Read songe Ii Bena Kodinda 2 Bible Online

Ii Bena Kodinda 2 - songe bible

Ii Bena Kodinda 2

¹Mwanda nafūne’mi na mwinyi’shi, tankāluka dimonyi kwanudi n’eshimba dibushito.

²Mwanda su nankenufitshisha mashimba, a biabia, nanyi akansangulusha; anka winyi bafitshishwe eshimba kwandjimi?

³Nafundjile uno kwanudi, tala hankafiki, nankafitshishwa eshimba kwi baba bahwandjikile kunsangulusha, na ha mwanda wa kwinukuluhila’nwe boso’shi, kusanguluka kwande nkw’anwe boso.

⁴Mwanda mu bishiotshi bikata na kwinyenga kw’eshimba nenufundjile na mpolo yibungi; kushī’nwe nwekala benyengye, ooo, anka mwanudia kwiukila kifulo kikilekile kiandji n’enu.

⁵Anka su nanyi su nanyi bafitshishe mashimba, e tamunfitshishe, anka kihindji, bianshyakukamba kusumina kwanudi’nwe boso.

⁶Kumweshwa kwa yawa (muntu) kwabamumwesha kwi bantu nkulombane.

⁷Anka ku lungi luhese nkuhwandjikile’shi, numulekyele na kumusamba, tala su muntu e biabia akakambilwa na kwinyenga kwe kwakakila.

⁸Binyibiabia nyi ha mwanda wa nyi nusendela’shi, numukankamike na kifulo kienu.

⁹Nyi ha uno mwanda namu unenufundjile mwandjia kwiukila kishinkatshilo kienu, na su nwi na kukokyela mu myanda yoso.

¹⁰Anka kwi yawa anulekyela mwanda, su ngwa kinyi, su ngwa kinyi, n’ami namu mpamune; mwanda su ami nalekyela mwanda, su ngwa kinyi su ngwa kinyi kwi’wa analekyelele, nyi mpa mwanda wenu uneulekyelele, ku meso kwa Kidisitu.

¹¹Tala Satana akamwena mwa kwituhonesha, mwanda tatwibahatamine ku budimu bwe.

¹²Dimonyi hanafikile ku Toasa mu kulungula mukānduwi-buwa wa Kidisitu, kibelo kibanshitwidilwe kwi Nfumwetu.

¹³Eshimba diande tandjifukame, mwanda nkimusañane mukwetu Tetusa; anka hanebaladikile, nayile ku Masedonya.

¹⁴Biabia Efile Mukulu atumbulwe, etukunkushā na bushindanyi mu Kidisitu mafuku oso, na kumwekesha kwatudi mahembwe ebuwa a kiukilo kie kosokoso.

¹⁵Mwand’atwe twi mahembwe ebuwa a Kidisitu kw’Efile Mukulu mwi’ba bahande, na mu’ba abalwila.

¹⁶Ku luhese lumune twī’shiko dia ku lufu, ku lungi twi mahembwe a muwa wa ku muwa. A nanyi namu bakumbana ku bino bintu.

¹⁷Mwand’atwe tatwi bu bangi abasobā yingi myanda mu Mwanda w’Efile Mukulu, ooo, anka (twi) hamune bu ba binyibinyi na bu b’Efile, nyi ku meso kw’Efile Mukulu kwatwisambila mu Kidisitu.