Read songe I Bena Kodinda 2 Bible Online

I Bena Kodinda 2 - songe bible

I Bena Kodinda 2

¹Binyibiabia anwe bakwetu ba mu Kidisitu, ami, hanafikile kwanudi, nkimufikye na buwa bwa mīsambo, sunga na binangu hakwinulungula bulungudi bw’Efile Mukulu.

²Mwanda nafunyine’shi; tankeuku kingi kintu munkatshi mwenu, anka Yesu Kidisitu, n’e winyi babambidibwe ha nkulusu.

³Nadi n’enu mu kutshoboloka, na mu moo, na kususa kukata.

⁴Mīsambo yande namu, na bulungudi bwande bw’Efile, tabubadi na bishima bia kukonkwela bia mu binangu bia bantu, ooo, nganka bia mu bileshesho bia Kikudi-E-Selelee na bukome’shi:

⁵lukumino lwenu talwikalanga mu binangu bia bantu, anka mu bukome bw’Efile Mukulu.

⁶Sunga mbiabia, atwakulā binangu munkatshi mwa baba ba tabahwile kukula, anka tambinangu bia bahanohansenga, sunga mbwa bamunyi ba bahanohansenga abakekashwa bu ba bisumanga;

⁷ank’atwisambā binangu bi’Efile Mukulu mu kifībwe, nyi (mbinangu) bibadi bifwame, bibasangwile Efile Mukulu kwibedi kwa hanohansenga tahabandjile kuhangibwa bwa kwitwīkasha bu ntumbo:

⁸Bishī biukibwe kwi bamunyi ba bahanohansenga, sunga ngumune; mwanda su abadi beukye (bianka,) biabia tababadia kubamba Nfumwetu a ntumbo ha nkulusu.

⁹Anka mwaubafundjibwe’shi: Ayo tangimonyibwe na meso, sunga nkwiyihusha na matwi, sunga nkutwela ’mashimba a bantu, (yinyi) myanda yibalumbulwidile Efile Mukulu abo be n’e kifulo.

¹⁰Anka Efile Mukulu betufumbwila’ (yo) mu Kikudi e e Selelee; mwanda Kikudi-E-Selelee akokōlā myanda yoso, ee, yinyi myanda yibukoho y’Efile Mukulu.

¹¹Mwanda a nanyi muntu euku myanda yi munda mwa (mungi) muntu, anka kikudi kia muntu ki munda mwe? Nyi anka hamune myanda y’Efile Mukulu, ayo yinyi takwi sunga ngumune eyiūku, anka Kikudi-E-Selelee e Efile Mukulu.

¹²Atwe tatwibatambule kikudi kia bahanohansenga, ooo, anka winyi Kikudi a kw’Efile Mukulu, mwatudia kwiukila myanda ayituhelwā bwana kw’Efile Mukulu.

¹³Yinyi myanda yiatwisamba namu, tayi mu bishima abilambukishwa mu binangu bia bantu, ooo, anka yinyi ayilambukishā Kikudi-E-Selelee, abangīla myanda ya Kikudi mu yinyi ya Kikudi.

¹⁴Anka muntu a bia ku mbidi yi na mwinyi tatambulā myanda ya Kikudi-E-Selelee e Efile Mukulu; mwanda kwadi e yi bu yilotakane, teuku namu kwiyishingula, mwanda ngishingulwe anka kwi a ku Kikudi-E-Selelee.

¹⁵Anka e a ku Kikudi-E-Selelee ashingula myanda yoso, anka e na mwinyi tamushingulwilwe na muntu, ooo.

¹⁶Mwanda a nanyi beukile nangunangu ya Yehowa mwadia kumulambukīsha? Ank’atwe twi na nangunangu ya Kidisitu.