Read songe Ii Bena Tesalonika 1 Bible Online

Ii Bena Tesalonika 1 - songe bible

Ii Bena Tesalonika 1

¹Paulu na Shilefenuse na Temote, ku kikoñeno ki’Efile kia Bena Tesalonika, ki mw’Efile Mukulu Yaiy’etu, na mwi Nfumwetu Yesu Kidisitu.

²Bu-muntu bwikale kwanudi, na kufukama kw’Efile Mukulu Yaiy’etu, na kwi Nfumwetu Yesu Kidisitu.

³Watudi n’ao ngwa kutumbul’Efile Mukulu mafuku oso ha mwanda w’anwe boso bakwetu, mwakidi kihwandjikile, mwanda lukuluhilo lwenu alwend’ālukulanga bikilekile, na kifulo kia muntu ese a kwanudi’nwe bana bene na bana bene akifwimi;

⁴Biabia’twe bana bene atwinutumbisha mu bikoñeno bi Efile Mukulu ha mwanda wa mufwaka wenu na lukuluhilo mu kubingwabingwa kwenu koso, na mu bishiotshi bienu bianumono;

⁵abio nyi kitundwilo kifumbulwe hatoka kia kitshibilo kilulame k’Efile Mukulu; eshi nwikal’anutemunwa bu balombene mbufumu bw’Efile Mukulu, nyi bwanufwambukila.

⁶Ha mwanda nyi kintu kilulame kw’Efile Mukulu kōbolo kusābulwa kwi’ba abenufwambulā.

⁷Kwanudi’nwe abafwambulwa nwikishe na kwikisha n’etu, ahakasokolwa Nfumwetu Yesu kwiilu na bamwiekeilu ba katshintshi;

⁸mu kālo k’edimi aditembe hyuu, kwibōbolā’ba bashyabeuku Efile Mukulu, na kushi kukokyela mukānduwibuwa wa Nfumwetu Yesu Kidisitu.

⁹Abo banakamweshibwe malwa a kulwishibwa kwa kwi-kala-ika kukatuka ku mpala kwa Nfumwetu, na ku ntumbo ya katshintshi ke;

¹⁰ahakafiki kutumbishibwa mu bahatulwe-bakishila, na kwikala bakanyibwe mwi’bo abakumina hā’di ’efuku (mwanda bulungudi bwetu kwanudi bubakuminyibwe) mu diadi’efuku.

¹¹Nyi ha mwanda watwinutekyela mafuku oso’shi: Efile Mukulu etu enutemune bu balombashwe ba (luno) lwitanyino, na kukumbasha bioso abikyeb’eshimba dia buwa (bwe,) na mifubo ya lukumino na bukome’shi,

¹²eshina dia Nfumwetu Yesu Kidisitu ditumbishibwe mwanudi, n’anwe namu mwadi e, mulombene bu-muntu bw’Efile Mukulu etu, na Nfumwetu Yesu Kidisitu.