Read songe Ii Bena Kodinda 4 Bible Online

Ii Bena Kodinda 4 - songe bible

Ii Bena Kodinda 4

¹Binyibiabia mwanda twi mu uno mufubo, mwatubafwilwa lusa, tatwi ndekelo ooo.

²Anka tubalekye bintu bifibwe bia būfu, kushī kutambukila mu bulamalama, kushī kudimbana mu mwanda w’Efile Mukulu, anka ku kufumbulwa kwa biabinyibinyi atwilungwila ku muntu-e-munda mwa bantu boso ku meso kw’Efile Mukulu.

³Anka su mukāndu we’tu wibuwa aufībwa, ngufībwe kwi’ba bashimine;

⁴mwabadi efile-a-bahanohansenga bēle mufito ku binangu bia’ba bashī bakumine, tala etata dia mukāndu-wibuwa wa ntumbo ya Kidisitu, E nyi nkyebukilo y’Efile Mukulu, diakebamunyika.

⁵Mwanda tatwilungwilā mwanda atwe bana bene, ooo, anka wa Kidisitu Yesu Nfumwetu; n’atwe benyi twi bahika benu ha mwanda wa Yesu.

⁶Mwanda nyi Efile Mukulu bakamikile etata kumunyikā ’mufito, n’e amunyikā ’mashimb’etu, ha mwanda wa kuhana etata dia kiukilo kia ntumbo y’Efile Mukulu, mu mpala ya Yesu Kidisitu.

⁷Anka twi na kino kineme mu bintu bibumbe bia nsenga’shi, buwa bukilekile bwa bukome bwikale bw’Efile Mukulu, ta mbw’etu, ooo.

⁸Tubakalaltashwa ku mpese yoso, anka tatwi bakambilwe; tubealashena, anka tatwi bakutwe.

⁹Tubasābulwa, anka tatwi bafutalwe, twibahoneshwe hashi, anka tatwi balwishibwe.

¹⁰Bukyelebukyele atutwala kwihayibwa kwa Yesu mu mbidi, eshi, muwa wa Yesu namu ufumbulwe mu mbidi mwetu.

¹¹Mwanda’twi twi na muwa atutulwā ku lufu bukyelebukyele ha mwanda wa Yesu’shi, muwa wa Yesu namu ufumbulwe mu mbidi yetu ya lufu.

¹²Binyibiabia lufu alufubā munda mwetu, anka mwanudi’nwe, muwa.

¹³Ank’atwe hakwikala n’eshimba dia lukumino dihamune, mulombene mwakibafundjilwe’shi: Nakuminyine, mbiabia nyi bia tanākwile; atwe namu tubakumina, nyi bia twakula.

¹⁴Hakwiuka’shi, yawa basangwile Nfumwetu Yesu, aketusangula n’atwe namu mu Yesu, aketulubula n’anwe hamune.

¹⁵Mwanda bintu bioso mbia ha mwanda wenu’shi, bu-muntu mbufwimi abukakishakisha mpaa na ku ntumbo y’Efile Mukulu ha mwanda wa lutumbu lwa bebungi.

¹⁶Nyi ha uno mwanda watushī ndekelo, anka sunga mbidi yetu ya lufu ayikalwika, muntu a munda ’munyishwe ku nguba na nguba.

¹⁷Mwanda bishiotshi bietu mbihēle, nyi mbia kihindji kibelahela, abitukitshina bushito bwa ntumbo yikilekile bikambe ya ikala-ika.

¹⁸Hatushyatutala ku bintu biabimonwa; mwanda bintu abimonwa mbia binobino, anka bintu bishyabimonwa mbia ikala-ika.