Read songe Tetusa 3 Bible Online

Tetusa 3 - songe bible

Tetusa 3

¹Webatentekyeshanga kukokyela babikale, na basha matalwa; bakokyele na kutula mashimba ku mifubo yoso yilumbulukye;

²kushī kwisambila muntu sunga ngumune bibubi, kushī bu basha mpaka, anka bu basha kasendeleshi, na kulesha luhohelo kwi bantu boso.

³Mwanda’twe kala tubadi bahatamine, bashyabakokyelā, abongolwanga, na kufubila ngabiabi na bisehelwa bia bihaso na bihaso, tubadi bekale mu kufita, mu mukalala, beshikwene abo bana bene.

⁴Anka habamwekyele kanya k’Efile Mukulu Muhashi etu, na kalolo (ke) kwi bantu,

⁵tampa bikitshino bia kululama biatubakitshine’twe, ooo, anka mulombene lusa lwe betuhashishe, ku kusulwa kwa kutandjibwa-kwa-kabidi, na ku kuhangulwa kwi Kikudi-E-Selelee;

⁶betuhongolwedile bibungi mu Yesu Kidisitu Muhashi etu’shi,

⁷hakubingishibwa ku bu-muntu bwe biatudia kwikala bampyanyi mwiyile lutengyelo lwa muwa wa ikala-ika.

⁸(Uno) Mwanda ngwa binyibinyi, na yino myanda (namu) nankyebe’shi, okankamane na’yo bikata’shi, baba abakuminyine mw’Efile Mukulu, beshinkye kukishakisha mu bikitshino bilumbulukye. Yino myanda ngilumbulukye, na bia kumwena kwi bantu.

⁹Wehe ngye ku nyihusho yihatakane, na ya kulondola ntandjilo, na mpaka, na kuhakanya ha mwanda wa mukanda-wa-bishila; mwand’ayo tangia kumwena’mo, ngiabisumanga.

¹⁰Muntu etola ku mongo kw’elango dia kwibedi na diakabidi muhele;

¹¹hakwiuka’shi, yawa e bino ’muhatakashwe tadi musodi a myanda, mwihonesh’e na mwinyi.

¹²Hankakutumina Aletemasa, sunga Tyekikusa kodi, obe osasakate kufika kuno kwandji ku Nekohodise, mwanda nyi nkwanfunyina kuhwilaeshiho.

¹³Fisha Senasa, muhatudia bishila n’Aholosa ha luendo lwabo lubilo, ’shi, tabekalanga na lukalo lwa kintu, ooo;

¹⁴na (bantu) betu namu bāmbule mwa kwikela na bikitshino bilumbulukye mwa kumwena bioso biabadi n’abio lukalo, tala bakekala bu ba bisumanga.

¹⁵Boso bandji n’abo abakwimuna. Nyimwine baba be n’etu kifulo mu lukumino. Bu-muntu bwikale n’anwe boso. Amena.