikimbi, atshibi myanda.

⁵¹Binyibinyi, binyibinyi nenulungula’shi: Su muntu alamina mwanda wande, takamono lufu sunga mpahela.

⁵²Henyihaha, Bena Yudea abamwalulwile’shi: Nyi hatubeukila’shi we na: mukishi munda. Abalama bafwile na batemukye; n’obe kwete kwambashi: Su muntu alamina mwanda wande, takamono lufu.

⁵³We mukile shyetu Abalama bukata, bafwile su? na batemukye babafwile: obe okyebe kwihwandjikisha bu’nyi?

⁵⁴Yesu balulwile’shi: Su netumbisha ami na mwinyi, ntumbo yande ngia bisumanga: antumbishā n’Shami; winyi anutemuna’shi: ’Efile Mukulu etu.

⁵⁵Biosobi tanwibamwiukye; anka’mi nyi mumwiukye: su nakula’mishi: tamwiuku, biabia nankekala mudimbanyi hamunenka anwe; anka ami biandji mwiukye, na lamīna mwanda we.

⁵⁶Shenukulu abalama badi na muloo kumona efuku diande, bedimwene, asehela.

⁵⁷Biabia Bena Yudea babamulungwile’shi: A bihwa biobe tabiabandjile kukumbana makumi atano, n’obe bomwene Abalama su?

⁵⁸Yesu bebalungwile’shi: Binyibinyi, nenwambashi: Kwibedi Abalama tatandjilwe nadi anka biandjibi.

⁵⁹Henyihaha abatshila mabwe akumuela, anka Yesu bafwamine, bakatukile mu ntempelo, E bahikushene munkatshi mwabo, biabia toebakile.