Read songe Iii Yoano 1 Bible Online

Iii Yoano 1 - songe bible

Iii Yoano 1

¹Mukulu kwi Ngaiusa mutomibwe kifulo andji mufule kifulo mu biabinyibinyi.

²A mutomibwe kifulo, natekye’shi, wekale na mwabi, na musangelo mu bintu bioso mwodi na mwabi mwishimba diobe.

³Mwanda nasehelele bikata habafikile bakwetu, na kulungula bu kamonyi ha mwanda wa biabinyibinyi bi munda mwobi, anka mōtambukile mu biabinyibinyi.

⁴Nki na muloo ukile uno he kuhusha’shi, bana bande abatambukila mu biabinyibinyi.

⁵A mutomibwe kifulo, mu bioso biokitshi kwi bakwetu na kwi benyi, okitshi mufubo ushimate,

⁶abākula bu kamonyi ha mwanda wa kifulo kiobe ku mpala kwa kikoñeno ki’Efile; okakitshi bibuwa kwibebwesha ha luendo lwabo bilombene Efile Mukulu;

⁷Nyi ha mwanda w’eshina die abahalakene; tabakuma kutambula kintu kwi Badjentaila.

⁸Binyibiabia nkuhwandjikile’twe kukila be biabia, mwatudia kwikela bafubi n’abo kubiabinyibinyi.

⁹Nafundjile ku kikoñeno ki’Efile, anka Diotelehese winyi asehela kwikala na bukata bukile munkatshi mwabo, tamwitukumine, ooo.

¹⁰Binyibiabia su nankafiki, nankanangushena bikitshino bie biakitā, kwete kwitubalakena na bishima bibubi; tamufudile haha, ooo, anka e na mwinyi tatambulā bakwetu, n’aba abakyebe kwibatambula ebalekyesha ebabinga namu ku kikoñeno ki’Efile.

¹¹A mutomibwe kifulo, tolondangā’kia ki bubi, ankā’kia kibuwa. Yawa akitshi bibuwa nyi a kw’Efile Mukulu; anka yawa akitshi bibubi tamumone Efile Mukulu.

¹²Demeteluse e na mukāndu-wibuwa kwi bantu boso, na ku biabinyibinyi bi na mwinyi; n’atwe namu atwakula bu kamonyi; n’obe weuku’shi, bu-kamonyi bwetu mbwa binyibinyi.

¹³Nadi na myanda yibungi kukufundjila, anka nki n’eshimba kukufundjila na mema na mutshi wa mukanda,

¹⁴anka natengyela kukumona ahayisha kahindji, biabia atukeakushena ku mpala. Kufukama (kwikale) kodi. Bakūku abakwimuna. Nwyimwine bakūku kwishina n’eshina.