Read songe Bena Bahebelu 9 Bible Online

Bena Bahebelu 9 - songe bible

Bena Bahebelu 9

¹Biabia kilombeno kia kwibedi binyibinyi kibadi na bileshesho bia bilangwilwa, na kilangwilo-ki-kishila akinemena bia hano hashi.

²Mwanda kubadi kukitshibwe kilombelelo ki’Efile. Mu (kihindji) kia ku mpala mubadi kitudilo kia bimunyi, na mesa namu, na mampa a kuleshwa; nyi mubatemunwanga bu muhatulwe-mwi-kishila.

³Hakukila lushiko lwa kilamba lwa kabidi, nyi ha kilombelelo-ki-’Efile kinyi akitemunwa bu kihatulwe-kikilekile-kishila;

⁴nyi mubadi kishikilo kia kilonda kia nsahabu, na musheto wa kilombeno ubambe kilonda kia nsahabu, nyi mubadi lueso lwa kilonda kia nsahabu, lubadi na mana, na mukombo wa Alona aushihukā, na mabwe afundwe kilombeno,

⁵na kunundu kwa’o (kubadi) batshelubimi ba ntumbo abadi baubamine mputo ya kufukamisha; tatwiuku kwinulondolwela binobino mwanda w’ao.

⁶Habalumbulwile bino bintu biabia, batshiite-bakwidi abatwēlā mu kibombelelo k’Efile kia ku mpala, abakitshi mufubo w’Efile.

⁷Anka mutshiite-mwakwidi-mukata badi atwele mu kiakabidi buhenita, mususa umune ku kioso kihwa, anka na mase, abelambwilanga ha mwanda wa milwisho yishi yihatulukye yi’e na mwinyi na ya bantu.

⁸N’aho henyi habetulesheshe Kikudi-E-Selelee’shi; eshinda dia ku (mbalo) yikilekile yihatulwa-yi-kishila tadiabandiile kumweka hakidi hemane kibombelelo ki’Efile kia kwibedi;

⁹kibadi bu kihwandjikisho ki’akia kinyi kihindji mpa, kiabadia balambwila milambu na bitahilo bishī biukye kufisha yawa alangwila bu mukumbane, mu mwanda wa eshimba dia munda, ooo,

¹⁰abio bibadi abikumu anka mu bidibwa na bia kutoma na bia kwitumpa bia bihaso na bihaso, na bileshesho bia mbidi bibebashidikilwe mpaa na ku kihindji kia kilumbulwilo.

¹¹Anka Kidisitu ha kwikala ta ntshiite-mwakwidi-mukata a bintu bilumbulukye abikafiki, ku kibombelelo ki’Efile kikile bukata na kukumbana, kishī kikitshibwe ku maasa, (kuhatula’shi; tankia kino kihangwa, ooo;)

¹²sungakumase a mbushi, n’ā bana ba ñombe, anka ku mas’ē na mwinyi, batwelele mu mbalo yihatulwe-yi-kishila mususa umune, batambudile (bantu) kikudilo kia ikala-ika.

¹³Mwanda su masea ñombe n’a mbushiyilume, na buto bwa ñombe a musambala bimaminwe he abashula bishila abilamunusha-selelee mpaa na kutosha kwa ku mbidi;

¹⁴A biabia mase a Kidisitu e behen’e na mwinyi kushī kilema kw’Efile Mukulu ku Kikudi-E-Selelee a ikala-ika, tangakile kutoshaeshimba-dienu-diamunda kubikitshino bifwe, mu kufubila Efile Mukulu a muwa?

¹⁵Nyi mpa uno mwanda enyi musengi a kilombeno kihya’shi, lufu bialudi hanka lwa ku kula milwisho ya kutomboka, yibadi yinemene kilombeno kia kwibedi, abayitanyinwa batambule mulayilo wa buhyanyi bwa ikala-ika.

¹⁶Mwanda ha ku ki kilayilo kwi lukalo namu lwa lufu lwawinyi akitshi kilayilo.

¹⁷Mwanda kilayilo akiuku kukankamikibwa kumongo kwa bantu abafu, biabia taki na bukome, sungu mpahelahela su balayile kiatala, ooo.

¹⁸Nyi henyi ha mwanda w’akia kilombeno kia kwibedi tankishidikwe namu kushī na mase, ooo.

¹⁹Mwanda Mosesa habadi alungula bantu milangilo yoso mwiyile mukanda wa bishila, bātshile mase amisambalaya ñombe, na mema, na bufufulu bwa mikoko bumonga hyaa na hysope, bamamine ha mukandau na mwinyi, na ha bantu boso,

²⁰tākula’shi: ano’mase a kilombeno kibenushidikidile’nwe.

²¹Kibombelelo ki’Efile namu na bintu bioso bia winyi mufubo w’Efile, bebimamine na mase.

²²Mwiyile mukandawa-bishila hehi bintu bioso abitoshwa ku mase; na hashī kusololoka kwa mase takwi kulekyelwa kwa myanda.

²³Ubadi n’ao ngwa bihwandjikisho bia bintu bia mwillu bitoshibwe na bino; anka bintu bia mwiilu abio bi na mwinyi mbitoshibwe na bitahilo bikile bino buwa.

²⁴Mwanda Kidisitu tamutwēle mu bihatulwe-bikishila bikitshibwe na maasa, bi bu bihwandjikisho bi’abia biabinyibinyi, ooo; anka mwiilu mwi na mwinyi, ku mweka ku mpala kw’Efile Mukulu ha mwanda w’atwe;

²⁵Sunga nkwamba’shi, elambule na mwinyi misusa na misusa, mubatwelelanga tshiite-mwakwidi-mukata ku kihwa ku kihwa, mu kihatulwe-kikishila na mase a shī bu e.

²⁶Su mbiabia ubadi n’ao ngwa kufwambuka misusa na misusa ku mbangilo ya hanohansenga, anka hano hanfudilo ha bihungilo, bamwekyelele anka mususa umunenka, mu kukasha milwisho ha kwilambula e na mwinyi bu kitahilo.

²⁷Binyibiabia anka mubasangudile bantu (boso) kufwa mususa umune, anka kumongo kwa’ko nkimu.

²⁸Biabia Kidisitu namu balambwilwe mususa umune mu kutwala milwisho ya bebungi; na kwi’bo abamutengyela, anakamwekye mususa wa kabidi kushī milwisho mpaa na ku kihandjilo.