Read songe Bikitshino 6 Bible Online

Bikitshino 6 - songe bible

Bikitshino 6

¹Biabia mu ā mafuku, habadi balondji bakwete kufwima, kubabukile miununo ya Bena Ngidiki, abaununa Bena Hebelu, mwanda bakashi-babo-ba-bafwe babadi abakunkulwa hakwābana bintu kwifuku n’efuku.

²Henyihaha bēkumi na babidi abaitanyine kibumbu kia balondji b’Efile kwabadi’shi: Tankuhwandjikile’twe kuleka mwanda w’Efile Mukulu na kutaā mashimba ku mufubo w’ano mesa.

³Biabia, anwe bakwetu kimbai munkatshi mwenu bana balume musambobidi, basha ntumbo yinemekwe, baushwe na Kikudi-E-Selelee na binangu, batudia kutula ha luno lukalo.

⁴Anka’ twe atukehana’twe bana bene ku nteko na ku mufubo wa bulungudi bw’Efile Mukulu.

⁵Uno mwisambo baseheshe mashimba a kibumbu kioso; biabia abasangwile Setefane, muntu muule nda na lukuluhilo na Kikudi-E-Selele, na Fidiha, na Mpokoluse, na Nikano, na Tyimone, na Mpamenase, na Nikola a ku Anteoka bafwile mu kwibanda;

⁶abo abakebatule ku mpala kwa batumibwa; biabia habahwile kuteka, abebatentekyele maas’abo ha mitwe.

⁷Binyibiabia mwanda w’Efile Mukulu ubatamine, na bungi bwa balondji b’Efile bubafwimine bikata mu Yelusalema; kibumbu kikata kia batshiite-bakwidi namu abakokyele lukumino.

⁸Binyibiabia Setefane, muule na lukuluhilo na bukome, bakitshine biakukanya bikata na bitundwilo munkatshi mwa bantu.

⁹Anka kubēbwele bamo ba ku kitumbwilo ki’Efile, akilumbwa bu Kitumbwilo kia Lebetyine na ba Cyreneense, na ba Alexandria, na ba ku Cilicie, na ba ku l’Asie abadi abahatakanya na Setefane.

¹⁰N’abo abakutshilwe mwa kukingila binangu na kikudi bibākwile n’abo.

¹¹Henyihaha abayile mu kuha bantu matwēlo’shi, bakulei’shi: Tubamuhushishe kwete kwakula bishima bia kukaa Mosesa n’Efile Mukulu.

¹²Abo abafundula bantu na bakulu, na bafundjiba-mikanda, abamwihukile, bamukwata, abamufwishishe ku kimu.

¹³Abatule tumonyi twa madimi, bamba’shi: Uno muntu talekye kwakula bishima bia kukaa kino kihindji kihatulwe-ki-kishila, na mukanda-wa-bishila.

¹⁴Mwanda tubamwifwakana ākula’shi: Uno Yesu a ku Nasaleta akalwisha kino kihindji, akālula’nyi bihikwa bibetuhele Mosesa.

¹⁵Na boso abadi bashele mu kimu, habamutale kanana, abamwene lukyebo lwe talubadi bu lwa mwikeilu.