Read songe Bena Loma 14 Bible Online

Bena Loma 14 - songe bible

Bena Loma 14

¹Awa e na lotolo mu lukumino mutambulei, kushī ku myanda ya mpaka.

²Mwanda kwi umune akumina kudia bintu bioso; mungi e lotolo adi anka mabishi.

³Awa’di uo ta bendelanga shī adi anka, awa namu shī adi anka ta tshibilanga awa’di uo, mwanda e mutambulwe n’Efile.

⁴A n’obe’nyi atshibila mufubi a mukwenu mwanda, e’mane kwi Nfumu e na mwinyi na kuhona namu mpamune. Binyibinyi akēmikishibwa: Mwanda Yehowa e na bukome bwa kumwīmikila.

⁵Umune anemeka efuku dimune ku angi hahela; mungi anemeka oso oso hamune. Ese muntu ekale musumīne, au n’eshimba die au n’eshimba die.

⁶Awa atumbisha efuku, kwi Nfumwetu kweditumbisha, n’awa shī atumbish’efuku, ñanka kwi Nfumwetu kwa shī atumbisha dianka. E adi namu, adila kwi Nfumwetu, mwanda atumbula Efile; n’ashī adi, ñanka kwi Nfumwetu kwashī adila, e namu atumbula’nka Efile-Mukulu.

⁷Takwi sunga ngumune akwiyikela na muwa e na mwinyi, na kufwa namu mpamune.

⁸Su atutala, nkwi Nfumwetu kwatutala, su lufu namu atufwila’nka kwi Nfumwetu; binyibiabia su atutala, su atufu, twi anka ba Nfumwetu.

⁹Nyi ha mwanda uno ubafwidile Kidisitu; babukile, tatala dimo’shi, ekale Nfumu a boso na bafwe, n’abatala benyi.

¹⁰Ahenyihaha ankinyi kiotshibila mukwenu mwanda? A nkinyi namu kiobendela mukwenu? Mwanda atukemana’twe boso ku meso kwa kimu kia Kidisitu.

¹¹Mwanda kibafundjilwe, Yehowa’shi, mwa’ntala’mi, manwi oso akankunamina, na ndjimi yoso ayikakumina Efile-Mukulu.

¹²Binyibiabia atwe boso atukeilubula, muntu hee, muntu hee, kw’Ifile-Mukulu.

¹³Binyibiabia ta twitshibishenanga myanda dimo, atwe bana bene, ooo; kukila, bibuwa nutshibei unō’shī, ta kukekalanga’nyi sunga ngumune akatulu kiakukokola mwishinda dia mukwabo, sunga kia kumukitshisha kuhona.

¹⁴Ami neuku, nyi musumīne namu mu Nfumwetu Yesu’shi, ta kwi kintu, sunga nkimune, akiyikēla butete akio ki na mwinyi; anka kwi e atemuna kintu’shi, ki butete, kwadi e akimwikēla bu butete.

¹⁵Anka su ha mwanda wa bidībwa biobe mukwenu afitwa kwi’shimba, biabia totambuka muyile kifulo, ooo. Tomulwishanga ku bidībwa biobe hādi Kidisitu bamufwidile.

¹⁶Tokakuminanga na būmuntu bobe tabukatemwinwa bibi;

¹⁷Mwanda bunfumu bw’Efile-Mukulu ta bwi mu biakudia na mu biakutoma, ooo, anka mu kululama, na kufukama, na tuseho mu Kikudi-E-Selelee.

¹⁸Mwanda awa afubila Kidisitu ya buhika mu bino bioso atosh’Efile-Mukulu kwishimba, na ku bantu kwinyi e bakuminwa.

¹⁹Binyibiabia tulondei bikufisha kufukama, n’abia kwītamisha atwe bana bene.

²⁰Ha mwanda wa bidībwa ta nulwishanga mifubo y’Efile. Eyo, bintu bioso bi selelee, anka kwi ādi akokosha mukwabo, nyi bubi.

²¹Ta bibuwa kudia mwita, su nkutoma mālwa, sunga nkukita su nkinyi su nkinyi, akikokosha mukwabo, (su nkumuhīsha mwanda, su nkumwikasha lotolo.)

²²Lukuluhilo lodi n’alo, wekale n’alo obe na mwinyi ku mpala kw’Efile-Mukulu. E na mwabi ngiawa shī ehīsha e na mwinyi mu kia kibakumina.

²³Ank’awa e na mealasheno, a ha kwi kidia mbahishwe, mwanda badile kushī kwa lukuluhilo, na bioso bishī bia lukuluhilo, mbia kulwisha.