Read songe Bena Kolose 4 Bible Online

Bena Kolose 4 - songe bible

Bena Kolose 4

¹(Anwe) banfumu (namu) nuhe bahika benu akia kilulame na kilombane; hakwiuka’shi anwe namu nwi na Nfumu mwiilu.

²Nwikadidile na luteko, nudimukye mu lwinyi’lo na lutumbu;

³henyi hanutekye nwitutekyele namu’shi. Efile Mukulu etushitwile kibi kia kiakulwe, kia kwakula mwanda ufībwe wa Kidisitu, nyi mpa uno’u nyi mu nkano:

⁴Eshi, neuhatule mwa udi umpwandjikile kwiulungula.

⁵Tambukai mu binangu kwabadi’bo be hasha, bia kumona mw’a kwikēla mu bihwa.

⁶Mīsambo yenu yikale ya bumuntu, yitwe na mungwa, eshi, nwiukye mwakidi kinulombene kwalula ku muntu ku muntu.

⁷Tyikikuse mukwetu a kifulo na mufubi mushimate, mukwetu a mu buhika mu Nfumwetu, akenwiukisha nyikashi yande yoso.

⁸Winyi e nyi a nenutumina ha uno mwanda mwadia kwiukila mwikelo wenu, na kusenga mashimb’enu;

⁹hamune na Onesemuse, mukwetu mushimate n’a kifulo a kwa kwa kwenu. Abakenuukisha myanda yoso (yikitshibwe) kuno.

¹⁰Alesatakusa mukwetu mushitshikwe n’ami e nwimuna, na Mako mukwabo na Banabasa (kwinyi kwanubatambwile myanda ya milayilo’shi; Su afiki kwanudi numukukile).

¹¹Na Yesu, winyi atemunwa bu Yusetuse, abo mba ku basalwe. Ank’abo benyi mbena mufubo n’ami mu bufumu bw’Efile Mukulu, abo benyi nyi babadi abansengye.

¹²Ehafalasa a kwa kwenu, e nyi mpika a Kidisitu e nwimuna, mafuku oso atuhwita bimoo kwinutekyela’shi, nwimane bakumbane mu bia bikyebe’shimba di’Efile Mukulu.

¹³Mwanda netemuna bu kamonyi ke’shi, e na kinsukunsuku kikata ha mwanda wenu, na kwi’ba be mu Laodesea, na kwi’ba mu Hielapodise.

¹⁴Luka, winyi ftangabuka na Demasa abenwimuna.

¹⁵Nyimwinei bakwetu (ba mu Kidisitu) be mu Laodesea, na Nymfasa, na kikoñeno ki’Efile ki mu nshibo mwe.

¹⁶Hakubalwa uno mukanda munkatshi mwenu, nwiubadishe namu mu kikoñeno ki’Efile kia Bena Laodesea; nubale uno mukanda hamunenka aufu ku Laodesea.

¹⁷Nuakule kwi Akehusa’shi: Odimukye ku mufubo wobotambwile mu Nfumwetu, weukumbashe.

¹⁸Lwimu lwa kwiasa diande ami Paulu. Nutentekyeshe nkano yande. Bu-muntu bw’Efile bwikale n’enu. Amena.