Read songe I Bena Tesalonika 2 Bible Online

I Bena Tesalonika 2 - songe bible

I Bena Tesalonika 2

¹Mwanda’nwe’bana bene, bakwetu, anwiuku kutwela kwatubatwēle kwanudi’shi, takubadi kwa bisuntanga, ooo.

²Anka hatubahwile kufwambuka kwibedi, na kumweshibwa biabūfu, anka bu mwa nwiukila ku Fidihai, tubakankamene mw’Efile Mukulu kwinulungula mukāndu-wibuwa w’Efile Mukulu n’efita dimoo.

³Mwanda elango dietu tadibadi dia bwakulākule, ooo, sunga ndjia bufundakanyi, sunga mu bulamalama:

⁴anka mwatubakuminyinwe kw’Efile Mukulu kwikala bakuluhilwe na mukāndu-wibuwa, n’ao winyi watwisamba; tatwi bu basangashi ba (mashimb’a) bantu, anka di’Efile-Mukulu, e winyi nyi atompa mashimb’etu.

⁵Mwanda sunga ku kihindji kinyi, sunga ku kihindji kinyi, twibasananwe na myanda ya mukanyo wa bisumanga, ooo, anka wanwiuku’nwe, sunga bu mputo ya kuhuta n’ayo malaka: Efile Mukulu nkamonyi;

⁶sunga nkukimba ntumbo kwi bantu, sunga nkwanudi’nwe, sunga nkwi bangi, ooo, n’aho henyi hatwibeukye kunemenwa na bushito bu batumibwa ba Kidisitu.

⁷Anka tubadi na kasendeleshi munkatshi mwenu bu muledi alela bana be:

⁸nyi henyi tubenwabidile na kifulo, tubakuminyine kwinuha ta ñanka mukāndu-wibuwa ank’ao, anka muwa wetu namu, mwanda nubadi bālulukye bakuminyibwe n’atwe bikata,

⁹Bakwetu, anunangushenā mifubo na kutuhwita kwetu: mwanda tubadi atwinulungula mukāndu-wibuwa w’Efile Mukulu, na kufuba kanya na bufuku, tala twanemesha bushito kwanudi sunga nkwi umune.

¹⁰Anwe nwi tumonyi (twetu) n’Efile Mukulu namu (hamune,) mwatubaikadile’twe bana bene bu balamunwe-bakishila, na mwatubalulamine na kushī kutohekwa munkatshi mwa’nwe bakumine,

¹¹anka hamune nwibahwe kushingula biatubenulangile na kusenga na kukayika ese’ēnu bu nshye bana na bana be;

¹²eshi, nutambukile muhwandjikile kw’Efile Mukulu, benwitanyine ku bufumu bwe na ntumbo.

¹³Nyi mpa uno mwanda namu atutumbula Efile-Mukulu kushī mpwilo, mwanda’shi, hanubatambwile Mwanda w’Efile Mukulu wanubahushishe kwatudi’twe, nubeutambwile ushī bu mwanda wa bantu, ooo, anka bu biaudi binyibinyi Mwanda w’Efile Mukulu, ñanka’o aufubā unyiñamane namu mwanudi’nwe bakumine.

¹⁴Mwanda’nwe bakwetu nubālulu-kile tanudi balondji ba bikoñeno-bi’Efile Mukulu bia mu Yudea bi mu Kidisitu Yesu; mwanda anwe namu nubafwambukile ku bintu bimune kwi bakwenu b’anwe ba na mwinyi, anka bu mwabafwambukile namu’bo kwi Bayudea:

¹⁵Benyi abaihaile Nfumwetu Yesu na batemuki, b’abo ba na bene, na kwitubingā’twe; biabia tambasehesh’eshimba di’Efile Mukulu, abetuhishenā na bantu boso:

¹⁶abetulekyesha kwisamba na Badjentaila’shi, bahande, biabia nyi kuusha (kihimo) kia milwisho yabo mafuku oso; anka k’obola (kw’Efile) kubafiki kwabadi mpaa na kunfudidilo.

¹⁷Anka’twe bakwetu biatubālamunwa kwanudi kihindji kihi, mu mbidi, kushi kwishimba, tubatompele bikata kuki shakisha kumona nkyebo yenu na kukyeba kukata.

¹⁸Binyibiabia tubakyebele na kufika kwanudi, (ñanka’mi Paulu) dimo na dimonyi; anka Satana betuba mbile,

¹⁹Mwanda lukuluhilo lwetu, sunga muloo, sunga kilongo kia bōbeshi bwetu bi na minyi? Tananwe kumpalakwa Nfumwetu Yesu Kidisitu ha kufika kwe su?

²⁰Mwanda’nwe nwi ntumbo na muloo bietu.