Read songe Bena Bahebelu 4 Bible Online

Bena Bahebelu 4 - songe bible

Bena Bahebelu 4

¹Biabia atwe twikale na moo tala mulayilo ubetulekyeiwe wa kutwela mu kikīsho, umun’anwe su akalobela mwanka.

²Mwanda kwatudi’twe kubalungwilwe mukāndu-wibuwa, anka hamunenka namu kwi’bo; anka winyi mwanda ubalungwilwe, ubakutshilwe kwibambwesha kintu, (mwanda) taubadi usangakane na lukuluhilo mwabadi bahushishe.

³Mwanda’twe tubakuminyine atutwele mu kikisho anka mu bakudile’shi; Anka munatshihile mu nsungu yande’shi: Su abakatwele mu kikisho kiande: sunga bikitshino bibakitshinwe ku mbangilo kwa hanohansenga.

⁴Mwanda e bakwile mu nanyi’u ha mwanda w’efuku dia musambobidi bino: N’Efile Mukulu beyikishe ku mifubo ye yoso h’efuku dia musambobidi.

⁵Hangi namu’nyi’shi: Su abakatwele mu kikisho kiande.

⁶Biabia mwanda ukiushale wa bamo batwele mwanka, n’abo babadi balungulwe mukāndu-wibuwa kala abakutshilwe kutwela ha mwanda wa kushīkukokyela.

⁷Ungi’nyi, e batemwine ding’efuku, bakwile kwi Dafidi’shi: Lelo, ahahu kwiyisha kihindji kikampanda, anka mubakudilwe’shi: Lelo, su anukahusha eyi di’e, tanukomeshanga mashimb’enu,

⁸Mwanda su Yoshua bebahele kikisho, (biabia Efile Mukulu) tabadia kwakula kumongo ha mwanda wa ding’efuku.

⁹Biabia efuku dia kikisho dibashala ku bantu b’Efile Mukulu.

¹⁰Mwanda e batwele mu kikisho ki’e, e namu bēkisha ku bikitshino bi’e, anka hamune bibekish’Efile Mukulu kwi y’e.

¹¹Binyibiabia tusasakate kutwela mu kinyi kikisho, tala muntu akahona mu kihaso kimunenka kia kushikukokyela.

¹²Mwanda, Mwanda w’Efile Mukulu autala, na wa kusasakata na kukila bwāshi bwa mpete-ya-ngoshi yoso yi mashi kubidi autubula mpaa na kulamunusha kwa kw’eshimba na kikudi, na kwa binyingwa na mwimu-wa-mikondo, ngwa kushingulusha mitentekyesho na bia kufuna kw’eshimba.

¹³Takwi kintu namu kihangwe kushyakisokolwa ku meso kwe, anka bintu bioso bi ha toka, bi mwasa ku meso kwa’wa atudi n’e.

¹⁴A binyibiabia biosobi twi na tshiite-mwakwidi-mukata, bahwile kutwela mwiilu, nyi Yesu Mwan’Efile-Mukulu, tushimate hoo lukumino lwetu.

¹⁵Mwanda tatwi na tshiite-mwakwidi-mukata shyeuku kukwatshibwa mwiyile matūba etu, ooo, biosobi batompibwe mu myanda yoso hamunenka’twe, (sunga mbiabia) tamulwishe.

¹⁶Biabia tusumine kwifubula hehi ku luhun’a-nsulu lwa bu-muntu bw’Efile’shi; tutambule lusa na kumona bukwashi mu kihindji kia lukalo.