Read songe Ii Bena Tesalonika 2 Bible Online

Ii Bena Tesalonika 2 - songe bible

Ii Bena Tesalonika 2

¹Binobino anwe bakwetu, atwinusendela ha mwanda wa kufika kwa Nfumuetu Yesu Kidisitu, na ha kwikoñena kwetu kwadi’shi:

²tanutele ntentanga bukidi mu mashimba, sunga nkuunga unga, sunga mu kikudi, su mpa mwanda, su mpa mukanda bu aufu kwatudi’shi, dinyi efuku dia Kidisitu dibahu kufika.

³Tanukuminanga muntu kwinongola na kintu; mwanda diadi’efuku tadikafiki anka su akukekala kulamunuka kwibedi, na (winyi) mulamunushi-e-bubi akafumbulwa, winyi mwan’a kulwisha,

⁴e atuhishenā na kwikamishā e na mwinyi hanundu ha bioso abitemunwa bw’Efile, n’abilangwilwa; biabia e, bw’Efile Mukulu anakashāle mu ntempelo y’Efile Mukulu yi kishila, ēleshe e na mwinyi’shi: Nyi Efile Mukulu.

⁵A tanunangushena’shi, nenulungwile yino myanda hanadi nki n’enu?

⁶Na binobino anwiuku’kia akilekyesha, mwadia kufumbwilwa mu kihindji ki’e na mwinyi.

⁷Mwanda kifibwe kia kulamunuka kikiakifubu na bino; anka e akulekyesha binobino e kwanka, mpaa na hakakatushwa.

⁸Henyihaha, nyi hanakasokolwe (winyi) sha kulamunusha, e Nfumwetu anakamulwishe ku muwa wa kukanwa kwe, na kumwalula bu a bisumanga na kufumbulwa kwa kufika kwe.

⁹Ta ngwinyi yawa, akufwila ’muyilo wa Satana, na bukome bwoso na bitundwilo na biakukanya bia madimi,

¹⁰na budimbanyi boso bwa bukonyame bwi mwi’ba abakalwishibwa, mwanda tambatambule kifulo kia biabinyibinyi’shi, bahande, ooo.

¹¹Ha uno mwanda Efile Mukulu akebatumina mulubishi e moo, bakumine wa madimi,

¹²eshi, bakahishibwe boso bashī bakuminyine biabinyibinyi, biosobi babadi na kusehela na bia bukonyame.

¹³Anka’twe bakwetu bafudibwe kifulo mu Nfumwetu, watudi n’au ngwa kutumbula Efile Mukulu mafuku oso ha mwanda w’anwe; mwanda Efile Mukulu benusangwile ku mbangilo ku kihandjilo, mu buhatulwe-bwi selelee bwa Kikudi-E-Selelee, na (mu) lukumino lwa biabinyibinyi;

¹⁴nyi kwanka kubenwitanyina ku mukāndu-wibuwa wetu, mu kutambula ntumbo ya Nfumwetu Yesu Kidisitu.

¹⁵Binyibiabia bakwetu nushimate hoo, nukamine ndaa ku myanda ya mu kiftilo yanubalambukishwe, sunga nku mayi, sunga nku mukanda wetu.

¹⁶Binobino Nfumwetu Yesu Kidisitu na mwinyi, n’Efile Mukulu, nyi Nshyetu, betufule kifulo, betuhele namu kisengyelo kia ikala-ika, na lutengyelo lwibuwa ku bu-muntu bw’Efile;

¹⁷enusengyela ’mashimb’enu, na kwinukamisha mu mayi oso, na mu mifubo yoso bibuwa.