Read songe Bikitshino 25 Bible Online

Bikitshino 25 - songe bible

Bikitshino 25

¹Bitabibakitshine habafikile Fesetusa mu yinyi nsenga, bakamine habakile mafuku asatu ku Kesalea mpaa na ku Yelusalema.

²Henyihaha tshiite-mwakwidi e hanundu ha bakwabo, na bakata ba Bena Yuda abasongyele Paulu kwadi, tabamusendela’shi:

³Etpsambe namu, omwitutumine ku Yelusalema, abo bakahone mwishinda mwa kumwihayila.

⁴Anka Fesetusa bālulwile’shi: Paulu alamibwe anka kuno ku Kesalea, n’ami namwinyi nende kwanka ahayisha kahindji kakoto.

⁵Biabia e bambile’shi: abo be na matalwa, bālale n’ami, na su e na bubi, bamuteule.

⁶Henyihaha habashalele munkatshi mwabo su mafuku mwanda su ekumi, bālalele ku Kesalea: Ilēfuku dia maloba hakushala ha luhun’ā nsulo lwa kimu, bakamikile’shi: Paulu afishwe.

⁷Habafikile, benyi Bena Yuda abālalele ku Yelusalema, abamwifunyine, tabemukisha Paulu bimu bibungi bimoo, bishi bia kumushisha.

⁸E namu, beyialulwile e na mwinyi mwa kwībingīshā’shi: Ami, sunga nku mukandawa-bishila wa Bena Yuda, sunga nku ntempelo, sunga nkwi Kesala, nkimusole mwanda, ooo.

⁹Anka Fesetusa badi akyebe kusangasha Bena Yuda bālulwile Paulu’shi: Okyebe ku kamina ku Yelusalema kukatshibilwa kimu kwanka ha yino myanda ku mpala kwande su?

¹⁰Henyihaha Paulu’shi: Ami nyi mwimane hano ha kimukilo kia Kesala nyi kbnahwilā kutshibilwa: Nkimutombokyele Bena Yudā’mi, ooo obe namwinyi namu we mwiūkye biya.

¹¹Mwanda su nyi mutomboki, sunga nemukite mwanda uhwandjikile’mi lufu, tantunu kufwa, ooo; anka su yino myanda yiabanteula tayi kwanka, biabia takwi sunga ngumune anfisha kwabadi. Naloba Kesala.

¹²Henyihaha Fesetuse habahwile kwisamba na ba mu kimu, bālulwile’shi: Bibohu kuloba Kesala, biabia kwi Kesala kwinyi okēnde.

¹³Habakile angi mafuku nfumu Angidipa na Benise abālalele ku Kesalea mu kwimuna Fesetusa.

¹⁴Habahishishe mwanka mafuku e bungi, fesetuse balubwidile nfumu mwanda wa Paulu’shi: Kwi muntu mwanyibwe ābalekyele kwi Felekise.

¹⁵Hānadi ku Yelusalema batshiite-bakwidi bakata na bakulu ba Bena Yuda abafikile na kimu kie’shi: Omutshibile’kio.

¹⁶Ami nālulwile kwabadi’shi: Kishī kihikwa kia Bena loma kulubwila muntu ku lufu, su nanyi su nanyi, kwibedi winyi muteulwe, emonene n’abo abamuteula mbulushi, e namu amona bibuwa mwa kwalulwila e na mwinyi ha mwanda wa kimu kiabamwimukile.

¹⁷Binyibiabla habubatokyele habādi abekongyela kuno, nashalele ha kimukilo kushī kwindjila, nakamikile’shi: Bafishe muntu yawa hano.

¹⁸Ank’abo habamwibwelele kumuteula, tabādi na yinyi yiakumuteula n’ayo, bu yianadi ahwandjikish’ami, ooo.

¹⁹Anka’abo abadi na yimo ngihusho ya kubwela n’e ha mwanda wa kulangwila kwabo, na ha mwanda wa winyi Yesu bafwile kala, winyi e Paulu mukankamane’shi, atala.

²⁰Na ha mwanda nealashenanga mwiyile bihaso bia yinyi ngihusho, namwihwishe’shi: Okyebe kukamina ku Yelusalema mu kutshibilwa kimu ha yino myanda:

²¹Anka habalobele Paulu’shi: Ndamibwe kuhushwa kwi Augusetusa, nakamikile’shi: Alamibwe mpaa na hankamono mwa kumutuma kwi Kesala.

²²Henyihaha Angidipa bakwile kwi Fesetusa’shi, Ami namwinyi namu nankyebe kuhusha uno muntu. Ebambile’shi Okamuhusha maloba.

²³Biabia habubatokyele, habafikile Angidipa na Benise’ na ntumbo yikata, habahwile kutwela mu mbalo ya kuhusha myanda, hamune na banfumu ba bimankinda ba basalai, na bantu bakata ba mu kibalo namu hamune; Paulu badi afishwa mwanka ha kikamikilo kia Fesetuse.

²⁴Biabia Fesetuse bakwile’shi; A nlumu Angidipa, na bantu boso batudi n’abo hano, anumono uno muntu abasongyele kwi Bena Yuda kwandjimi, na ku Yelusalema na hano, abēle musase’shi: Tambihwandjikile e kwikala ki na muwa na bino, ooo.

²⁵Anka hanasañene tamukite kintu kihwandjikile lufu, n’e na mwinyi namu balobele Augusituse, tanfune kumutuma.

²⁶Ha mwanda we nki na kiankufundjila nfumwami. Binyibiabia nyi kinamufishisha ku mpala kwenu, na kukishakisha ku mpala kobe, obe nfumu Angidipa, eshi, hakumutompa, nankamono bia kukufundjila.

²⁷Mwanda kwishimba diande nahtwandjikisha tambilombane kutuma musungi kushī kia kukulesha yinyi myanda yadi muteulwe, ooo.