Read songe I Bena Kodinda 5 Bible Online

I Bena Kodinda 5 - songe bible

I Bena Kodinda 5

¹Ntumbu yibahalakana’shi: Kwi lukyebanokyebano munkatshi mwenu, na lwinyi lukyebanokyebano bushyabutemunwa sunga munkatshi mwa badjentaila’shi, umune ekale na mukashi a nshye.

²Anwe namu mwi betatule, tanwi na lukalo (munda) ’shi, e bakitshi kino kikitshino akashībwe munkatshi mwenu.

³Mwanda ’mibinyibinyi, sunga mbidi yi kula, eshimba di kwanka, ami tampwile kala kutshibila yawa bakitshine kino’ki, anka hamune bu’mi e kwanka.

⁴Mwishina dia Nfumwetu Yesu, anwe hanwikoñena hamune, n’eshimba diande namu hanka, na bukome bwa Nfumwetu Yesu Kidisitu,

⁵kulubula yawa winyi kwi Satana biadia kumulwisha mbidi’shi: kikudi kie kikahashibwe mwifuku dia Nfumwetu Yesu.

⁶Kwitumbisha kwenu kushī buwa, ooo. Tanwiuku’shi, kitatusho kihela, akitatusha mutanda woso.

⁷Binyibiabia katushai kinyi kitatusho kikulu’shi, nwikale mutanda uhya, mwanda nwi bu bashī batatushwe. Mwanda paque ’ētu betutahilwe, nyi Kidisitu.

⁸Henyihaha tulamei bidibwa bia kusehela, bishī na kitatutsho kikulu, sunga na kitatusho kia kifita na bubi, anka n’akia kishī kitatushwe, kia lukuluendo na kia binyibinyi.

⁹Nenufundjile mu mukanda (wande) ’shi: Tanwikalanga bu kūku na bena kukyebana-kyebana.

¹⁰Tankwamba’shi, bena kukyebana-kyebana ba hanohansenga, sunga mbasha malaka, sunga mbanyenanyi, sunga mbalangwidi ba mankishi; su mbiabia wanudi n’au ngwa kukatuka hano hansenga.

¹¹Anka nenufundjile’shi: Tanwikalanga bu kūku na muntu su atemunwa bu mukwenu mu Kidisitu, su bekala sha kukyebana-kyebana su nsha malaka, su mulangwidi a mankishi, su nkānyi a mulomo, su mukodi a mālwa, su munyenanyi; su ngiawa e biabia, tanudianga n’e, ooo.

¹²A kwi benyi ba hasha, nyi biandjia kwibatshibila (kimu) su? Anwe tanutshibilā baba be munkatshi mwenu su?

¹³Ank’abo ba hasha Efile Mukulu ebatshibilā. Binyibiabia katushai (yawa) muntu e bubi munkatshi mwenu.