Read songe Ii Yoano 1 Bible Online

Ii Yoano 1 - songe bible

Ii Yoano 1

¹Mukulu kwindalamumba musangudibwa kw’Efile Mukulu, na bana be bafudibwe n’ami mu bia binyibinyi; tanank’ami buhenka, ooo, anka na boso namu beukye biabinyibinyi;

²ha mwanda wa biabinyibinyi, bikale munda mwetu, na bikekala n’etu mpaa na kwikala-ika.

³Bumuntu, lusa, na kufukama abikekala n’etu, kw’Efile Mukulu Yaiya, na kwi Yesu Kidisitu, Mwan’a Yaiya mu biabinyibinyi na kifulo.

⁴Nasehela bikata binahete (bamo) ba bana bobe abatambuka mu biabinyibinyi, anka muwatubambudile mulangilo kwi Yaiya.

⁵Binobino obe, Ndalamumba, nakusendela kushī bu mukufundjile mulangilo uhya, ooo, anka watubadi n’ao ku mbangilo’shi, twifulene kifulo.

⁶Kino nyi kifulo’shi, tutambukye mwiyile milangilo ye. Uno nyi mulangilo anka mwanubahushishe ku mbangilo’shi, wanudi n’ao ngwa kutambuka mwanka.

⁷Mwanda bōngoshi bebungi mbahalakane hanohansenga, baba tabakumina’shi, Yesu Kidisitu bafikile mu mbidi. Uno nyi mōngoshi na mwituhishene na Kidisitu.

⁸Dikumai anwe bana bene’shi, tala nwakashimikā’bia bintu biatubakitshine, anka’shi, nutambule bwedi bukumbane.

⁹Awa muntu akidi (ku mpala lew’eyi di’Efile Mukulu), e namu tamwikadidile mu lulambukisho lwa Kidisitu, te n’Efile Mukulu, (anka) yawa ekadidila mu lulambukisho lwa Kidisitu, yawa winyi nyi e na Yaiya na Mwana bubidi.

¹⁰Su mungi akufika kwanudi shyafisha luno lulambukisho, tanumutambulanga mu nshibo (yenu), sunga nkumwimuna;

¹¹mwanda yawa amwimuna mwibungile n’e ku bikitshino bibubi.

¹²Ha kwikala na myanda yibungi kwinufundjila, tankafundu kwibishi dia mukanda na mema a mukanda; anka natengyela kufika kwanudi, na kwisamba ku mahala’shi, muloo wenu ukumbashibwe.

¹³Bana ba mukwenu, mwana mukashi musangudibwe abakwimuna.